പരിഷത്ത് വിശേഷങ്ങള്‍

ദുബായിയിൽ ബാലശാസ്ത്ര കോൺഗ്രസ്സ്

2012-01-05T10:22:00.000+05:30

ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത്തിന്റെ ആഭിമുഖ്യത്തിൽ ദുബായിയിൽ ബാലശാസ്ത്ര കോൺഗ്രസ്സ് നടത്തുന്നു. ദുബായ് മുനിസിപ്പാലിറ്റിയുടെ സഹകരണത്തോടെ ഗൈഡൻസ് ഓഫ് നോളജ് അൻഡ് ഹ്യൂമൻ അതോറിറ്റിയുടെ നേതൃത്വത്തിലാണ് ദുബായിൽ ബാല ശാസ്ത്ര കോൺഗ്രസ് സംഘടിപ്പിക്കുന്നത്. കേരളത്തിൽ ശാസ്ത്ര സാഹിത്യ പരിഷത്ത് നടത്തിവരുന്ന ബാലശാസ്ത്രകോൺഗ്രസ് മാതൃകയിലാണ് യു എ ഇ-യിലും സംഘടിപ്പിക്കുന്നത്.

12-17 വയസ് പ്രായമുള്ള കുട്ടികളിലെ അന്വേഷണത്വരയും സർഗശേഷിയും വികസിപ്പിച്ച് സമൂഹത്തിലെ പ്രശ്നങ്ങൾക്കുള്ള പരിഹാരം നിർദേശിക്കുക എന്ന ലക്ഷ്യത്തിലാണ് ബാലശാസ്ത്രകോൺഗ്രസ് സംഘടിപ്പിക്കുന്നത്. ഓരോ സ്കൂളുകളിലെയും പത്തോളം വിദ്യാർത്ഥികളും അധ്യാപകരും അടങ്ങുന്ന ടീം പരിസര ശുചിത്വം, നഗര ശുചിത്വം- മാലിന്യ നിർമാർജനത്തിലൂടെ പരിസ്ഥിതി സംരക്ഷണം എന്ന വിഷയം ആസ്പദമാക്കിയുള്ള വിവിധ പ്രോജക്ടുകൾ സമർപ്പിക്കും. പ്രോജക്ടുകൾ ചെയ്യേണ്ട രീതികളെക്കുറിച്ചു കുട്ടികൾക്കും അധ്യാപകർക്കും പരിശീലനം നൽകും.

ഗൾഫ് രാജ്യങ്ങളിൽ ആദ്യമായാണ് ശാസ്ത്രത്തിന്റെ വഴിയിലൂടെ കുട്ടികളെ നയിക്കാൻ പ്രേരിപ്പിക്കുന്ന ബാല ശാസ്ത്രകോൺഗ്രസ് സംഘടിപ്പിക്കുന്നത്.

പങ്കെടുക്കുന്ന മുഴുവൻ വിദ്യാർത്ഥികളെയും പങ്കെടുപ്പിച്ചുകൊണ്ടുള്ള വർക് ഷോപ് ജനുവരി 14നു ദുബായ് മുനിസിപ്പാലിറ്റി ഓഡിറ്റോറിയത്തിൽ നടക്കും. തദവസരത്തിൽ ബാലശാസ്ത്ര കോൺഗ്രസിന്റെ ഔപചാരിക ഉദ്ഘാടനം ദുബായ് എന്‍‌വയോൺ‌മെന്റ് ഡിപാർട്മെന്റ് ഡയറക്ടർ ഹംദാന്‍ ഖലീഫ അൽ ഷേര്‍ നിർവഹിക്കും. ഡോ.ഹരാരി, ഡോ. ആർ വി ജി മേനോൻ, ഡോ.അബ്ദുല്‍ ഖാദര്‍, ഡോ കെ പി ഉണ്ണികൃഷ്ണൻ തുടങ്ങിയവർ വിവിധ വിഷയങ്ങളിൽ ക്ലാസുകൾക്ക് നേതൃത്വം നൽകും. ശ്രീ. കെ കെ കൃഷ്ണകുമാറാണ് വർൿഷോപ് ഡയറക്ടർ. വർക്ഷോപ്പിനു ശേഷം കുട്ടികൾക്ക് ഈ വിഷയവുമായി ബന്ധപ്പെട്ട പ്രോജക്ടുകൾ തെരഞ്ഞെടുത്ത് പഠനങ്ങൾ നടത്താം. അതിന്റെ സിനോപ്സുകളിൽ നിന്നും ഏറ്റവും മികച്ച 10 പ്രോജക്ടുകൾ തെരഞ്ഞെടുത്ത് ദുബായ് മുനിസിപ്പാലിറ്റിയുടെ അംഗീകാരത്തിനായി സമർപ്പിക്കും. എല്ലാ വർഷവും വിവിധ വിഷയങ്ങളിലൂന്നിയുള്ള പ്രോജക്ടുകൾ കണ്ടെത്താനും കുട്ടികളിലെ ശാസ്ത്ര നിരീക്ഷണ ത്വര വളർത്താനും ബാലശാസ്ത്രകോൺഗ്രസ് സംഘടിപ്പിക്കും.

മലയാളികളടക്കം നിരവധി രാജ്യങ്ങളിലെ വിദ്യാർത്ഥികൾ ഗൾഫ് മേഖലകളിൽ പഠിക്കുന്നുണ്ട്. നമ്മുടെ നാട്ടിലെ വിദ്യാഭ്യാസ അന്തരീക്ഷമല്ല അവിടത്തേത്. സി ബി എസ് ഇ പോലുള്ള പരിഷ്കരിച്ച സിലബസുകളിലാണ് പഠനപ്രക്രിയയെങ്കിലും ചുറ്റുപാടുകളിൽ നിന്നും പഠിക്കാനുള്ള ഒരു അന്തരീക്ഷം വിദ്യാർത്ഥികൾക്ക് ലഭിക്കുന്നില്ല. അത്തരം വിദ്യാഭ്യാസത്തിന്റെ പ്രാധാന്യം വിദ്യാർത്ഥികളിലേക്കെത്തിക്കാനുള്ള ദൌത്യവുമായാണ് ഫ്രണ്ട്സ് ഓഫ് കെ എസ് എസ് പി ബാലശാസ്ത്ര കോൺഗ്രസ് സംഘടിപ്പിക്കുന്നത്. കേരളത്തിൽ വിജയകരമായി നടത്തിവരുന്ന ബാലശാസ്ത്ര കോൺഗ്രസിന്റെ പ്രാധാന്യം അംഗീകരിച്ചുകൊണ്ടാണ് ദുബായ് മുനിസിപ്പാലിറ്റി ഈ സംരംഭത്തിനു നേതൃത്വം നൽകുന്നത്. വരും വർഷങ്ങളിൽ യു എ ഇയിലെ മറ്റ് എമിറേറ്റുകളിലെ സ്കൂളുകളിൽ കൂടി വ്യാപിപ്പിച്ചുകൊണ്ട് വിപുലമാക്കാനാണ് ഫ്രണ്ട്സ് ഓഫ് കെ എസ് എസ് പി ഉദ്ദേശിക്കുന്നത്..

2012 ജനുവരി 14, ശനിയാഴ്ച രാവിലെ 9 മുതല്‍ 4 വരെ വര്‍ക്‍ഷോപ്പ് നടക്കുന്ന ദുബായ് മുനിസിപ്പാലിറ്റി ക്ലബ്ബ്/ട്രെയിനിംഗ് സെന്ററിന്റെ ലൊക്കേഷന്‍ മാപ്പ് താഴെഃ

ഒറ്റയല്ലഒറ്റയല്ല ഒറ്റയല്ല

2011-10-22T18:49:00.001+05:30

പ്രിയപെട്ട മുല്ലനേഴി മാഷിന് ആദരാഞജലികൾ

അമ്മയും നന്മയും ഒന്നാണ്,
ഞങ്ങളും നിങ്ങളും ഒന്നാണ്
അറ്റമില്ലാത്ത ജീവിതപാതയില്‍
ഒറ്റയല്ലഒറ്റയല്ല ഒറ്റയല്ല ...."

രസതന്ത്രയാത്രയെത്തി

2011-10-17T11:12:00.000+05:30

മലപ്പുറം: മേരിക്യൂറിയുടെ ജീവിതകഥയും രസതന്ത്ര പരീക്ഷണങ്ങളും അവതരിപ്പിച്ചുകൊണ്ട് യുറീക്ക രസതന്ത്ര യാത്ര ജില്ലയില്‍ പര്യടനം തുടങ്ങി. 'ബുണ്‍റാകു' എന്ന പാവനാടകത്തിലൂടെയാണ് ഇക്കാര്യങ്ങള്‍ രസകരമായി അവതരിപ്പിക്കുന്നത്. ശാസ്ത്രസാഹിത്യ പരിഷത്ത് സംസ്ഥാനതലത്തില്‍ സംഘടിപ്പിക്കുന്ന രസതന്ത്രയാത്രയാണ് ജില്ലയിലെത്തിയത്.

സംസ്ഥാനതല രസതന്ത്രയാത്രയുടെ ജില്ലാതല ഉദ്ഘാടനം മലപ്പുറത്ത് ഡോ. അനില്‍ ചേലേമ്പ്ര നിര്‍വഹിച്ചു. ജില്ലാ പ്രസിഡന്റ് വേണു പാലൂര്‍, സെക്രട്ടറി സജി ജേക്കബ്, എ. ശ്രീധരന്‍, കെ. രാജലക്ഷ്മി തുടങ്ങിയവര്‍ പ്രസംഗിച്ചു. രണ്ട് ജാഥകളാണ് ജില്ലയില്‍ പര്യടനം നടത്തുന്നത്. എ.കെ. കൃഷ്ണകുമാര്‍, ചെമ്രക്കാട്ടൂര്‍ സുബ്രഹ്മണ്യന്‍, സി.പി.സുഭാഷ് എന്നിവരുടെ നേതൃത്വത്തിലാണ് പരിപാടികള്‍ അവതരിപ്പിക്കുന്നത്. 21വരെ ജില്ലയിലെ 40 കേന്ദ്രങ്ങളില്‍ യാത്രയ്ക്ക് സ്വീകരണം നല്‍കും.

തിങ്കളാഴ്ച 10മണിക്ക് എടരിക്കോട് ജി.യു.പി.എസ്, കാരാട് എച്ച്.എസ്.എസ്, 12മണിക്ക് കോട്ടയ്ക്കല്‍ ജി.ആര്‍.എച്ച്.എസ്.എസ്, എച്ച്.എസ്.എസ്. വാഴക്കാട്, മൂന്നുമണിക്ക് എ.യു.പി.എസ് മണ്ണഴി, ജി.എച്ച്.എസ്.എസ് അരീക്കോട്, അഞ്ചിന് താണിക്കല്‍, തച്ചണ്ണ എന്നിവിടങ്ങളിലാണ് പര്യടനം നടത്തുക.

കേരളത്തിന്റെ വികസനം

2011-09-26T09:58:00.000+05:30

പെരിന്തല്‍മണ്ണ: കേരളത്തിന്റെ വികസനം സംബന്ധിച്ച് വിപുലമായ ബഹുജന കാമ്പയിന്‍ സംഘടിപ്പിക്കാന്‍ കേരള ശാസ്ത്രസാഹിത്യ പരിഷത്ത് ജില്ലാ പ്രവര്‍ത്തക ക്യാമ്പ് തീരുമാനിച്ചു. സാമ്പത്തിക വളര്‍ച്ചാനിരക്കിന്റെ അടിസ്ഥാനത്തില്‍ ഉയര്‍ന്നുനില്‍ക്കുമ്പോഴും സാംസ്‌കാരികമായും പാരിസ്ഥിതികമായും സംസ്ഥാനം നേരിടുന്ന പ്രതിസന്ധി മറികടക്കുന്നതിനുള്ള പ്രവര്‍ത്തനങ്ങളാണ് സംഘടിപ്പിക്കുക.
പരിഷത്ത് മുന്‍ ജന. സെക്രട്ടറി പ്രൊഫ. ടി.പി.കുഞ്ഞിക്കണ്ണന്‍ ഉദ്ഘാടനം ചെയ്തു. ആഗോള മൂലധന ശക്തികള്‍ വന്‍ സാമ്പത്തികമാന്ദ്യം നേരിടുകയാണെന്നും ഇത് മറികടക്കാന്‍ പ്രകൃതിവിഭവങ്ങളുടെ മേല്‍ കടന്നാക്രമണവും ചൂഷണവും ശക്തിപ്പെടുത്തിയിരിക്കയാണെന്നും അദ്ദേഹം അഭിപ്രായപ്പെട്ടു.
ജില്ലാ പ്രസിഡന്റ് വേണു പാലൂര്‍ അധ്യക്ഷതവഹിച്ചു. സെക്രട്ടറി സജി ജേക്കബ്, വി.വിനോദ്, പി.രമേശ്കുമാര്‍ തുടങ്ങിയവര്‍ വിവിധ സെഷനുകള്‍ക്ക് നേതൃത്വം നല്‍കി. കെ.അപ്പുണ്ണി, ഒ.കേശവന്‍, സുനില്‍ പെഴുങ്കാട് തുടങ്ങിയവര്‍ പ്രസംഗിച്ചു.

പരിഷത്ത് സംസ്ഥാന പ്രവര്‍ത്തക ക്യാമ്പ് സമാപിച്ചു

2011-09-14T19:32:00.000+05:30

പരിഷത്ത് സംസ്ഥാന പ്രവര്‍ത്തക ക്യാമ്പ് സമാപിച്ചു

മറ്റൊരു കേരളത്തിനായ്

വിപുലമായ വികസന കാമ്പയിന്‍ സംഘടിപ്പിക്കും

മീനങ്ങാടി : 'വേണം മറ്റൊരു കേരളം' എന്ന പേരില്‍ വിപുലമായമായൊരു വികസന കാമ്പയിന്‍ സംഘടിപ്പിക്കാന്‍ കേരള ശാസ്ത്രസാഹിത്യ പരിഷത്തിന്റെ സംസ്ഥാന പ്രവര്‍ത്തക ക്യാമ്പ് തീരുമാനിച്ചു. കേരളത്തില്‍ ഇന്നു പ്രചരിച്ചു വരുന്ന വികസന നിലപാടും പ്രവര്‍ത്തനങ്ങളും, സംസ്ഥാനം നേരിടുന്ന ഉദ്പ്പാദന മുരടിപ്പ്, സാംസ്കാരിക രംഗത്തെ അപചയങ്ങള്‍, മാഫിയാവത്കരണം, പ്രകൃതി വിഭവധൂര്‍ത്ത് എന്നിവയൊന്നും പരിഹരിക്കാന്‍ സഹായകമല്ല. മാത്രമല്ല ഇന്നത്തെ രീതി ജീവിത സംഘര്‍ഷങ്ങളും ദാരിദ്ര്യവും വര്‍ദ്ധിപ്പിക്കുന്നതുമാണ്. വികസനത്തെ സാമ്പത്തിക വളര്‍ച്ചാനിരക്കുമായി മാത്രം ബന്ധപ്പെടുത്തി നേട്ട കോട്ടങ്ങള്‍ കണക്കാക്കുന്നതിന് പകരം ജനങ്ങളുടെ മൊത്തത്തിലുള്ള സാമൂഹ്യ സാംസ്കാരിക പ്രക്രിയായി കാണണമെന്ന് പരിഷത്ത് കേരളത്തിലെ ജനങ്ങളോട് അഭ്യര്‍ഥിക്കുകയാണ്.

കേരളത്തിലെ മണ്ണും സംസ്കാരവും വലിയതോതില്‍ കടന്നാക്രമിക്കപ്പെടുകയാണ്. സ്ത്രീകള്‍ക്കെതിരായ അതിക്രമങ്ങളും വര്‍ധിച്ചു വരുകയാണ്. ഇന്നത്തെ നവലിബറല്‍ നയങ്ങള്‍ ഉള്ളവനും ഇല്ലാത്തവനും തമ്മിലുള്ള അസമത്വം വര്‍ധിപ്പിക്കുന്നു. പുറം വരുമാനത്തെ പ്രധാനമായും ആശ്രയിക്കുന്നതും ഉപഭോഗത്തിലും ഊഹക്കച്ചവടത്തിലും ഊന്നുന്നതുമായ ഇന്നത്തെ വികസന സമീപനം സംസ്ഥാനത്തെ പ്രകൃതിവിഭവങ്ങളെയും അധ്വാനശേഷിയേയും ശാസ്ത്രീയമായി വികസിപ്പിക്കുകയോ വിന്യസിക്കുകയോ ചെയ്യുന്നില്ല. ഇക്കാര്യങ്ങളെ കുറിച്ചെല്ലാം ജനങ്ങള്‍ക്കിടയില്‍ വിപുലമായ ബോധവല്‍ക്കരണം നടത്തുകയാണ് പരിഷത്ത് കാമ്പയിന്റെ മുഖ്യലക്ഷ്യം.

ഒക്ടോബര്‍ മുതല്‍ ഫെബ്രുവരി വരെ നീണ്ടു നില്‍ക്കുന്നതാണ് വികസന കാമ്പയിന്റെ ഒന്നാം ഘട്ടം. ഇതിന്റെ സംസ്ഥാനതല ഉദ്ഘാടനം ഒക്ടോബര്‍ 31ന് തൃശൂരില്‍ നടക്കും. കേരളപ്പിറവി ദിനത്തില്‍ പരിഷത്തിന്റെ 136 മേഖലാതലങ്ങളിലും പ്രവര്‍ത്തനങ്ങള്‍ ആരംഭിക്കും. ഗൃഹസന്ദര്‍ശനം, പ്രാദേശിക വികസന പ്രശ്നങ്ങള്‍ കണ്ടെത്തല്‍, പ്രശ്നപഠനം, ജനകീയ ഇടപെടല്‍, ശാസ്ത്രപുസ്തക- മാസികാ പ്രചരണം, പ്രാദേശിക ജാഥകള്‍, വീട്ടുമുറ്റക്ലാസുകള്‍, കലാജാഥ എന്നിയൊക്കെ ഇക്കാലയളവില്‍ നടത്തും.

സംസ്ഥാന പദയാത്ര: വികസന കാമ്പയിന്റെ ഭാഗമായി 2012 ജനുവരിയില്‍ സംസ്ഥാനതലത്തിലുള്ള പദയാത്ര സംഘടിപ്പിക്കും. വളരെ വിപുലമായ രണ്ടു കാല്‍നട പ്രചരണ ജാഥകളാണ് നടത്തുന്നത്. കാസര്‍ക്കോട്, തിരുവനന്തപുരം ജില്ലകളില്‍ നിന്നാരംഭിച്ച് എറണാകുളത്തു സമാപിക്കുന്നതായിരിക്കും പദയാത്ര. കേരളത്തിന്റെ ഇന്നത്തെ പോക്ക് ശരിയല്ലെന്ന് കരുതുന്ന എല്ലാ കലാ-സാംസ്കാരിക, രാഷ്ട്രീയ, സാമൂഹ്യ, സന്നദ്ധ പ്രവര്‍ത്തകരേയും ഈ കാമ്പയിനുമായി ബന്ധിപ്പിക്കാന്‍ ശ്രമിക്കും.

സെപ്തംബര്‍ മൂന്നു മുതല്‍ മൂന്നു ദിവസമായി നടന്നുവന്ന സംസ്ഥാന പ്രവര്‍ത്തക ക്യാമ്പില്‍ ഇരുനൂറോളം പേര്‍ പങ്കെടുത്തു. വികസന കാമ്പയിന്റെ ആസൂത്രണം, ശാസ്ത്രപ്രചരണം സംബന്ധിച്ച ക്ലാസ്, സംഘടനാ അവലോകനം, ശാസ്ത്രത്തിന്റെ സാമൂഹ്യ ധര്‍മം എന്ന ജെ ഡി ബര്‍ണാലിന്റെ ഗ്രന്ഥത്തെ പരിചയപ്പെടുത്തല്‍ എന്നിവയെല്ലാം ക്യാമ്പില്‍ നടക്കുകയുണ്ടായി. സംസ്ഥാന പ്രസിഡന്റ് കെ ടി രാധാകൃഷ്ണന്‍, ജനറല്‍ സെക്രട്ടറി ടി പി ശ്രീശങ്കര്‍, പ്രൊ കെ പാപ്പുട്ടി, ഡോ എം പി പരമേശ്വരന്‍, ഡോ കെ എന്‍ ഗണേഷ്, ടി ഗംഗാധരന്‍, പ്രൊ ടി പി കുഞ്ഞിക്കണ്ണന്‍ എന്നിവരാണ് ക്യാമ്പ് പരിപാടികള്‍ക്ക് നേതൃത്വം നല്‍കിയത്.

കെ ടി രാധാകൃഷ്ണന്‍ ടി പി ശ്രീശങ്കര്‍

പ്രസിഡന്റ് ജനറല്‍ സെക്രട്ടറി

അന്താരാഷ്ട്ര രസതന്ത്ര വര്‍ഷം 2011

2011-07-07T13:41:00.000+05:30

അന്താരാഷ്ട്ര രസതന്ത്ര വര്‍ഷാചരണത്തിന്റെ ഭാഗമായി
ഫ്രണ്ട്സ് ഓഫ് കെ.എസ്.എസ്.പി. ഷാര്‍ജ ചാപ്റ്ററിന്റെ ആഭിമുഖ്യത്തില്‍
'അടുക്കളയിലെ രസതന്ത്രം'
എന്ന വിഷയത്തില്‍ ക്ലാസ്സ് സംഘടിപ്പിക്കുന്നു.
നിത്യജീവിതത്തിലെ സമസ്തമേഖലയിലും സാന്നിദ്ധ്യമറിയിക്കുന്ന ശാസ്ത്രശാഖയായ രസതന്ത്രത്തിന്റെ
അടുക്കളയിലെ പ്രസക്തിയാവും ക്ലാസ് ചര്‍ച്ചചെയ്യുക.
ആലുവ യു.സി.കോളേജില്‍ നിന്നും രസതന്ത്ര വിഭാഗം മേധാവിയായി റിട്ടയര്‍ ചെയ്ത
പ്രൊഫ. ഡോ. കെ.പി. ഉണ്ണികൃഷ്ണന്‍ ക്ലാസ് നയിക്കും.

ജൂലൈ 8 വെള്ളിയാഴ്ച്ച വൈകിട്ട് 4 മണിക്ക്
ഷാര്‍ജ എമിരേറ്റ്സ് നാഷ്ണല്‍ സ്കൂളില്‍ നടക്കുന്ന
ഈ ക്ലാസ്സില്‍ താങ്കള്‍ സുഹൃത്തുക്കളുമൊത്ത് പങ്കെടുക്കണമെന്ന് അഭ്യര്‍ത്ഥിക്കുന്നു.

ഇതേസമയത്തു തന്നെ ബാലവേദിയും നടക്കുന്നതാണ്.

കൂടുതല്‍ വിവരങ്ങള്‍ക്ക് വിളിക്കുക:
മൊഴൂര്‍ വേണു. (055-5130407)
മുരളി.ഐ.പി. (055-5379729)

Sharjah chapter conducting a class

'Chemistry in the Kitchen'

as part of celebration of

International Year of Chemistry 2011.

This class will be lead by Prof. Dr. K.P.Unnikrishnan, Retd. Head of Department, Chemistry. U.C.College, Alwaye.

For children there will be a Childrens forum (Balavedi) also at the same time.

Venu : Emirates National School, Sharjah.
Time : 2011 July 08, Friday 04.00 PM

More information please contact:
Mozhoor Venu : 055-5130407
Murali.I.P : 055-5379729

ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത് ഏഴാം വാർഷികം

2011-04-27T12:07:00.002+05:30

സുഹൃത്തേ,

ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷദ് യു.എ.ഇ.ചാപ്റ്ററിന്റെ ഏഴാമത് വാർഷികം 29-04-2011 നു വെള്ളിയാഴ്ച രാവിലെ 9.00 മണി മുതൽ വൈകീട്ട് 6.00 മണി വരെ നടക്കുന്നു. ഷാർജ, എമിറേറ്റ്സ് നാഷ്ണൽ സ്കൂളിൽ വെച്ച് നടക്കുന്ന വാർഷിക സമ്മേളനത്തിൽ കേരള ശാസ്ത്ര സാഹിത്യ പരിഷദ് സംസ്ഥാന നിർവ്വാഹക സമിതിയംഗം ശ്രീ.കെ.കെ.കൃഷ്ണകുമാർ പങ്കെടുക്കും.

താങ്കൾ കൃത്യസമയത്തു തന്നെ എത്തിച്ചേരണമെന്ന് വിനീതമായി അഭ്യർത്ഥിക്കുന്നു.

അഭിവാദനങ്ങളോടെ
പ്രസിഡണ്ട് : മനോജ്കുമാർ
കോർഡിനേറ്റർ : അരുൺ പരവൂർ

കാര്യപരിപാടികൾ
(രാവിലെ 9.00 മണി മുതൽ വൈകീട്ട് 6.00 മണി വരെ)

രജിസ്ട്രേഷൻ
സ്വാഗതം
അനുശോചനം
അദ്ധ്യക്ഷപ്രസംഗം
ഉൽഘാടനം
പ്രമേയം
സംഘടനാ വാർഷിക റിപ്പോർട്ട് അവതരണം
സംഘടനാ സാമ്പത്തിക റിപ്പോർട്ട് അവതരണം
പ്രമേയം
സംഘടന - ശ്രീ .കെ.കെ.കൃഷ്ണകുമാർ
ഭാവി പ്രവർത്തന രേഖ
ഗ്രൂപ്പ് ചർച്ച
ഉച്ചഭക്ഷണം
കവിതാലാപനം
പ്രമേയം
ക്ലാസ്സ് - രസതന്ത്ര വർഷാചരണത്തിന്റെ പ്രാധാന്യം - അവതരണം പ്രൊഫഃ കെ.പി.ഉണ്ണികൃഷ്ണൻ
റിപ്പോർട്ട് ചർച്ച അവതരണം
പ്രമേയം
ക്ലാസ്സ് - പ്രപഞ്ചവും മനുഷ്യന്റെ വികാസവും - അവതരണം ശ്രീ .കെ.കെ.കൃഷ്ണകുമാർ
പരിഷദ് ഗാനം
ചർച്ചക്ക് മറുപടി
ക്രഡൻഷ്യൽ റിപ്പോർട്ട്
പുതിയ ഭാരവാഹിളുടെ തെരെഞ്ഞെടുപ്പ്
സമാപനം

ഷാർജ ചാപ്റ്റർ വാർഷികം

2011-04-21T18:04:00.001+05:30

സുഹൃത്തേ,

ഫ്രണ്ട്സ് ഓഫ് കേരള ശാസ്ത്രസാഹിത്യ പരിഷത്തിന്റെ ഏഴാം വാർഷികത്തിനു മുന്നോടിയായി നടക്കുന്ന ഷാർജ ചാപ്റ്റർ വാർഷികം
വെള്ളിയാഴ്ച (2011 ഏപ്രിൽ 22) ഷാർജ എമിറേറ്റ്സ് നാഷ്ണൽ സ്കൂളിൽ വെച്ച് ഉച്ചക്ക് 2.30 മുതൽ.
ഉൽഘാടകൻ :- പ്രൊഫസർ : കെ.പി.ഉണ്ണികൃഷ്ണൻ, രസതന്ത്ര വിഭാഗം മുൻ മേധാവി യു.സി.കോളേജ്, ആലുവ.

വിദ്യാഭ്യാസ സെമിനാര്‍

2011-03-23T10:26:00.000+05:30

പ്രിയ സുഹൃത്തെ,

ഫ്രണ്ട്സ് ഓഫ് കെ.എസ്.എസ്.പി.യുടെ ദുബായ് ചാപ്റ്റര്‍
ഏഴാം വാര്‍ഷികത്തിന്റെ അനുബന്ധ പരിപാടിയായി
വിദ്യാഭ്യാസ സെമിനാര്‍ സംഘടിപ്പിക്കുന്നു

സ്ഥലം : ഗള്‍ഫ് മോഡല്‍ സ്കൂള്‍ , ഖിസൈസ്, ദുബായ്.
സമയം : 2011 മാര്‍ച്ച് 25, വെള്ളിയാഴ്ച വൈകീട്ട് 5 മണി മുതല്‍

കുട്ടികളുടെ വിദ്യാഭ്യാസത്തില്‍ രക്ഷിതാക്കളുടെ പങ്ക്

അവതാരകന്‍ : ശ്രീ. കെ.കെ. ശിവദാസന്‍ മാസ്റ്റര്‍

(ജില്ലാ വിദ്യാഭ്യാസ കോ-ഓര്‍ഡിനേറ്റര്‍ - കോഴിക്കോടു്)

വിദ്യാഭ്യാസത്തിന്റെ ലക്ഷ്യം ഉത്തമ പൌരനെ സൃഷ്ടിക്കുകയാണോ?
ഇതൊരു പഴയ ചോദ്യമാണു്.

വിവര വിസ്ഫോടനത്തിന്റെ വര്‍ത്തമാന കാലത്ത് നമ്മുടെ കുട്ടികള്‍ക്ക്
ലഭിക്കുന്നത് ഉത്തമ മനുഷ്യനാകാനുള്ള വിദ്യാഭ്യാസമാണോ? എന്നത് ഏതൊരു
രക്ഷിതാവിനെയും അലട്ടുന്നതാണു്.

മാറിയ സാഹചര്യത്തിലെ വെല്ലുവിളികളെ നേരിടുന്നതിനു് അടുത്ത തലമുറയെ
സജ്ജരാക്കുന്നതില്‍ രക്ഷിതാക്കളുടെ ഉത്തരവാദിത്വങ്ങള്‍ എന്തൊക്കെയാണെന്ന്
ചര്‍ച്ച ചെയ്യുന്ന സെമിനാറിലേക്ക് എല്ലാവര്‍ക്കും സ്വാഗതം.

കൂടുതല്‍ വിവരങ്ങള്‍ക്കായി വിളിക്കേണ്ട നമ്പറുകള്‍ :
050-395 17 55 അല്ലെങ്കില്‍ 050-488 90 76

ഈ അറിയിപ്പ് താങ്കളുടെ സുഹൃത്തുക്കളെയും അറിയിക്കണമെന്ന് അഭ്യര്‍ത്ഥിക്കുന്നു

സ്നേഹാദരങ്ങളോടെ
എ.എം.റിയാസ്
കോ-ഓര്‍ഡിനേറ്റര്‍
ഫ്രണ്ട്സ് ഓഫ് കെ.എസ്.എസ്.പി. ദുബായ് ചാപ്റ്റര്‍

അബുദാബി ചങ്ങാതിക്കൂട്ടം -2011 ഫെബ്രുവരി 25 ന്

2011-02-22T09:56:00.004+05:30

ഫ്രണ്ട്‌സ് ഓഫ് കേരള ശാസ്ത്ര സാഹിത്യ പരിഷത് യു.എ.ഇ. യിലെ കുട്ടികള്‍ക്കായി സംഘടിപ്പിക്കുന്ന ഏകദിന ക്യാമ്പ് ചങ്ങാതിക്കൂട്ടം -2011 ഫെബ്രുവരി 25 ന് വെള്ളിയാഴ്ച കേരള സോഷ്യല്‍ സെന്ററില്‍ നടക്കും. രാവിലെ 9 മുതല്‍ വൈകിട്ട് 5 വരെയാണ് പരിപാടി. വിനോദത്തിലൂടെ കുട്ടികളില്‍ അറിവും സാമൂഹ്യ ബോധവും വളര്‍ത്താന്‍ ഉതകുന്ന നിരവധി പരിപാടികള്‍ കൂട്ടിച്ചേര്‍ത്താണ് ചങ്ങാതിക്കൂട്ടത്തിന്റെ വ്യത്യസ്ഥമായ ഉള്ളടക്കം തയ്യാറാക്കിയിട്ടുള്ളതെന്ന് സംഘാടകര്‍ അറിയിച്ചു. ഔപചാരിക വിദ്യാഭ്യാസത്തിന്റെ ചട്ടക്കൂടിന് പുറത്തുനിന്നുകൊണ്ട് ഹൃദ്യമായ പഠന പ്രവര്‍ത്തനങ്ങളിലൂടെ ശാസ്ത്രബോധത്തിലധിഷ്ഠിതമായ വ്യക്തിത്വ വികസനം സാധ്യമാക്കുകയാണ് ചങ്ങാതിക്കൂട്ടം കൊണ്ട് ഫ്രണ്ട്‌സ് ഓഫ് കേരള ശാസ്ത്ര സാഹിത്യ പരിഷത് ഉദ്ദേശിക്കുന്നത്.

അബുദാബിയിലെ വിവിധ ഇന്ത്യന്‍ സ്‌കൂളുകളില്‍ നിന്നുള്ള വിദ്യാര്‍ത്ഥികള്‍ പങ്കെടുക്കും. കളിയിലൂടെ പഠനമെന്ന കേരള ശാസ്ത്ര സാഹിത്യ പരിഷത് നയം നിറവേറ്റുകയെന്ന ഉദ്ദേശ്യത്തോടെ സംഘടിപ്പിക്കുന്ന ചങ്ങാതിക്കൂട്ടത്തില്‍ ക്രാഫ്റ്റ്, സയന്‍സ്, തീയേറ്റര്‍, ഗെയിം എന്നിങ്ങനെ നാല് ഭാഗങ്ങളായി തിരിച്ചായിരിക്കും പരിപാടികള്‍. കളിയും കാര്യവും സമന്വയിപ്പിക്കുന്ന അദ്ധ്യയന പരിപാടിയില്‍ കുട്ടികളെ പങ്കെടുപ്പിക്കാന്‍ രക്ഷിതാക്കള്‍ ശ്രദ്ധിക്കണമെന്ന് ഫ്രണ്ട്‌സ് ഓഫ് കെ.എസ്.എസ്.പി. ഭാരവാഹികള്‍ അഭ്യര്‍ത്ഥിച്ചു.

പങ്കെടുക്കാന്‍ ആഗ്രഹിക്കുന്നവര്‍ക്ക്
050 581 0907, 0505 806 629, 050 311 6734, 050 4145 939
എന്നീ നമ്പറുകളില്‍ ബന്ധപ്പെടാവുന്നതാണ്.

പെണ്‍ പിറവി നാടകയാത്ര - 2011

2011-01-11T01:26:00.002+05:30

ദുബായ് ചങ്ങാതിക്കൂട്ടം 2010

2010-12-21T11:02:00.004+05:30

ജൈവവൈവിധ്യത്തിനും പരിസ്ഥിതിസംരക്ഷണത്തിനും
പ്രാധാന്യം നല്‍കിക്കൊണ്ട്
ഫ്രണ്ട്സ് ഓഫ് കേരള ശാസ്ത്രസാഹിത്യ പരിഷത്
യു.എ.ഇ-യിലെ കുട്ടികള്‍ക്കായി ഒരുക്കുന്ന
ദുബായ് ചങ്ങാതിക്കൂട്ടം 2010
ഡിസംബര്‍ 31 വെള്ളിയാഴ്ച
രാവിലെ 9 മുതല്‍ വൈകീട്ട് 5 വരെ

ദുബായ് ഗള്‍ഫ് മോഡല്‍ സ്കൂളില്‍ വെച്ച് നടക്കുന്നു.

ഔപചാരിക വിദ്യാഭ്യാസത്തിന്റെ ചട്ടക്കൂടിനു പുറത്തു നിന്നുകൊണ്ട്
കുട്ടികള്‍ക്ക് ഹൃദ്യമായ
കളികളിലൂടെയും, പാട്ടുകളിലൂടെയും ലഘുപരീക്ഷണങ്ങളിലൂടെയും
ശാസ്ത്രബോധത്തിലധിഷ്ഠിതമായ വ്യക്തിത്വ വികസനം
സാദ്ധ്യമാക്കുകയാണ് ചങ്ങാതിക്കൂട്ടം കൊണ്ട് ശാസ്ത്രസാഹിത്യ പരിഷത്
ലക്ഷ്യമിടുന്നത്.

ഭാഷയും സംസ്ക്കാരവും ജീവവായു പോലെ പ്രധാനപ്പെട്ടതാണെന്ന
തിരിച്ചറിവിലൂന്നിയ ഈ ചങ്ങാതിക്കൂട്ടത്തിലൂടെ
അറിവും നിരീക്ഷണവും ആയുധമാക്കി
വിജ്ഞാനത്തിന്റെയും ചിന്താശേഷിയുടെയും പുത്തന്‍ ചക്രവാളങ്ങളിലേക്ക്
കൂട്ടുകാരേ നമുക്ക് ഒത്തൊരുമയോടെ മുന്നേറാം ...

കൂടുതല്‍ വിവരങ്ങള്‍ക്ക് ബന്ധപ്പെടുക

ശ്രീകുമാരി : 050-30 97 209
ഷാജി : 050-53 53 234
റിയാസ് : 050-39 51 755

പരിഷദ് പ്രസിദ്ധീകരണങ്ങള്‍ക്ക് ....

2010-12-08T18:10:00.002+05:30

മാനം മഹാത്ഭുതം മരുഭൂമി മനോഹരം

2010-11-20T15:02:00.001+05:30

കൂട്ടുകാരെ,

ഫ്രണ്ട്സ് ഓഫ് കെ.എസ്.എസ്.പി, യു.എ.ഇ.ചാപ്റ്ററിന്റെ ആഭിമുഖ്യത്തില്‍
ദുബായ് അസ്ട്രോണമി ഗ്രൂപ്പിന്റെ സഹകരണത്തോടെ
മരുഭൂമിയെക്കുറിച്ചും നക്ഷത്രങ്ങളെക്കുറിച്ചുമുള്ള പഠനക്ലാസ്സുകള്‍
നവംബര്‍ 26 വെള്ളിയാഴ്ച വൈകീട്ട് 3 മുതല്‍ രാത്രി 9 വരെ.

പ്രവേശനം :- വിദ്യാര്‍ത്ഥികളും (ക്ലാസ്സ് 5 മുതല്‍ 10 വരെ) അവരുടെ രക്ഷിതാക്കളും.
സീറ്റുകള്‍ പരിമിതമാണ് ( 25-30 കുട്ടികള്‍ ),
രജിസ്ട്രേഷനും കൂടുതല്‍ വിവരങ്ങള്‍ക്കും വിളിക്കുക
ശ്രീകുമാരി : 050-3097209 / 06-5725810

കാല്‍നട പ്രചാരണ ജാഥ തുടങ്ങി.

2010-11-11T19:15:00.001+05:30

തേഞ്ഞിപ്പലം: ദേശീയപാത സ്വകാര്യവത്കരണത്തിനെതിരെ കേരള ശാസ്ത്രസാഹിത്യ പരിഷത്ത് ജില്ലാകമ്മിറ്റി സംഘടിപ്പിക്കുന്ന കാല്‍നട പ്രചാരണ ജാഥ തുടങ്ങി. ഇടിമുഴിക്കലില്‍ ഡോ. എം.എന്‍. കാരശ്ശേരി ഉദ്ഘാടനംചെയ്തു.
വികസനം എല്ലാ പാര്‍ട്ടികളുടെയും മുഖ്യ അജന്‍ഡയാകുമ്പോഴും ആരുടെ വികസനമെന്ന ചോദ്യത്തെ മനഃപൂര്‍വം എല്ലാവരും അവഗണിക്കുകയാണെന്ന് എം.എന്‍. കാരശ്ശേരി പറഞ്ഞു.

അണ്ടിശേരി നാരായണന്‍ അധ്യക്ഷതവഹിച്ചു. ജില്ലാ സെക്രട്ടറി കെ. വിജയന്‍, ജാഥാ ക്യാപ്റ്റന്‍ സജി ജേക്കബ്, സി.പി. ഹരിദാസ്, പ്രൊഫ. മുഹമ്മദ്ഷാഫി, പി. വിലാസിനി, ചെല്ലപ്പന്‍ എന്നിവര്‍ പ്രസംഗിച്ചു. ഞായറാഴ്ച വൈകീട്ട് ആറുമണിക്ക് വെളിയങ്കോടാണ് ജാഥ സമാപിക്കുക.

അബുദാബിയില്‍ ഫ്രണ്ട്സ് ഓഫ് കെ.എസ്.എസ്.പി.യുടെ ആഭിമുഖ്യത്തില്‍ ഐ.ടി.ശില്പശാല

2010-10-21T17:14:00.003+05:30

പ്രിയ സുഹൃത്തേ,

ഫ്രണ്ട്സ് ഓഫ് കെ.എസ്.എസ്.പി.യുടെ
ആഭിമുഖ്യത്തില്‍
മലയാളം കമ്പ്യൂട്ടിംഗ്, സ്വതന്ത്ര സോഫ്റ്റ്‌വെയര്‍
എന്നിവയെ ആസ്പദമാക്കി ഒരു ഐ.ടി.ശില്പശാല നടത്തുന്നു.

അബുദാബി കേരള സോഷ്യല്‍ സെന്ററില്‍
ഒക്ടോബര്‍ 22 വെള്ളിയാഴ്ച്ച രാവിലെ 9.00 നു
തുടങ്ങുന്ന പരിപാടിയില്‍
പങ്കെടുക്കുന്നവരുടെ ലാപ്‌ടോപ്പില്‍
സൌജന്യമായി ഗ്നു/ലിനക്സ് പ്രവര്‍ത്തക സംവിധാ‍നം (ഉബുണ്ടു)
സജ്ജീകരിച്ചു കൊടുക്കുന്നതാണ്.

പങ്കെടുക്കുവാന്‍ താല്പര്യമുള്ളവര്‍
താഴെ പറയുന്ന നമ്പറില്‍ ബന്ധപ്പെടുക
സുനില്‍ - 00971-50-5810907
ജയാനന്ദന്‍ - 00971-50-3116734

ദേശീയപാത സ്വകാര്യവല്‍ക്കരണത്തെ ചെറുത്ത് തോല്‍പ്പിക്കുക - പ്രതിഷേധ ജാഥ തളിപ്പറമ്പില്‍

2010-09-16T13:07:00.003+05:30

ദേശീയപാത സ്വകാര്യവല്‍ക്കരണത്തിനെതിരെ, കേരള ശാസ്ത്ര സാഹിത്യ പരിഷത്തിന്റെ സെപ്റ്റംബര്‍ 15 മുതല്‍ 18 വരെ കേരളത്തിലുടനീളം പ്രയാണം നടത്തുന്ന പ്രതിഷേധ ജാഥയ്ക്ക് തളിപ്പറമ്പില്‍ സ്വീകരണം നല്‍കി. 16ന് രാവിലെ 11 മണിക്ക് ബസ്റ്റാന്റ് പരിസരത്ത് തളിപ്പറമ്പ് മേഖലാ കമ്മറ്റി അംഗങ്ങളും മറ്റുപ്രവര്‍ത്തകരും ചേര്‍ന്ന് ജാഥയെ സ്വീകരിച്ചു.

ജാഥ മാനേജര്‍ പി. രമേഷ് കുമാര്‍ സംസാരിക്കുന്നു.

ജാഥാ ക്യാപ്റ്റന്‍

പരിഷത്ത് ചരിത്രം ശേഖരിക്കുന്നു

2010-09-11T11:01:00.001+05:30

സുഹൃത്തുക്കളേ,
പരിഷത്തിന്‍റെ രൂപീകരണം മുതല്‍ നാം സംഘടിപ്പിച്ച പ്രവര്‍ത്തനങ്ങളും നടത്തിയ സമരങ്ങളും കലാജാഥകളും തുടങ്ങി നമ്മുടെ സമഗ്രമായ ചരിത്രം ശേഖരിക്കാന്‍ സംഘടന ആഗ്രഹിക്കുന്നു.

ഇതിനായി മുഴുവന്‍ പ്രവര്‍ത്തകരുടേയും സഹായം ആവശ്യമുണ്ട്.

നമ്മുടെ മുന്‍കാല പ്രവര്‍ത്തനങ്ങള്‍ പരിപാടികള്‍ എന്നിവയുടെ രേഖകള്‍ ( ഫോട്ടോസ്, വീഡിയോ, പോസ്റ്ററുകള്‍, നോട്ടീസുകള്‍, പ്രസിദ്ധീകരണങ്ങള്‍( ഗ്രാമ ശാസ്ത്ര മാസിക, യുറീക്ക, ശാസ്ത്രകേരളം, ശാസ്ത്രഗതി, ലഘുലേഖകള്‍, ജാഥാ സ്ക്രിപ്റ്റുകള്‍), കത്തുകള്‍, പത്ര റിപ്പോര്‍ട്ടുകള്‍, പ്രാദേശികമായി നമ്മള്‍ നടത്തിയ പ്രവര്‍ത്തനങ്ങളുടെ രേഖകള്‍ തുടങ്ങി ഈ സംരംഭത്തിന് സഹായകമാകുന്ന രേഖകള്‍ കൈവശമുള്ളവര്‍ അതുപോലെ തന്നെ പഴയകാല പ്രവര്‍ത്തകരുടെ കയ്യില്‍ നിന്നും ശേഖരിക്കാവുന്നവര്‍ അത്തരം വിവരങ്ങള്‍ താഴെ പറയുന്ന നമ്പറില്‍ അറിയിക്കുകയോ http://parishadvishesham.blogspot.com ഈ ബ്ലോഗില്‍ കമന്റ് ചെയ്യുകയോ ചെയ്യണേ.....

ബന്ധപ്പെടേണ്ട നമ്പറുകള്‍

വേണുഗോപാല്‍ എന്‍ . 9447293780, 9496352029
വിനോയ് പന്തല്ലൂര്‍ (ഐആര്‍ടിസി) . 9846628099

ചങ്ങാതിക്കൂട്ടം 2010 - സമാപിച്ചു

2010-07-21T21:29:00.009+05:30

ശാസ്ത്രവും, കലയും, സംസ്കാരവും, വിനോദവും സമന്വയിപ്പിച്ച് ഫ്രണ്ട്സ് ഓഫ് കേരള ശാസ്ത്രസാഹിത്യ പരിഷത് സംഘടിപ്പിച്ച ചങ്ങാതിക്കൂട്ടത്തില്‍ നൂറോളം കൂട്ടുകാര്‍ ആവേശത്തോടെ പങ്കുചേര്‍ന്നു. ഷാര്‍ജയിലെ എമിരേറ്റ്സ് നാഷ്ണല്‍ സ്കൂളില്‍ ജൂലൈ 13 മുതല്‍ 16 വരെ നടന്ന പരിപാടിക്ക് നിര്‍മ്മല്‍ കുമാര്‍ നേതൃത്വം നല്‍കി. വെള്ളിയാഴ്ച പകല്‍ മുഴുവന്‍ ആര്‍ത്തുല്ലസിച്ച കൂട്ടുകാര്‍ക്ക് സുകുമാരന്‍ മാസ്റ്റര്‍, ദിവാകരന്‍, നിര്‍മ്മല്‍ കുമാര്‍, ഗണേഷ് എന്നിവരെ കൂടാതെ ഫ്രണ്ട്സ് ഓഫ് കെ.എസ്.എസ്.പി. പ്രവര്‍ത്തകരും നേതൃത്വം നല്‍കി. കുട്ടികളോടൊപ്പം രക്ഷാകര്‍ത്താക്കളും ചങ്ങാതിക്കൂട്ടത്തിന്റെ രസം നുകര്‍ന്നു. നാലു വിഭാഗങ്ങളിലായി സംഘടിപ്പിക്കപ്പെട്ട പരിപാടി വിനോദം എങ്ങിനെ വിജ്ഞാനപ്രദമാക്കാമെന്നതിന്റെ മനോഹരമായ ഒരു രേഖാചിത്രമായിരുന്നു.കളിമൂലയിലെ കൊച്ചു കൊച്ചു കളികളിലൂടെ നിരീക്ഷണപാഠവം എങ്ങിനെ വളര്‍ത്തിയെടുക്കാമെന്ന് കൂട്ടുകാരെ ബോധ്യപ്പെടുത്തി. അറിവും വിജ്ഞാനവും നിത്യജീവിതത്തില്‍ പ്രയോഗിക്കേണ്ടതാണെന്ന തിരിച്ചറിവ് പകര്‍ന്ന് നല്‍കിയ ശാസ്ത്രപരീക്ഷണങ്ങള്‍ ശാസ്ത്രമൂലയെ ശ്രദ്ധേയമാക്കി. ശാരീരിക മാനസീക ഭാവങ്ങള്‍ എങ്ങിനെ വ്യക്തിത്വത്തെ സ്വാധീനിക്കുന്നുവെന്നും നടനത്തിന്റെ പ്രായോഗിക സാധ്യതകളെന്താണെന്നും അന്വേഷിച്ച അഭിനയമൂല വ്യക്തിത്വ വികാസത്തിന്റെ പരീക്ഷണ ശാലയായി. ശാസ്ത്രത്തെ പരിപോഷിപ്പിച്ച, പുനര്‍നിര്‍മ്മിച്ച ശാസ്ത്രജ്ഞരേയും അവരുടെ സംഭാവനകളെയും പരിചയപ്പെടുത്തിയ പ്രദര്‍ശനം കൂട്ടുകാര്‍ക്കും രക്ഷിതാക്കള്‍ക്കും പുതിയൊരനുഭവമായി. ഷാഹുല്‍, ഭൂഷണ്‍, ഗണേഷ്, സുനില്‍ എന്നീ കലാകാരന്മാര്‍ ചേര്‍ന്ന് വരമൂലയെ അര്‍ത്ഥവത്താക്കി. തികച്ചും ശാസ്ത്രീയമായ ഒരു പാഠ്യപദ്ധതിയിലൂടെ മാത്രമെ ആരോഗ്യപരമായ ഒരു സമൂഹത്തെ വളര്‍ത്തിയെടു ക്കാനാവൂ എന്നും അപരന്റെ സ്വാതന്ത്ര്യത്തെയും വിശ്വാസത്തെയും ബഹുമാനിക്കുന്നവര്‍ക്കു മാത്രമേ സ്വന്തം വിശ്വാസത്തിന്റെ മഹത്വം ബോധ്യപ്പെടൂ എന്നും രക്ഷാകതൃസദസ്സില്‍ സുകുമാരന്‍ മാസ്റ്റര്‍ നിരീക്ഷിച്ചു. ശാസ്ത്രീയമായൊരു പാഠ്യപദ്ധതി രൂപപ്പെടുത്തുന്നതിന്റെ ചില ഉദാഹരണങ്ങള്‍ മാത്രമാണിത്തരം ചങ്ങാതിക്കൂട്ടങ്ങളെന്ന് മാസ്റ്റര്‍ കൂട്ടിച്ചേര്‍ത്തു.

“ആദ്യദിവസത്തെ ക്യാമ്പ് കഴിഞ്ഞപ്പോള്‍ തന്നെ തന്റെ മകള്‍ ഇന്നുവരെ ചോദിക്കാത്ത ചോദ്യങ്ങള്‍ ചോദിച്ചു തുടങ്ങി” എന്ന ഒരു രക്ഷിതാവിന്റെ പ്രതികരണം സംഘാടകര്‍ക്കാവേശമായി. വര്‍ഷത്തിലൊരിക്കലല്ല മാസത്തിലൊരിക്കലെങ്കിലും ഇത്തരം ചങ്ങാതിക്കൂട്ടം വേണമെന്ന ആവശ്യവും സദസ്സില്‍ നിന്നുയര്‍ന്നു.

ഷാര്‍ജ ചങ്ങാതിക്കൂട്ടം 2010

2010-07-02T23:25:00.001+05:30

ജൈവവൈവിധ്യത്തിനും പരിസ്ഥിതിസംരക്ഷണത്തിനും പ്രാധാന്യം നല്‍കിക്കൊണ്ട്

ഫ്രണ്ട്സ് ഓഫ് കേരള ശാസ്ത്രസാഹിത്യ പരിഷത് കൊച്ചു കൂട്ടുകാര്‍ക്കായി ഒരുക്കുന്ന ചങ്ങാതിക്കൂട്ടം ഷാര്‍ജ എമിരേറ്റ്സ് നാഷണല്‍ സ്ക്കൂളില്‍

ജൂലായ്‌ 12 -16 വരെ.

ഭാഷയും സംസ്ക്കാരവും ജീവവായു പോലെ പ്രധാനപ്പെട്ടതാണെന്ന തിരിച്ചറിവിലൂന്നിയ ഈ ചങ്ങാതിക്കൂട്ടത്തിലൂടെ അറിവും നിരീക്ഷണവും ആയുധമാക്കി, വിജ്ഞാനതിന്റെയും ചിന്താശേഷിയുടെയും പുത്തന്‍ ചക്രവാളങ്ങളിലേക്ക്, കൂട്ടുകാരേ നമുക്ക് ഒത്തൊരുമയോടെ മുന്നേറാം.

സമയം

ജൂലായ്‌ 12 മുതല്‍ 15 വരെ വൈകീട്ട് 4 – 7 മണിവരെ

ജൂലായ്‌ 16 വെള്ളി രാവിലെ 9 മുതല്‍ വൈകീട്ട് 5 മണി വരെ

വിവരങ്ങള്‍ക്ക് ബന്ധപ്പെടുക

ഷൈലജ : 050-3672876

ശ്രീകുമാരി ആന്റണി : 050-3097209
മനോജ്‌ :- 050- 6598442

അജയ് സ്റ്റീഫന്‍ :- 050-7207371

ബിജു :- 050-2192473

കിനാലൂര്‍ നിരീക്ഷണങ്ങളും നിര്‍ദ്ദേശങ്ങളും-ശാസ്ത്രസാഹിത്യപരിഷത്

2010-06-11T19:44:00.000+05:30

കിനാലൂര്‍ എസ്റ്റേറ്റ് സംഭവത്തില്‍ ശാസ്ത്രസാഹിത്യ പരിഷത് കോഴിക്കോട് ജില്ലാകമ്മറ്റി നടത്തിയ പഠന വിവരങ്ങളും നിര്‍ദ്ദേശങ്ങളും അറ്റാച്ച് ചെയ്തിരിക്കുന്ന ലഘുലേഖയില്‍ വായിക്കാം.

ജൂണ്‍ 5 ലോക പരിസ്ഥിതി ദിനം

2010-06-03T02:56:00.001+05:30

ജൂണ്‍ 5 ലോക പരിസ്ഥിതി ദിനാചരണത്തിന്റെ ഭാഗമായി
ദുബായ് മുനിസിപ്പാലിറ്റിയും
ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത്തും
സംയുക്തമായി സംഘടിപ്പിക്കുന്ന പരിപാടികളിലേക്കായി
എല്ലാ പരിസ്ഥിതി സ്നേഹികളെയും
ഹാര്‍ദ്ദവമായി സ്വാഗതം ചെയ്യുന്നു.

2010 ജൈവവൈവിധ്യ (Biodiversity) വര്‍ഷമായി UNEP ആചരിക്കുകയാണ്.
ഇതിനോടനുബന്ധിച്ച്‌
ജൂണ്‍ 4 നു വെള്ളിയാഴ്ച 5 മണിക്ക്
ദുബായ് ഫെസ്റ്റിവല്‍ സിറ്റിയില്‍ വെച്ച്
ദുബായിലെ പ്രശസ്തരായ ചിത്രകാരന്മാര്‍ പങ്കെടുക്കുന്ന
ചിത്രകലാ സംഗമം സങ്കടിപ്പിക്കുന്നു.
പരിസ്ഥിതിയെ പരിഗണിച്ചും സംരക്ഷിച്ചും
മാത്രമേ ജീവനും ജീവികള്‍ക്കും നിലനില്‍പ്പുള്ളൂ
എന്ന് കലാസൃഷ്ടികളിലൂടെ ഈ ചിത്രകാരന്മാര്‍ രേഖപ്പെടുത്തുന്നു.
ചിത്രകലാ രംഗത്ത് പ്രാഗല്‍ഭ്യം തെളിയിച്ച ഈ കലാകാരന്‍മാരോടോത്ത്
ചിത്രരചനാവൈഭവം തെളിയിക്കുന്നതിന്
പ്രായഭേദമന്യേ എല്ലാവര്‍ക്കും അവസരം ഒരുക്കുന്നു.
താങ്കളും സുഹൃത്തുക്കളുമൊത്ത് എത്തിച്ചേരുക.

ദയവായി ഈ വിവരം താങ്കളുടെ സുഹൃദ്‌വലയത്തിലുള്ളവരെക്കൂടി അറിയിക്കുക.

വൈവിധ്യമാര്‍ന്ന എല്ലാ ജീവജാലങ്ങള്‍ക്കും അതിജീവനത്തിനായി
ഒരേ ഒരു ഭൂമി മാത്രം

ബന്ധപ്പെടേണ്ട നമ്പര്‍ :- 050-3097209

പ്രസിഡണ്ട്‌
മനോജ്കുമാര്‍

കോ൪ഡിനേറ്റര്‍
ബിജു

ബാലവേദി പ്രവര്‍ത്തനങ്ങള്‍ - കവി പി.കെ.ഗോപി ഉല്‍ഘാടനം ചെയ്യും.

2010-05-20T17:11:00.004+05:30

സുഹൃത്തേ,

ഫ്രണ്ട്സ് ഓഫ് കെ.എസ്.എസ്.പി.യുടെ പ്രധാന പ്രവര്‍ത്തന മേഖല കളിലൊന്നാണ് ബാലവേദികള്‍ എന്നറിയാമല്ലോ? കുട്ടികളില്‍ ശാസ്ത്രാഭിരുചിയും, പാരിസ്ഥിതികാവബോധവും, സാമൂഹ്യബോധവും, രാജ്യസ്നേഹവും വളര്‍ത്തി ഉത്തമ പൌരന്മാരാക്കുകയെന്ന ലക്ഷ്യത്തോടെയാണ് പരിഷത്ത് ബാലവേദി രംഗത്ത് പ്രവര്‍ത്തിക്കുന്നത്. കഴിഞ്ഞ ആറു വര്‍ഷമായി ഫ്രണ്ട്സ് ഓഫ് കെ.എസ്.എസ്.പി. വിവിധങ്ങളായ പ്രവര്‍ത്തങ്ങള്‍ (ചങ്ങാതിക്കൂട്ടം, പരിസ്ഥിതി ക്യാമ്പ്, ഉപന്യാസ രചന) ഈ രംഗത്ത് നടത്തി വരുന്നു.

2010 മെയ് 21നു വെള്ളിയാഴ്ച, ഉച്ചക്ക് 2.30ന്, ഷാര്‍ജ എമിറേറ്റ്സ് നാഷ്ണല്‍ സ്കൂളില്‍ വെച്ച് ഈ വര്‍ഷത്തെ ബാലവേദി പ്രവര്‍ത്തനങ്ങള്‍ക്ക് ആരംഭം കുറിക്കുകയാണ്.
അതിഥികളായെത്തുന്ന കവി. പി.കെ.ഗോപിയും, ടി.ഗംഗാധരന്‍ മാഷും (കേരള ശാസ്ത്രസാഹിത്യ പരിഷത് മുന്‍ ജനറല്‍ സെക്രട്ടറി.) ഈ ചടങ്ങിനെ ധന്യമാക്കുന്നു.

കുട്ടികളുമൊത്ത് പങ്കെടുത്ത് ഈ പരിപാടി വിജയിപ്പിണമെന്നഭ്യര്‍ത്ഥിക്കുന്നു.
ദയവായി താങ്കളുടെ സുഹൃദ് വലയത്തിലും ഈ വിവരം അറിയിക്കുക.

കൂടുതല്‍ വിവരങ്ങള്‍ക്ക് 06-5725810 അല്ലെങ്കില്‍ 050-3097209 വിളിക്കുക.

സ്നേഹത്തോടെ ...

ഫ്രണ്ട്സ് ഓഫ് കെ.എസ്.എസ്.പി. ഷാര്‍ജ ചാപ്റ്റര്‍.

പ്രസിഡണ്ട്
അഡ്വഃ ശ്രീകുമാരി

കോര്‍ഡിനേറ്റര്‍
വേണു മുഴൂര്‍.

ഭൂമി പൊതുസ്വത്ത് - സെമിനാര്‍

2010-05-19T16:26:00.001+05:30

പ്രിയ സുഹൃത്തേ,

ജനകീയ സമരങ്ങളിലൂടെ ഭൂ ബന്ധങ്ങളില്‍ വിപ്ലവകരമായ മാറ്റം വരുത്തിയ സംസ്ഥാനമാണ് കേരളം. എന്നാല്‍ ഇന്ന് കേരളത്തില്‍ വലിയ തോതില്‍ ഭൂമി കേന്ദ്രീകരിക്കപ്പെടുകയാണ്. ലാഭാധിഷ്ഠിതമായ ഭൂ വിനിയോഗമാണ് ഭൂ കേന്ദ്രീകരണ പ്രവണതയുടെ മുഖ്യ ചാലകശക്തി. സമൂഹത്തിലെ ഉല്പാദന വ്യവസ്ഥകള്‍ നിലനില്‍ക്കണമെങ്കില്‍, ബഹുഭൂരിപക്ഷത്തിന്റെയും ജീവനോപാധികള്‍ സംരക്ഷിക്കണമെങ്കില്‍, ഭൂമി ഊഹക്കച്ചവടോപാധിയാക്കുന്നതിനെ ചെറുത്ത് തോല്പിച്ചേ മതിയാകൂ.‘ഭൂമി പൊതുസ്വത്ത്’ എന്ന മുദ്രാവാക്യമുയര്‍ത്തിപ്പിടിച്ചുകൊണ്ട് വിപുലമായ ബോധവല്‍ക്കരണ പരിപാടികള്‍ കേരള ശാസ്ത്രസാഹിത്യ പരിഷത് നടത്തി വരികയാണ്, അതിന്റെ ഭാഗമായി ഫ്രണ്ട്സ് ഓഫ് കേരള ശാസ്ത്രസാഹിത്യ പരിഷത്, അബുദാബി കേരള സോഷ്യല്‍ സെന്ററില്‍ വെച്ച് ബുധനാഴ്ച്ച വൈകീട്ട് 8.00 മണിക്ക് സെമിനാര്‍ സംഘടിപ്പിച്ചിരിക്കുന്നു.- ഭൂമി പണം നിക്ഷേപിക്കാനും ഊഹക്കച്ചവടത്തിലൂടെ പണം പെരുപ്പിക്കാനുള്ള കേവലം വില്പന ചരക്കല്ല.

ഭൂമി സമൂഹത്തിന്റെ ആവശ്യങ്ങള്‍ക്കനുസരിച്ച് ഉല്പാദനം സംഘടിപ്പിക്കാനുള്ള അടിസ്ഥാന വിഭവമാണ്.

ഭൂവുടമസ്ഥതയെന്നാല്‍ ഭൂമിയില്‍ എന്തും ചെയ്യാനുള്ള അവകാശമല്ല.

കുന്നുകള്‍ ഇടിക്കാനും, വയലുകള്‍ നികത്താനും, പാതാളം വരെ കുഴിക്കാനും, ആകാശം മുട്ടെ പണിയാനുമുള്ള അവകാശമല്ല.

വികസനമെന്നാല്‍ മെഗാ പദ്ധതികളും, കൂറ്റന്‍ കെട്ടിടങ്ങളുമല്ല.

മനുഷ്യന്റെ നിലനില്‍പ്പിനാധാരമായ ഭൂ പ്രകൃതിയെയും ജൈവ പ്രകൃതിയേയും സംരക്ഷിക്കുന്നതാകണം വികസനം.

വരും തലമുറയില്‍ നിന്നും കടം കൊണ്ടതാണീ ഭൂമി,

അവതാരകന്‍ : ടി.ഗംഗാധരന്‍

(മുന്‍ ജനറല്‍ സെക്രട്ടറി, കേരള ശാസ്ത്രസാഹിത്യ പരിഷത്)

വേദി: കേരള സോഷ്യള്‍ സെന്റര്‍, അബുദാബി.

സമയം: 2010 മെയ് 19, വൈകീട്ട് 8.൦൦ മണി.

സെമിനാറിലേക്ക് എല്ലാവരെയും സ്നേഹപൂര്‍വ്വം ക്ഷണിക്കുന്നു.
അഭിവാദനങ്ങളോടെ!

പ്രസിഡണ്ട്

മണികണ്ഠന്‍

കോര്‍ഡിനേറ്റര്‍

‍ജയാനന്ദ്

ആറാം വാര്‍ഷികം

2010-05-17T01:40:00.004+05:30

ഫ്രണ്ട്സ്‌ ഓഫ് ശാസ്ത്ര സാഹിത്യ പരിഷത്തിന്‍റെ ആറാം വാര്‍ഷിക സമ്മേളനം ദുബായ് ഗള്‍ഫ് മോഡല്‍ സ്കൂളില്‍ വെച്ച് കേരള ശാസ്ത്ര സാഹിത്യ പരിഷത്ത്‌ മുന്‍ ജനറല്‍ സെക്രട്ടറിയും ഇന്ത്യാ സര്‍ക്കാരിന്റെ കേന്ദ്ര വിദ്യാഭ്യാസ ഉപദേശക സമിതി അംഗവുമായ ശ്രീ ടി. ഗംഗാധരന്‍മാസ്റ്റര്‍ ഉത്ഘാടനം ചെയ്തു.

ജനപക്ഷ നിലപാടുകള്‍ ആണ് പരിഷത്തിന്റെ രാഷ്ട്രീയം എന്നും, ജനവിരുദ്ധ നിലപാടുകള്‍ ഏതു ഗവര്‍ന്മെന്റ് സ്വീകരിച്ചാലും പരിഷത്ത് എതിര്‍ക്കാറുണ്ട് എന്ന് ഉദാഹരണ സഹിതം ഗംഗാധരന്‍ മാസ്റ്റര്‍ ചൂണ്ടി കാട്ടി. ഭൂമി പൊതു സ്വത്താക്കി പ്രഖ്യാപിച്ച് ഭൂമിയുടെ മേലുള്ള നിര്‍മാണം അടക്കമുള്ള എല്ലാ ഇടപെടലുകള്‍ക്കും കര്‍ശനമായ നിയന്ത്രണം കൊണ്ടുവരാന്‍ തയ്യാറാവണം എന്ന് കേരളത്തിന്റെ ഭൂവിനിയോഗവും വികസനവും’ എന്ന ചര്‍ച്ചാ ക്ലാസ്സില്‍ അദ്ദേഹം ആവശ്യപെട്ടു. ഈ മുദ്രവാക്ക്യം ഉയര്‍ത്തി പരിഷത്ത് സംഘടിപ്പിക്കുന്ന ജാഥക്ക് പൊതുജനങ്ങളില്‍ നിന്ന് നല്ല പ്രതികരണമാണ് ലഭിക്കുന്നത് എന്നും അദ്ദേഹം കൂട്ടിച്ചേര്‍ത്തു. പാര്‍ശ്വവല്‍കരിക്കപ്പെടുന്നവരുടെ ജീവിതം മെച്ച പെടുത്താന്‍ മുന്ഗണന നല്‍കേണ്ടത് കാലഘട്ടത്തിന്റെ ആവശ്യമാണെന്ന് ആശംസ പ്രസംഗത്തില്‍ ഗള്‍ഫ് മോഡല്‍ സ്കൂള്‍ മേധാവി അഡ്വക്കേറ്റ് നജീദ് സൂചിപ്പിച്ചു.

ചൊവ്വാദൌത്യപദ്ധതിയെക്കുറിച്ചും പഠനത്തിനുപയോകിക്കുന്ന ഉപകരണങ്ങളുടെ പ്രത്യേകതകളെ കുറിച്ചും വിശദമായി പ്രതിപാദിച്ച് ദുബായ് അസ്ട്രോണമി ഗ്രൂപ്പ്‌ സി ഇ ഒ ഹസന്‍ അഹമ്മദ് അല്‍ ഹരിരി നടത്തിയ ക്ലാസ്സ്‌ സമ്മേളനത്തെ കൂടുതല്‍ സജീവമാക്കി. പ്രശസ്ത കവി പി കെ ഗോപിയുടെ അനുമോദനങ്ങളും പുഴ എന്ന കവിതയുടെ ആലാപനവും പ്രതിനിധികള്‍ ഏറെ ഹര്‍ഷാരവത്തോടെയാണ് സ്വീകരിച്ചത്.

പ്രസിഡന്റ്‌ ഇക്ബാല്‍ അധ്യക്ഷനായിരുന്ന സമ്മേളനത്തില്‍ കോ ഓര്‍ഡിനേറ്റര്‍ മുരളി റിപ്പോര്‍ട്ടും അനീഷ്‌ വരവ് ചെലവ് കണക്കുകളും അവതരിപ്പിച്ചു.

പുതിയ ഭാരവാഹികളായി മനോജ്‌ - പ്രസിഡണ്ട്‌ , അഡ്വഃ ബിനി സരോജ് - വൈസ് പ്രസിഡന്റ്‌, ബിജു - കോഓര്‍ഡിനറ്റര്‍, അരുണ്‍ പരവൂര്‍ - ജോയിന്റ് കോഓര്‍ഡിനറ്റര്‍, അനീഷ്‌ - ട്രഷറര്‍, ജോസഫ്‌ - ഓഡിറ്റര്‍ എന്നിവരെയും 18 അംഗ നിര്‍വാഹകസമിതിയെയും തിരഞ്ഞെടുത്തു.

ആറാം വാര്‍ഷികം

2010-05-14T00:58:00.002+05:30

ഫ്രണ്ട്സ് ഓഫ് കെ.എസ്.എസ്.പി (യു..എ.ഇ)യുടെ ആറാം വാര്‍ഷികം

2010-05-10T12:13:00.002+05:30

ഫ്രണ്ട്സ് ഓഫ് കെ.എസ്.എസ്.പി യുടെ ആറാം വാര്‍ഷികം മെയ് 14 -ന് വെള്ളിയാഴ്ച ദുബായ് ഗള്‍ഫ് മോഡല്‍ സ്കൂളില്‍ വെച്ച് നടക്കുന്നു. രാവിലെ 9 മണിക്കാരംഭിക്കുന്ന സമ്മേളനത്തില്‍ കേരള ശാസ്ത്രസാഹിത്യ പരിഷത്തിനെ പ്രതിനിധീകരിച്ച് മുന്‍ ജനറല്‍ സെക്രട്ടറി ശ്രീ. ടി.ഗംഗാധരന്‍ മാസ്റ്റര്‍ പങ്കെടുക്കും.

ഇന്ത്യാ സര്‍ക്കാരിന്റെ കേന്ദ്ര വിദ്യാഭ്യാസ ഉപദേശക സമിതി മെമ്പര്‍ കൂടിയാണ് ശ്രീ. ടി.ഗം ഗാധരന്‍ മാസ്റ്റര്‍. ‍അബുദാബി, ദുബായ്, ഷാര്‍ജ ചാപ്റ്ററുകളിലെ മുന്നൂറോളം അംഗങ്ങളെ പ്രതിനിധീകരിച്ച് 90 പേര്‍ സമ്മേളനത്തില്‍ പങ്കെടുക്കും.

സമ്മേളനത്തിന്റെ ഭാഗമായി കേരളത്തിന്റെ ഭൂവിനിയോഗവും വികസനവും എന്ന വിഷയത്തില്‍ ടി.ഗം ഗാധരന്‍ മാഷുടെ പ്രഭാഷണവും തുടര്‍ന്ന് ചര്‍ച്ചയും ഉണ്ടായിരിക്കും.
കൂടുതല്‍ വിവരങ്ങള്‍ക്ക് :
06-5725810
050-3097209

ജില്ലാ വിജ്ഞാനോത്സവം-മലപ്പുറം

2010-04-23T11:36:00.001+05:30

ജൈവവൈവിധ്യസന്ദേശവുമായി ജില്ലാ വിജ്ഞാനോത്സവം

കേരള ശാസ്‌ത്ര സാഹിത്യ പരിഷത്ത്‌ സംസ്ഥാനതലത്തില്‍ നടത്തുന്ന ബാലശാസ്‌ത്രകോണ്‍ഗ്രസിന്റെ ഭാഗമായുള്ള ജില്ലാ ബാലശാസ്‌ത്രകോണ്‍ഗ്രസ്‌ കാലിക്കറ്റ്‌ യൂണിവേഴ്‌സിറ്റി ഗവ: ഹയര്‍ സെക്കണ്ടറി സ്‌കൂളില്‍ നടന്നു. കാലിക്കറ്റ്‌ യൂണിവേഴ്‌സിറ്റി രജിസ്‌ട്രാര്‍ ഡോ. ടി.കെ. നാരായണന്‍ ഉദ്‌ഘാടനം ചെയ്‌തു. `ജൈവവൈവിധ്യവും കാലാവസ്ഥാ വ്യതിയാനവും' എന്ന വിഷയത്തില്‍ ഡോ. എം.പി. പരമേശ്വരന്‍ ക്ലാസ്സെടുത്തു. കാലാവസ്ഥാവ്യതിയാനം ഉഷ്‌ണമേഖലാ പ്രദേശത്തിലുള്‍പ്പെടുന്ന നമ്മുടെ രാജ്യത്തിന്റെ ഭക്ഷ്യോത്‌പാദനത്തെ സാരമായി ബാധിച്ചിരിക്കുന്ന സാഹചര്യത്തില്‍ നമ്മുടെ ഭക്ഷണക്രമങ്ങളും കാര്‍ഷിക തന്ത്രങ്ങളും അനുയോജ്യമായ രീതിയില്‍ പരിഷ്‌കരിക്കേണ്ടിയിരിക്കുന്നുവെന്ന്‌ ഡോ. എം.പി. പരമേശ്വരന്‍ അഭിപ്രായപ്പെട്ടു. കാലാവസ്ഥാവ്യതിയാനം കാലാവസ്ഥാപ്രവചനം അസാധ്യമാക്കിയിരിക്കുകയാണ്‌. നെല്ല്‌, ഗോതമ്പ്‌ എന്നിവയുടെയെല്ലാം ഉത്‌പാദനം കുറയുന്ന അവസ്ഥയില്‍ പലതരത്തിലുള്ള പരിഹാരനടപടികള്‍ ദീര്‍ഘകാല കാഴ്‌ചപ്പാടോടെ ആവിഷ്‌ക്കരിക്കേണ്ടതുണ്ടെന്നും ജൈവവൈവിധ്യസംരക്ഷണം ഇതില്‍ പ്രധാനമാണെന്നും ഡോ. എം.പി. പരമേശ്വരന്‍ പറഞ്ഞു.
ജൈവവൈവധ്യവുമായി ബന്ധപ്പെട്ട വിഷയങ്ങളില്‍ വിദ്യാര്‍ത്ഥികള്‍ തയ്യാറാക്കിയ പ്രബന്ധങ്ങളുടെ അവതരണവും ചര്‍ച്ചയും നടന്നു. യൂണിവേഴ്‌സിറ്റി ബൊട്ടാണിക്കല്‍ ഗാര്‍ഡന്‍ സന്ദര്‍ശനത്തിന്‌ യൂണിവേഴ്‌സിറ്റി ബോട്ടണിവിഭാഗത്തിലെ റിസര്‍ച്ച്‌ ഫാക്കല്‍റ്റിഅംഗങ്ങള്‍ നേതൃത്വം നല്‍കി. കടലുണ്ടി കണ്ടല്‍ക്കാട്‌, പക്ഷിസങ്കേതം, അഴിമുഖം എന്നിവിടങ്ങളിലേക്കുള്ള സന്ദര്‍ശനത്തില്‍ ടി. അജിത്ത്‌ കുമാര്‍ വള്ളിക്കുന്ന്‌, കമ്മ്യൂണിറ്റി റിസര്‍ച്ച്‌ ഫോറസ്റ്റിലെ ഉദ്യോഗസ്ഥനായ ശിവദാസ്‌ എന്നിവര്‍ കുട്ടികളുമായി സംവദിച്ചു. ഇഴയുന്ന കൂട്ടുകാര്‍ പഠനക്ലാസ്സ്‌, ജൈവവൈവിധ്യവുമായി ബന്ധപ്പെട്ട സിഡികളുടെ പ്രദര്‍ശനം എന്നിവയും നടന്നു.
ഉദ്‌ഘാടനചടങ്ങില്‍ കേരള ശാസ്‌ത്ര സാഹിത്യ പരിഷത്ത്‌ മലപ്പുറം ജില്ലാ പ്രസിഡണ്ട്‌ കെ.കെ. ജനാര്‍ദ്ദനന്‍ അദ്ധ്യക്ഷത വഹിച്ചു. സ്വാഗതസംഘം ചെയര്‍മാന്‍ വി. രാജ്‌മോഹനന്‍ സ്വാഗതം പറഞ്ഞു. കാലിക്കറ്റ്‌ യൂണിവേഴ്‌സിറ്റി കാമ്പസ്‌ മോഡല്‍ ഹയര്‍സെക്കണ്ടറി സ്‌കൂള്‍ പ്രിന്‍സിപ്പാള്‍ എസ്‌. സത്യന്‍ ആശംസയും വിദ്യാഭ്യാസ സബ്‌കമ്മിറ്റി കണ്‍വീനര്‍ പി. വാമനന്‍ നന്ദിയും പറഞ്ഞു. സമാപനയോഗത്തില്‍ സംസ്ഥാനതല വിജ്ഞാനോത്സവത്തിലേക്ക്‌ തെരഞ്ഞെടുക്കപ്പെട്ട കുട്ടികള്‍ക്ക്‌ സ്‌കൂള്‍ പ്രിന്‍സിപ്പാള്‍ സര്‍ട്ടിഫിക്കറ്റുകള്‍ വിതരണം ചെയ്‌തു. പുസ്‌തകപ്രചരണത്തിലുടെയാണ്‌(ഗലീലിയോ സോവനീര്‍) സാമ്പത്തികം സ്വരൂപിച്ചത്‌. താഴെ പറയുന്ന കുട്ടികള്‍ സംസ്ഥാനതല വിജ്ഞാനോതാസവത്തിലേക്ക്‌ തെരഞ്ഞെടുക്കപ്പെട്ടു.
1. അഞ്‌ജലി ബി. കൃഷ്‌ണ
2. മുഹമ്മദ്‌ ഷമീം പി.ഇ.
3. അമൃത ടി.കെ.
4. മുഹ്‌സിന എ.പി.
5. രമ്യാകൃഷ്‌ണന്‍ കെ.
6. ദേവികാ ജയചന്ദ്രന്‍
7. സബ്‌ന ടി.പി.
8. ഫാത്തിമ്മത്ത്‌ റസ്‌ലാ സി.

ഫ്രണ്ട്സ് ഓഫ് കെ.എസ്.എസ്.പി യുടെ ദുബായ് ചാപ്റ്റര്‍ വാര്‍ഷികം

2010-03-28T17:00:00.000+05:30

കേരള ശാസ്ത്രസാഹിത്യ പരിഷത്തിന്റെ യു.എ.ഇ. ഘടകമായ ഫ്രണ്ട്സ് ഓഫ് കെ.എസ്.എസ്.പി യുടെ ദുബായ് ചാപ്റ്റര്‍ വാര്‍ഷികം സമാപിച്ചു. 2010 മാര്‍ച്ച് 26 ന് ദേര ഹാഷീം അലവി ഹാളില്‍ വെച്ച് നടന്ന സമ്മേളനം ഫ്രണ്ട്സ് ഓഫ് കെ.എസ്.എസ്.പി. പ്രസിഡണ്ട് ശ്രീ.ഇക്ബാല്‍ ഉല്‍ഘാടനം ചെയ്തു.

ദുബായ് ചാപ്റ്റര്‍ പ്രസിഡണ്ട് ശ്രീ. അരുണ്‍ പരവൂരിന്റെ അദ്ധ്യക്ഷതയില്‍ നടന്ന സമ്മേളനത്തില്‍ കോ-ഓര്‍ഡിനേറ്റര്‍ ശ്രീ.റിയാസ് വെഞ്ഞാറമൂട് പ്രവര്‍ത്തന റിപ്പോര്‍ട്ട് അവര്‍തരിപ്പിച്ചു.
സമ്മേളനത്തോടനുബന്ധിച്ച് ‘ജലസ്രോതസ്സുകളുടെ സംരക്ഷണം’ എന്ന വിഷയത്തില്‍ ശ്രീ.സുജിത് ക്ലാസ്സെടുത്തു. തുടര്‍ന്ന് കേരള ശാസ്ത്രസാഹിത്യ പരിഷത് തയ്യാറാക്കിയ, പാരിസ്ഥിതിക പ്രത്യാഘാതങ്ങളെക്കുറിച്ചുള്ള ‘നിലവിളി’ എന്ന ഡോക്യുമെന്ററിയുടെ പ്രദര്‍ശനവും നടന്നു.

ശ്രീ.സുധീര്‍ (പ്രസിഡന്റ്), ശ്രീമതി. സംഗീത ഷാജി (വൈസ് പ്രസിഡന്റ്), ശ്രീ.റിയാസ് വെഞ്ഞാറമൂട് (കോ-ഓര്‍ഡിനേറ്റര്‍ ), ശ്രീ.ജയകുമാര്‍ (ജോ:കോ-ഓര്‍ഡിനേറ്റര്‍ ), ശ്രീ.ധനേഷ് (ട്രഷറര്‍ ) എന്നിവരടങ്ങിയ 11 അംഗ ഭരണസമിതിയേയും സമ്മേളനം തെരെഞ്ഞെടുത്തു.

ഫ്രണ്ട്സ് ഓഫ് കെ.എസ്.എസ്.പി
ദുബായ് ചാപ്റ്റര്‍

ഗണിതശാസ്ത്ര മാമാങ്കം

2010-03-27T19:54:00.000+05:30

ഗണിതശാസ്ത്ര മാമാങ്കം

കേരളം ശാസ്ത്രകാരന്മാരെ മറക്കുന്നു-ഡോ. ബി. ഇക്ബാല്‍

2010-03-25T19:01:00.001+05:30

തേഞ്ഞിപ്പലം: സാഹിത്യകാരന്മാരെ ആദരിക്കുന്ന കേരള സമൂഹം ശാസ്ത്രകാരന്മാരെ മറക്കുന്ന അവസ്ഥയാണുള്ളതെന്ന് ഡോ. ബി.ഇക്ബാല്‍ അഭിപ്രായപ്പെട്ടു. കാലിക്കറ്റ് സര്‍വകലാശാലാ സെമിനാര്‍ കോംപ്ലക്‌സില്‍ ശാസ്ത്ര സാഹിത്യപരിഷത്ത് സംഘടിപ്പിച്ച 'ശാസ്ത്രഗവേഷണരംഗത്തെ സാധ്യതകള്‍' എന്ന സെമിനാറില്‍ സംസാരിക്കുകയായിരുന്നു അദ്ദേഹം.

പുതുതലമുറയിലെ കുട്ടികള്‍ ഗണിതത്തിലും ഭൗതികശാസ്ത്രത്തിലും ദുര്‍ബലരാണ്. ശാസ്ത്രപാരമ്പര്യം പ്രയോജനപ്പെടുത്തുന്നതിലെ പരാജയമാണ് ഇതിനുകാരണം. ഗണിതശാസ്ത്രകാരന്മാരുടെ ജീവചരിത്രംപോലും ഇവിടെ ലഭ്യമല്ല. ശാസ്ത്രഗവേഷണ സ്ഥാപനങ്ങള്‍ നിരവധിയുണ്ടെങ്കിലും കേരളത്തിലെ ഗവേഷണരംഗം പിന്നിലാണെന്ന് അദ്ദേഹം അഭിപ്രായപ്പെട്ടു.

ചടങ്ങില്‍ കെ.വി. മോഹനന്‍ അധ്യക്ഷത വഹിച്ചു. പി.വി. ജ്യോതിഷ്, ടി.എന്‍. സുനില്‍ എന്നിവര്‍ സംസാരിച്ചു.

ചങ്ങാതിക്കൂട്ടം അബുദാബി - 2010

2010-02-17T10:02:00.005+05:30

എന്തേ നമ്മൾ മലയാളികൾ ഇങ്ങിനെ ?

2010-02-16T08:52:00.001+05:30

ഭൂമി പൊതുസ്വത്തായി പ്രഖ്യാപിക്കണം

2010-02-15T09:00:00.000+05:30

മലപ്പുറം: ഭൂമി പൊതുസ്വത്തായി പ്രഖ്യാപിക്കണമെന്നാവശ്യപ്പെട്ട് വിപുലമായ പ്രചാരണപരിപാടികള്‍ക്ക് കേരള ശാസ്ത്ര സാഹിത്യപരിഷത്ത് തുടക്കം കുറിക്കും. പരിഷത്തിന്റെ 47-ാം സംസ്ഥാന സമ്മേളനത്തില്‍ ഇതുസംബന്ധിച്ച് തീരുമാനമായതായി ഭാരവാഹികള്‍ പത്രസമ്മേളനത്തില്‍ അറിയിച്ചു.

സര്‍ക്കാര്‍ അംഗീകരിച്ചിട്ടുള്ള ഭൂനയവും പരിസ്ഥിതിനയവും അതിന്റെ പൂര്‍ണ അര്‍ത്ഥത്തില്‍ നടപ്പാക്കണമെങ്കില്‍ ഭൂമി പൊതുസ്വത്താണെന്ന സമീപനവും നടപടികളും വേണം. വ്യക്തികള്‍ക്ക് പട്ടയം ലഭിച്ചിട്ടുള്ള ഭൂമി പ്രത്യേക ആവശ്യത്തിന് ഉപയോഗിക്കാനുള്ള ലൈസന്‍സ് മാത്രമാണെന്ന് നിയമം മൂലം വ്യക്തമാക്കണം. അതിന്റെ സ്വഭാവം മാറ്റാന്‍ വ്യക്തികള്‍ക്കവകാശം നല്‍കരുത്. ഈ നിര്‍ദ്ദേശങ്ങളടങ്ങിയ അവകാശ പ്രഖ്യാപനരേഖ സമ്മേളനത്തില്‍ അവതരിപ്പിച്ചു.

നമുക്ക് കിട്ടിയിട്ടുള്ള ഭൂമിയുടെ അവകാശം അത് ഭദ്രമായിത്തന്നെ അടുത്ത തലമുറകള്‍ക്ക് കൈമാറാനുള്ള ഉത്തരവാദിത്തം കൂടിയാണ്. വ്യക്തികള്‍ക്ക് ലഭിച്ചിട്ടുള്ള ഭൂമി ഉദ്ദിഷ്ട കാര്യത്തിന് ഉപയോഗിക്കാന്‍ പറ്റിയില്ലെങ്കില്‍ ആ ഭൂമി കമ്പോളവിലയ്ക്ക് സര്‍ക്കാരിന് തിരിച്ചുനല്‍കുക, ഭൂവിനിമയങ്ങളും സ്വകാര്യ കൈമാറ്റങ്ങളും കൈകാര്യം ചെയ്യുന്നതിനായി ഭൂവിനിമയ ബാങ്ക് രൂപവത്കരിക്കുക തുടങ്ങിയ നിര്‍ദ്ദേശങ്ങളും അവകാശ പ്രഖ്യാപന രേഖയില്‍ പറയുന്നു.

വനിതാദിനത്തിന്റെ ആറാം വാര്‍ഷികവുമായി ബന്ധപ്പെട്ട് സ്ത്രീ ശാക്തീകരണം, ലിംഗനീതി ഉറപ്പാക്കല്‍ എന്നിവ പ്രധാനപ്രവര്‍ത്തനങ്ങളായി പരിഷത്ത് നടത്തും.
ആരോഗ്യമേഖലയില്‍ പകര്‍ച്ചവ്യാധികള്‍ക്കെതിരെയുള്ള പ്രവര്‍ത്തനങ്ങള്‍, ശുചിത്വപരിപാടി, ജീവിതശൈലീ രോഗങ്ങള്‍ക്കെതിരെ ജനകീയ പ്രചാരണം, കലാജാഥ, സംവാദയാത്ര എന്നീ പരിപാടികള്‍ക്കും സമ്മേളനം രൂപം നല്‍കി.
തദ്ദേശ സ്വയംഭരണ സ്ഥാപനങ്ങളുടെ അടിസ്ഥാന വികസന പ്രവര്‍ത്തനങ്ങളിലെ ബി.ഒ.ടി വത്കരണം ഉപേക്ഷിക്കുക, ശാരീരികവും മാനസികവുമായ വെല്ലുവിളി നേരിടുന്നവരുടെ ക്ഷേമത്തിനായി സമഗ്ര നിയമനിര്‍മ്മാണം നടത്തുക, വിവാഹാനന്തരം ജീവിത പങ്കാളികള്‍ ആര്‍ജിക്കുന്ന സ്വത്തില്‍ തുല്യാവകാശം ഉറപ്പാക്കുക തുടങ്ങിയ പ്രമേയങ്ങളും സമ്മേളനം അംഗീകരിച്ചു.

സംസ്ഥാന പ്രസിഡന്റ് ഡോ. കാവുമ്പായി ബാലകൃഷ്ണന്‍, ജനറല്‍ സെക്രട്ടറി ടി.പി. ശ്രീശങ്കര്‍, പി.വി. വിനോദ്, കെ.എം. മല്ലിക, കെ.കെ. ജനാര്‍ദ്ദനന്‍ എന്നിവര്‍ പങ്കെടുത്തു.

സമാപനദിനത്തില്‍ സ്ത്രീപദവി പഠനത്തെക്കുറിച്ചുള്ള പ്രാഥമിക വിവരങ്ങള്‍ എന്‍. ശാന്തകുമാരിയും പൊതുവികസന നയത്തെക്കുറിച്ച് പ്രൊഫ. ടി.പി. കുഞ്ഞിക്കണ്ണനും വിഷയങ്ങള്‍ അവതരിപ്പിച്ചു. ടി.പി. ശ്രീശങ്കര്‍ ഭാവി പ്രവര്‍ത്തനങ്ങള്‍ ക്രോഡീകരിച്ചു. സംസ്ഥാന പ്രസിഡന്റ് കാവുമ്പായി ബാലകൃഷ്ണന്‍ സമാപന പ്രസംഗം നടത്തി.

ജനകീയ ശാസ്ത്ര പ്രവർത്തകർ മലപ്പുറത്തിന്റെ മണ്ണിൽ ഒത്തുചേർന്നപ്പോൾ

2010-02-14T11:52:00.000+05:30

സ്കൂൾ മേളകൾ പുനരാവിഷ്ക്കരിക്കുക-പരിഷത്ത്

2010-02-13T18:46:00.000+05:30

സ്ത്രീകള്‍ ആഗോളീകരണത്തിന്റെ ഇരകള്‍

2010-02-13T08:34:00.002+05:30

മലപ്പുറം: മാറുന്ന ലോകക്രമത്തില്‍ സ്ത്രീകള്‍ ആഗോളീകരണത്തിന്റെ ഇരകളായി മാറുകയാണെന്ന് പശ്ചിമ ബംഗാള്‍ വനിതാ കമ്മീഷന്‍ ചെയര്‍പേഴ്‌സണ്‍ പ്രൊഫ. മാലിനി ഭട്ടാചാര്യ അഭിപ്രായപ്പെട്ടു. ആഗോളീകരണത്തിന്റെ ഫലമായി സ്ത്രീകള്‍ പരമ്പരാഗത ചുറ്റുപാടുകളില്‍ നിന്ന് സ്വതന്ത്രരാകുന്നുവെന്നാണ് ധാരണയെങ്കിലും ഉപഭോഗ സംസ്‌കാരത്തിന്റെയും കമ്പോളത്തിന്റെയും ബന്ധനങ്ങളിലേക്കാണ് ചെന്നെത്തുന്നത്. ശാസ്ത്രസാഹിത്യ പരിഷത്ത് 47-ാം സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അവര്‍.

സാംസ്‌കാരിക ശീലങ്ങളെയും ആചാരങ്ങളെയും കമ്പോളവത്കരിക്കുകയാണ് ഇപ്പോള്‍ ലോകമാധ്യമങ്ങള്‍.അവ സംഘടിത കോര്‍പ്പറേറ്റ് വ്യവസായമായി മാറിയിരിക്കുകയാണിപ്പോള്‍. സാംസ്‌കാരിക ഉത്പന്നങ്ങളുടെ നിര്‍മ്മാണവും വിതരണവും വന്‍തോതില്‍ വാണിജ്യവത്കരിക്കുകയും ആഗോളവ്യാപാരവുമായി കണ്ണിചേര്‍ക്കപ്പെടുകയുമാണ്.
ആഗോളീകരണത്തില്‍ സാംസ്‌കാരിക വിപണിയെ നിയന്ത്രിക്കുന്നത് സമ്പന്ന രാജ്യങ്ങളാണ്. ഇവര്‍ ദരിദ്രരാജ്യങ്ങള്‍ക്ക് മേല്‍ ഒരു സാംസ്‌കാരിക മൂല്യവ്യവസ്ഥ അടിച്ചേല്‍പ്പിക്കുകയാണ്. ലിംഗ പദവി എന്നത് സ്വാഭാവികമോ ജന്മസിദ്ധമോ എന്നതിലുപരി സാംസ്‌കാരികവും മനുഷ്യഭാഷയിലൂടെ രൂപപ്പെടുന്ന ബന്ധങ്ങളെ പ്രതിനിധാനം ചെയ്യുന്നതുമാണ്. ലിംഗ പദവി മനുഷ്യനിര്‍മ്മിതമാണെന്നും അവര്‍ അഭിപ്രായപ്പെട്ടു.

വിദ്യാഭ്യാസപരവും തൊഴില്‍പരവുമായും സ്ത്രീകള്‍ മുന്നേറിയെങ്കിലും അവരുടെ മാനസീക അടിമത്തത്തെ ഇല്ലാതാക്കാന്‍ കഴിഞ്ഞിട്ടില്ല. ഉയര്‍ന്ന വിദ്യാഭാസ നിലവാരത്തില്‍പോലും ജ്യോതിഷവും ജാതകവും കുടുംബ പീഡനവും സ്ത്രീകള്‍ അനുഭവിക്കേണ്ടിവരുന്നു. വിവാഹംപോലും കമ്പോളവത്കരിച്ചിരിക്കുകയാണ്. പുതിയ വിഭവങ്ങള്‍ക്ക് കമ്പോളസാധ്യത ഉണ്ടാക്കുന്നതിന് ഇത് വഴിയൊരുക്കുകയാണ്. ദരിദ്രര്‍ക്കും പ്രാന്തവത്കരിക്കപ്പെടുന്നവര്‍ക്കും വേണ്ടി ലക്ഷ്യബോധത്തോടെയുള്ള ചെറുത്ത് നില്‍പ്പ് അനിവാര്യമാണെന്നും അതിന് ഇടത് സംഘടനകള്‍ മുമ്പോട്ട് വരണമെന്നും മാലിനി ഭട്ടാചാര്യ ഓര്‍മ്മിപ്പിച്ചു
ചടങ്ങില്‍ പരിഷത്ത് സംസ്ഥാന പ്രസിഡന്റ് ഡോ. കാവുമ്പായി ബാലകൃഷ്ണന്‍ അധ്യക്ഷത വഹിച്ചു. എ. വിജയരാഘവന്‍ എം.പി, അഡ്വ .എം. ഉമ്മര്‍ എം.എല്‍.എ, പ്ലാനിങ് ബോര്‍ഡ് അംഗം സി.പി. നാരായണന്‍, പരിഷത്ത് സംസ്ഥാന വൈസ് പ്രസിഡന്റ് കെ.എം. മല്ലിക എ ന്നിവര്‍ പ്രസംഗിച്ചു. ജന. കണ്‍വീനര്‍ കെ.കെ. ജനാര്‍ദ്ദന്‍ സ്വാഗതവും ജില്ലാ സെക്രട്ടറി കെ.വിജയന്‍ നന്ദിയും പറഞ്ഞു. പ്രതിനിധി സമ്മേളനത്തില്‍ ജന. സെക്രട്ടറി വി.വിനോദ് പ്രവര്‍ത്തനറിപ്പോര്‍ട്ടും ട്രഷറര്‍ കെ.പി. രവി പ്രകാശ് വരവുചെലവുകണക്കും അവതരിപ്പിച്ചു.

മലപ്പുറം: കേരള ശാസ്ത്ര സാഹിത്യപരിഷത്ത് 47-ാം വാര്‍ഷികസമ്മേളനം മലപ്പുറം ഗേള്‍സ് ഹൈസ്‌കൂള്‍ ഓഡിറ്റോറിയത്തില്‍ തുടങ്ങി. ഞായറാഴ്ച വരെ നീണ്ടുനില്‍ക്കുന്ന സമ്മേളനത്തിന്റെ ആദ്യദിവസം ഉദ്ഘാടനസമ്മേളനവും തുടര്‍ന്ന് പ്രതിനിധി സമ്മേളനവും നടന്നു. പ്രതിനിധി സമ്മേളനത്തില്‍ റിപ്പോര്‍ട്ടിന്‍മേലുള്ള ചര്‍ച്ചയില്‍ ബാലകൃഷ്ണന്‍(തിരുവനന്തപുരം), അഡ്വ. ശിവന്‍(കൊല്ലം), ജി. സ്റ്റാലിന്‍(പത്തനംതിട്ട), പ്രൊഫ. ബാബു ചെറിയാന്‍(കോട്ടയം), പി. രവീന്ദ്രന്‍(ഇടുക്കി), അഡ്വ. സുജിത്ത്(ആലപ്പുഴ), എം.ഡി. യമുന, രാധാകൃഷ്ണക്കുറുപ്പ്(എറണാകുളം), പ്രദീപ്കുമാര്‍(തൃശ്ശൂര്‍), എന്‍.എം. ഗീത(പാലക്കാട്), ജിജി വര്‍ഗീസ്(മലപ്പുറം), എ.പി. പ്രേമാനന്ദ്(കോഴിക്കോട്), കെ.വി. രാജു(വയനാട്), ബി. വേണു(കണ്ണൂര്‍), വി.എസ്. ബാബു(കാസര്‍കോട്) എന്നിവര്‍ പങ്കെടുത്തു. വൈകീട്ട് മലപ്പുറം നഗരത്തില്‍ ശാസ്ത്രജാഥയും നടത്തി.
ശാസ്ത്രമാസികാ പ്രദര്‍ശനവും ഒരുക്കിയിട്ടുണ്ട്. സമ്മേളനത്തിന്റെ രണ്ടാംദിവസമായ ശനിയാഴ്ച രാവിലെ 10ന് 'ജീനോമിക ഗവേഷണം-സാധ്യതകള്‍' എന്ന വിഷയത്തില്‍ ന്യൂഡല്‍ഹിയിലെ ഇന്‍സ്റ്റിറ്റിയൂട്ട് ഓഫ് ജീനോമിക്‌സിലെ ഡോ. വിനോദ് സ്‌കറിയ ക്ലാസെടുക്കും. തുടര്‍ന്ന് പ്രതിനിധി സമ്മേളനം തുടരും. വൈകീട്ട് 3.30ന് 'ശാസ്ത്രവും ജനാധിപത്യവും' എന്ന വിഷയത്തില്‍ ഡോ. രാജന്‍ ഗുരുക്കള്‍ പി.ടി. ഭാസ്‌കരപ്പണിക്കര്‍ സ്മാരക പ്രഭാഷണം നടത്തും.

മാന്ത്രിക മരുന്നുകളും പരസ്യങ്ങളും

2010-01-26T16:27:00.002+05:30

മാന്ത്രിക മരുന്നുകളും പരസ്യങ്ങളും ലേഖനം ഇവിടെ ന്നിന്ന് വായിക്കാം

ശാസ്ത്രസാഹിത്യ പരിഷത്തിന്റെ ആരോഗ്യ സംവാദ യാത്ര തുടങ്ങി

2010-01-26T11:09:00.000+05:30

മലപ്പുറം: കേരള ശാസ്ത്രസാഹിത്യ പരിഷത്തിന്റെ സംസ്ഥാന വാര്‍ഷികത്തിന്റെ ഭാഗമായി പനിക്കുന്ന കേരളം സാധ്യമായ പരിഹാരം എന്ന പേരില്‍ ജില്ലയില്‍ ആരോഗ്യ സംവാദയാത്ര തുടങ്ങി. മലപ്പുറം കുന്നുമ്മല്‍ കെ.എസ്.ആര്‍.ടി.സി പരിസരത്ത് നടന്ന ചടങ്ങില്‍ കോഴിക്കോട് മെഡിക്കല്‍ കോളേജിലെ പത്തോളജി വിഭാഗം തലവന്‍ ഡോ. കെ.പി.അരവിന്ദന്‍ യാത്ര ഉദ്ഘാടനം ചെയ്തു.
ജില്ലാ പഞ്ചായത്ത് പ്രതിപക്ഷ നേതാവ് വി.വി.ഗോപിനാഥ് പാനല്‍ സപ്ലിമെന്റ് പ്രകാശനം ചെയ്തു. ജില്ലാ പ്രസിഡന്റ് കെ.കെ.ജനാര്‍ദ്ദനന്‍ അധ്യക്ഷതവഹിച്ചു. പി.രമേഷ്‌കുമാര്‍ സ്വാഗതവും വി.എം.മനോജ് നന്ദിയും പറഞ്ഞു.
ഷാഹുല്‍ ഹമീദ്, വി.വി.ദിനേശ് എന്നിവര്‍ ക്യാപ്റ്റന്മാരായും, കെ.അരുണ്‍കുമാര്‍, വി.എം.മനോജ് എന്നിവര്‍ മാനേജര്‍മാരായും കിഴക്ക്, പടിഞ്ഞാറ് എന്നീ രണ്ട് മേഖലകളായാണ് സംവാദയാത്ര നടക്കുന്നത്
എല്ലാ ബ്ലോക്കുകളിലും ഒരു പഞ്ചായത്തില്‍ ബഹുജനാരോഗ്യ സംഗമം, ജില്ലയിലെ ഒരു പഞ്ചായത്തില്‍ നടത്തുന്ന മാതൃകാ പ്രവര്‍ത്തനങ്ങള്‍ എന്നിവ കാമ്പയിനിന്റെ ഭാഗമായി നടക്കും. ജില്ലയില്‍ 60 കേന്ദ്രങ്ങളില്‍ യാത്ര പര്യടനം നടത്തും.
ആരോഗ്യ പാനല്‍ പ്രദര്‍ശനം, പാവനാടകം, ശാസ്ത്ര മാജിക്, കൂട്ടപ്പാട്ട്, സംവാദം, മാലിന്യ സംസ്‌കരണ സാങ്കേതിക വിദ്യാ പ്രദര്‍ശനം തുടങ്ങിയവയും യാത്രയില്‍ ഉണ്ടാകും. 31 ന് പുഴക്കാട്ടിരി, എരമംഗലം എന്നിവിടങ്ങളില്‍ യാത്ര സമാപിക്കും.

ആരോഗ്യ സംവാദയാത്ര

2010-01-25T13:58:00.001+05:30

മലപ്പുറം: കേരള ശാസ്ത്ര സാഹിത്യപരിഷത്തിന്റെ നേതൃത്വത്തില്‍ നടത്തുന്ന ആരോഗ്യ സംവാദയാത്ര തിങ്കളാഴ്ച തുടങ്ങും. തിങ്കളാഴ്ച വൈകീട്ട് അഞ്ചിന് അബ്ദുറഹ്മാന്‍ രണ്ടത്താണി എം.എല്‍.എ. സംവാദയാത്ര ഉദ്ഘാടനംചെയ്യും. പനി പടരാതിരിക്കാനുള്ള ജനകീയ പ്രവര്‍ത്തന പരിപാടി ആവിഷ്‌കരിക്കുന്നതിന് സംവാദയാത്ര പ്രേരണ ചെലുത്തും. ശുചിത്വ ആരോഗ്യ പ്രവര്‍ത്തനങ്ങള്‍ രാഷ്ട്രീയ അജന്‍ഡയാക്കുകയെന്നതാണ് സംവാദയാത്രയുടെ മുഖ്യലക്ഷ്യം.ജില്ലയിലെ 60 കേന്ദ്രങ്ങളില്‍ സംവാദയാത്ര പരിപാടികള്‍ സംഘടിപ്പിക്കും. ആരോഗ്യപ്പാട്ട്, പാവനാടകം, മാജിക്, പാനല്‍ പ്രദര്‍ശനം, സി.ഡി. പ്രദര്‍ശനം എന്നിവ നടത്തും.ഗാര്‍ഹിക-മണ്ണിര-ബയോഗ്യാസ് പരിചയപ്പെടുത്തല്‍ തുടങ്ങിയവ സ്വീകരണകേന്ദ്രങ്ങളില്‍ അവതരിപ്പിക്കും.

'സ്ത്രീകളും അധികാരവും'

2010-01-25T13:54:00.000+05:30

താനൂര്‍: ശാസ്ത്രസാഹിത്യ പരിഷത്ത് സംസ്ഥാനസമ്മേളനത്തിന് അനുബന്ധമായി സംഘടിപ്പിക്കുന്ന 'സ്ത്രീകളും അധികാരവും' സെമിനാര്‍ 26ന് 10ന് കെ.പുരം വട്ടത്താണി ജി.എല്‍.പി സ്‌കൂളില്‍ നടക്കും. സെമിനാര്‍ കൊച്ചി വികസന അതോറിറ്റി ചെയര്‍പേഴ്‌സണ്‍ എം.സി. ജോസഫൈന്‍ ഉദ്ഘാടനംചെയ്യും.

മലപ്പുറത്തിന്റെ മണ്ണും മനസ്സും

2010-01-24T15:47:00.000+05:30

പെരിന്തൽമണ്ണ: മുതലാ‍ളിത്തത്തിനും, സാമ്രാജ്യത്വ സാംസ്കാരിക അധിനിവേശത്തിനും എതിരായ പ്രതി സംസ്കാര രൂപീകരണം ആരംഭിക്കേണ്ടത് കുടുംബത്തിൽ നിന്നാണെന്നും, ഇത് സാധ്യമാകേണ്ടത് കുടുംബത്തിലെ സ്ത്രീ-പുരുഷ തുല്യതയിലൂടെയാണെന്നും ഡോ: കെ.എൻ. പണിക്കർ അഭിപ്രായപ്പെട്ടു. കേരള ശാസ്ത്രസാഹിത്യ പരിഷത്തിന്റെ നാൽപത്തിയേഴാം സംസ്ഥാന വാർഷിക സമ്മേളനത്തിന്റെ അനുബന്ധമായി പെരിന്തൽമണ്ണയിൽ സംഘടിപ്പിച്ച മലപ്പുറം – മണ്ണും മനസ്സും സെമിനാർ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മനുഷ്യരുടെ ഉത്പാദനശേഷി വിനിയോഗിക്കുന്ന തരത്തിൽ വികസനപ്രക്രിയയിൽ അടിസ്ഥാനപരമായ മറ്റങ്ങൾ ഉണ്ടാകണം. സാമ്രാജ്യത്വത്തിനെതിരായ പോരാട്ടമാണ് ഏറനാടിന്റെ സാംസ്കാരിക ചരിത്രമെന്നും,ആ പോരാട്ടം മതനിരപേക്ഷമായ രീതിയിലും എല്ലാവരേയും ഉൾക്കൊള്ളുന്ന തരത്തിലുമാണ് സംഘടിപ്പിച്ചത്. ഇപ്പോൾ കാണുന്ന മതാത്മകമായ പ്രതിരോധ ചിന്തകൾ ചരിത്രത്തിന്റെ വക്രീകരണമാണെന്നും അദ്ദേഹം അഭിപ്രായപ്പെട്ടു.

മണ്ണ് ഭൌതിക ജീവിതവും മനസ്സ് ആശയപ്രപഞ്ചവുമാണ്. മണ്ണിനേയും മനസ്സിനേയും കുറിച്ചുള്ള അന്വേഷണം ഈ പ്രദേശത്തെ ഉല്പാദന സംസ്കാരവുമായി ബന്ധപെട്ട അന്വേഷണമാണ്. എന്തുകൊണ്ടാണ് മലപ്പുറം പോലെയുള്ള പ്രദേശത്തിന്റെ പിന്നോക്കാവസ്ഥ എന്നതിൽ സ്ത്രീകളുടെ തൊഴിൽ പങ്കാളിത്ത നിരക്കിന്റെ കണക്കുകളും അറിയേണ്ടതാണ്. അതുകൊണ്ടുതന്നെ തൊഴിലിനെക്കുറിച്ചുള്ള കാഴ്ചപ്പാടുകളും മാറേണ്ടതുണ്ട്. മധ്യവർഗ്ഗത്തിന്റെ ഉല്പാദനശേഷി ഉപയോഗിക്കപ്പെടാത്ത സങ്കീർണ്ണമായ സാമൂഹ്യ സാമ്പത്തിക ഘടനയിൽ അടിസ്ഥാനപരമായ മാറ്റം വേണം. മുതലാളിത്തത്തിനും മതാത്മക സംസ്കാരത്തിനുമെതിരെ നമ്മുടെ ജീവിതം കൊണ്ടു തന്നെ പ്രതി സംസ്കാരം രൂപപ്പെടുത്തുകയാ‍ണ് ബദൽ മാർഗ്ഗമെന്നും ഡോ: കെ.എൻ. പണിക്കർ പറഞ്ഞു.

സമ്പന്നമായ സാഹിത്യ പാരമ്പര്യം എന്ന വിഷയം ആലങ്കോട് ലീലാIrഷ്ണനും, അറിയപ്പെടാത്ത ഗണിതപാരമ്പര്യം എന്ന വിഷയം ഡോ: പി.ടി.രാമചന്ദ്രനും വൈദ്യം-അറിയപ്പെടാത്തതും അറിയപ്പെടുന്നതും എന്ന വിഷയം ഡോ: എം.വി. വിനോദ് കുമാറും അവതരിപ്പിച്ചു. മാപ്പിളപ്പാറ്റിന്റെ ലോകം വി.എം.കുട്ടിയും, തനതു കലാപാരമ്പര്യം ഡോ: അനിൽ ചേലേമ്പ്രയും മലപ്പുറത്തിന്റെ സ്വന്തം ഫൂട്ബോൾ യു.ഷറഫലിയും നാടകം-ചിത്രകല പി.പി.രാമചന്ദ്രനും അവതരിപ്പിച്ചു.

സെമിനാറുകളിൽ പാലക്കീഴ് നാരായണൻ, ഡോ: എം.ആർ.രാഘവവാര്യർ, കെ.കെ.ജനാർദ്ദനൻ എന്നിവർ അധ്യക്ഷത വഹിച്ചു. കാവുമ്പായി ബാലIrഷ്ൺ സി.വാസുദേവൻ, എം.എസ് മോഹനൻ, എം.ഗോപാലൻ, എന്നിവർ സംസാരിച്ചു. വേണു പാലൂർ സ്വാഗതവും, കെ.മൊയ്തുട്ടി മാസ്റ്റർ നന്ദിയും രേഖപ്പെടുത്തി

ഗ്രഹണം, അത്ഭുതഭരിതം...

2010-01-16T15:00:00.000+05:30

മലപ്പും: മാനത്ത് കനകവള പോലെ ദൃശ്യമായ സൂര്യനെ ജനലക്ഷങ്ങള്‍ ദര്‍ശിച്ചു. അസാധാരണമായ ഈ ആകാശ പ്രതിഭാസം കാണാന്‍ പതിവിനു വിപരീതമായി വന്‍ ഒരുക്കങ്ങള്‍ ജില്ലയിലെ ശാസ്ത്രപ്രേമികളുടെ നേതൃത്വത്തില്‍ ഒരുക്കിയിരുന്നു. അറിവും ആകാംക്ഷയും അത്ഭുതവും കൂറുന്ന കണ്ണുകളോടെയാണ് വലയസൂര്യഗ്രഹണത്തെ കണ്ടത്. സ്‌കൂള്‍ വിദ്യാര്‍ഥികളും അധ്യാപകരും സ്വന്തമായി നിര്‍മ്മിച്ചെടുത്ത കണ്ണട ഉപയോഗിച്ചാണ് സൂര്യനെ നോക്കിയത്. കുട്ടികള്‍ നല്‍കിയ കണ്ണടകള്‍ ഉപയോഗിച്ച് രക്ഷാകര്‍ത്താക്കളും കുടുംബാംഗങ്ങളും വലയഗ്രഹണം വീക്ഷിക്കുന്നതില്‍ പങ്കാളികളായി.

ബസ്സ്റ്റാന്‍ഡിലും നഗരകേന്ദ്രങ്ങളിലും ശാസ്ത്രസാഹിത്യപരിഷത്തിന്റെയും മറ്റ് ശാസ്ത്രാഭിമുഖ്യമുള്ള സംഘടനകളുടെയും നേതൃത്വത്തില്‍ വിപുലമായ ഒരുക്കങ്ങള്‍ നടത്തിയിരുന്നു. മലപ്പുറം കെ.എസ്.ആര്‍.ടി.സി. ബസ്സ്റ്റാന്‍ഡില്‍ പൊതുജനങ്ങള്‍ക്ക് ടെലിസേ്കാപ്പിലൂടെ ഗ്രഹണം കാണുവാനുള്ള സൗകര്യം പരിഷത്ത് ഏര്‍പ്പാടാക്കിയിരുന്നു. ഒപ്പം കേരളത്തില്‍ ഗ്രഹണം പൂര്‍ണരൂപത്തില്‍ കണ്ട തിരുവനന്തപുരത്തുനിന്ന് തത്സമയ ഫോണ്‍ സംഭാഷണവും പൊതുജനങ്ങളെ കേള്‍പ്പിച്ചു. മഞ്ചേരിയിലും ടെലിസേ്കാപ്പിലൂടെ ഗ്രഹണം കാണാനുള്ള അവസരം പരിഷത്ത് ഒരുക്കിയിരുന്നു. ഒപ്പം 10,000 കണ്ണടകളും വിതരണം ചെയ്തിരുന്നു. 11 മണിയോടെ തുടങ്ങി ഉച്ചയ്ക്ക് ഒരുമണിയോടെ വലയസൂര്യഗ്രഹണം ദൃശ്യമായി. ഇടയ്ക്ക് മേഘം മറച്ചതിനാല്‍ അല്പനേരം കാഴ്ച തടസ്സപ്പെട്ടു.

പതിറ്റാണ്ടിന്റെ ആരംഭത്തിലെ വലയസൂര്യഗ്രഹണത്തെ സ്‌കൂള്‍ വിദ്യാര്‍ഥികള്‍ അത്യാവേശത്തോടെയാണ് വരവേറ്റത്. സ്‌കൂള്‍ വിദ്യാര്‍ഥികള്‍ക്ക് ഒട്ടുമിക്കവര്‍ക്കുമായി കണ്ണടകള്‍ നേരത്തെ നിര്‍മ്മിച്ചിരുന്നു. രാവിലെ 11 മണിയോടെതന്നെ കുട്ടികളെ സ്‌കൂള്‍ ഗ്രൗണ്ടുകളിലെത്തിച്ച് ഗ്രഹണം കാണാന്‍ അധികൃതര്‍ അവസരമൊരുക്കിക്കൊടുത്തു. തുടര്‍ച്ചയായി ആറ് സെക്കന്‍ഡില്‍ കൂടുതല്‍ നോക്കരുതെന്ന നിര്‍ദ്ദേശവും സൂര്യഗ്രഹണത്തെ സംബന്ധിച്ച ലഘുവിവരണങ്ങളും അധ്യാപകര്‍ നല്‍കുന്നുണ്ടായിരുന്നു. സൂര്യഗ്രഹണവുമായി ബന്ധപ്പെട്ട ചാര്‍ട്ടുകളുടെ പ്രദര്‍ശനവും ചില സ്‌കൂളുകളില്‍ ഏര്‍പ്പാടാക്കിയിരുന്നു. ഗ്രഹണം തുടങ്ങിയ രാവിലെ 11 മണി മുതല്‍ ഏതാണ്ട് മൂന്നുമണിവരെ സ്‌കൂള്‍ കുട്ടികള്‍ ഗ്രഹണം വീക്ഷിച്ചു.

ബസ്സ്റ്റാന്‍ഡുകളിലും പൊതുസ്ഥലങ്ങളിലും ഗ്രഹണം കാണാന്‍ ഒരുക്കിയ സംവിധാനങ്ങള്‍ ആയിരക്കണക്കിനാളുകള്‍ ഉപയോഗിച്ചു. ശാസ്ത്രക്ലബ്ബുകളും ശാസ്ത്രവിഷയ അധ്യാപകരും സ്‌കൂളുകളിലെ പരിപാടികള്‍ക്ക് നേതൃത്വം നല്‍കി.

മാ‍തൃഭൂമി വാർത്ത

വലയ സൂര്യഗ്രഹണത്തെ വരവേല്‍ക്കാന്‍ ജില്ല ഒരുങ്ങി

2010-01-12T20:20:00.002+05:30

മലപ്പുറം: 15ന് രാവിലെ 11 മുതല്‍ വൈകീട്ട് മൂന്നുവരെ നീണ്ടുനില്‍ക്കുന്ന വലയ സൂര്യഗ്രഹണം കാണുന്നതിനായി ജില്ലയില്‍ വിപുലമായ സംവിധാനങ്ങള്‍ ഒരുങ്ങുന്നു. ശാസ്ത്രസാഹിത്യ പരിഷത്തിന്റെ 47-ാം വാര്‍ഷികത്തോടനുബന്ധിച്ച് വിദ്യാര്‍ഥികള്‍ക്കും പൊതുജനങ്ങള്‍ക്കും ഗ്രഹണം നിരീക്ഷിക്കുന്നതിനായി പ്രത്യേകം തയ്യാറാക്കിയ കണ്ണട വിതരണം ചെയ്യുന്നുണ്ട്.

കണ്ണട വിതരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് അരിമ്പ്ര മുഹമ്മദ് നിര്‍വഹിച്ചു. മുണ്ടുപറമ്പ് എ.എം.യു.പി സ്‌കൂളില്‍ നടന്ന ചടങ്ങില്‍ പ്രധാനാധ്യാപകന്‍ മുഹമ്മദ്ഹാരിസ് അധ്യക്ഷതവഹിച്ചു. വി.ആര്‍. പ്രമോദ് സ്വാഗതവും എ. ശ്രീധരന്‍ നന്ദിയും പറഞ്ഞു. കണ്ണട ആവശ്യമുള്ളവര്‍ മുനിസിപ്പല്‍ ബസ്സ്റ്റാന്‍ഡിന് സമീപമുള്ള പരിഷത്ത് ഭവനുമായി ബന്ധപ്പെടണം. 15രൂപയാണ് കണ്ണടയുടെ വില. 9895549237, 9447974767

സൂര്യഗ്രഹണം നിരീക്ഷിക്കാന്‍ വിപുലമായ ഒരുക്കങ്ങള്

2010-01-11T09:34:00.003+05:30

മലപ്പുറം: 15ന് നടക്കുന്ന വലയ സൂര്യഗ്രഹണം നിരീക്ഷിക്കുന്നതിന് ജ്യോതിശാസ്ത്ര കൂട്ടായ്മയായ മാര്‍സിന്റെ നേതൃത്വത്തില്‍ സൗകര്യമൊരുക്കും. മലപ്പുറം കളക്ടറേറ്റ് പരിസരത്ത് ടെലസ്‌കോപ്പിന്റെയും സൗരകണ്ണടകളുടെയും സഹായത്തോടെ സൂര്യഗ്രഹണം നിരീക്ഷിക്കാന്‍ പൊതുജനത്തിനും വിദ്യാര്‍ഥികള്‍ക്കുമായാണ് സൗകര്യമൊരുക്കുക. ഇതോടൊപ്പം സൂര്യഗ്രഹണദൃശ്യങ്ങള്‍ പ്രതിപാദിക്കുന്ന പാനല്‍, വീഡിയോ പ്രദര്‍ശനങ്ങള്‍ എന്നിവയും സംഘടിപ്പിക്കും. ജില്ലയിലെ വിവിധ കേന്ദ്രങ്ങളില്‍ സൗരകണ്ണടകള്‍ ലഭ്യമാക്കാനുള്ള നടപടികളും നടത്തുന്നുണ്ട്. വിശദവിവരങ്ങള്‍ക്ക് ഫോണ്‍: 9446352439, 9447343249. കേരള ശാസ്ത്ര സാഹിത്യ പരിഷത്ത് സംസ്ഥാന വാര്‍ഷികത്തിന്റെ അനുബന്ധ പരിപാടിയായാണ് സൂര്യഗ്രഹണ നിരീക്ഷണ സംവിധാനം ഒരുക്കുന്നത്.

വിജ്ഞാനോത്സവ വാർത്തകൾ

2010-01-11T09:31:00.000+05:30

കരുളായി: കേരള ശാസ്ത്ര സാഹിത്യപരിഷത്തിന്റെ നേതൃത്വത്തിലുള്ള നിലമ്പൂര്‍ മേഖലാ വിജ്ഞാനോത്സവം പുള്ളി ഗവ. യു.പി. സ്‌കൂളില്‍ തുടങ്ങി. രണ്ടുദിവസം നീണ്ടുനില്‍ക്കുന്ന പഠനപ്രവര്‍ത്തനങ്ങളാണ് ക്യാമ്പില്‍ നടക്കുന്നത്. കരുളായി ഗ്രാമപ്പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ പി.കെ. അംബികാദേവി ഉദ്ഘാടനം ചെയ്തു. പി. സജിന്‍ അധ്യക്ഷത വഹിച്ചു. ജേക്കബ് സത്യന്‍, പി.കെ. ശ്രീകുമാര്‍ എന്നിവര്‍ പ്രസംഗിച്ചു. പി.വി. ബെന്നി, പി.സി. ശശീന്ദ്രന്‍, കെ.ആര്‍. മധുസൂദനന്‍, പി.എസ്. രഘുറാം, സി.പി. ബാലഭാസ്‌കര്‍ എന്നിവര്‍ വിവിധ വിഷയങ്ങളില്‍ ക്ലാസെടുത്തു.

എടപ്പാള്‍: കേരള ശാസ്ത്രസാഹിത്യ പരിഷത്തും പൊതുവിദ്യാഭ്യാസ വകുപ്പും ചേര്‍ന്ന് നടത്തുന്ന ദ്വിദിന യുറീക്ക ശാസ്ത്രകേരളം വിജ്ഞാനോത്സവം മൂക്കുതല പി.സി.എന്‍.ജി.എച്ച്.എസ്.എസ്സില്‍ പരിഷത്ത് ജില്ലാ സെക്രട്ടറി കെ.വിജയന്‍ ഉദ്ഘാടനംചെയ്തു. സമാപനസമ്മേളനം നന്നംമുക്ക് പഞ്ചായത്ത് പ്രസിഡന്റ് ഭാസ്‌കരന്‍ നമ്പ്യാര്‍ ഉദ്ഘാടനം ചെയ്തു. എന്‍. അമല്‍കുമാര്‍ അധ്യക്ഷതവഹിച്ചു.

വിജ്ഞാനോത്സവത്തില്‍ താഴെപറയുന്നവരെ മികച്ച വിദ്യാര്‍ഥികളായി തിരഞ്ഞെടുത്തു.
യു.പി വിഭാഗം: ആനന്ദ് പി (ജി.എം.യു.പി.എസ്, എടപ്പാള്‍), നീലിമ പി.പി (എ.യു.പി.എസ്, നെല്ലിശ്ശേരി), അക്ഷയ് എം.പി (ജി.എം.യു.പി.എസ്, എടപ്പാള്‍), ആര്യകൃഷ്ണ, കീര്‍ത്തി കെ. മേനോന്‍ (ഇരുവരും പി.സി.എന്‍.ജി.എച്ച്.എസ്.എസ്, മൂക്കുതല).
എച്ച്.എസ് വിഭാഗം: അജീഷ് എ.കെ (പി.സി.എന്‍.ജി.എച്ച്.എസ്.എസ്, മൂക്കുതല), ഭരത് മോഹന്‍ യു.എം (പി.സി.എന്‍.ജി.എച്ച്.എസ്.എസ്, മൂക്കുതല), മുഹമ്മദ്ഷമീം പി.ഇ (എം.ഐ.എച്ച്.എസ്, പൊന്നാനി), ഫര്‍ഹാദ് ഇസ്മായില്‍ (എ.വി.എച്ച്.എസ്, പൊന്നാനി), മുഹമ്മദ് ഫായിസ് ടി (ഡി.എച്ച്.ഒ.എച്ച്.എസ്.എസ്, പൂക്കരത്തറ).

വിജ്ഞാനോത്സവത്തിന് വി.ആര്‍. ഗീത, ജയകൃഷ്ണന്‍ പി.ബി, ശ്രീധരന്‍, സുധീര്‍, ഗസല്‍, ഗിരീഷ് യു.എം എന്നിവര്‍ നേതൃത്വംനല്‍കി.

മേഖലാ യുറീക്ക വിജ്ഞാനോത്സവം നാളെ തുടങ്ങും

2010-01-08T18:41:00.001+05:30

മലപ്പുറം: കേരള ശാസ്ത്രസാഹിത്യപരിഷത്ത് വിദ്യാഭ്യാസവകുപ്പിന്റെ സഹകരണത്തോടെ സംഘടിപ്പിക്കുന്ന യുറീക്ക ശാസ്ത്രകേരളം വിജ്ഞാനോത്സവം ഒമ്പത്, 10 തീയതികളില്‍ നടക്കും. ജില്ലയിലെ 11 കേന്ദ്രങ്ങളില്‍ നടക്കുന്ന വിജ്ഞാനോത്സവത്തില്‍ പഞ്ചായത്തുതലത്തില്‍നിന്ന് തിരഞ്ഞെടുക്കപ്പെട്ട യു.പി, ഹൈസ്‌കൂള്‍ വിദ്യാര്‍ഥികള്‍ പങ്കെടുക്കും. മേഖലാ വിജ്ഞാനോത്സവത്തിലേക്ക് തിരഞ്ഞെടുക്കപ്പെട്ട കുട്ടികള്‍ നിര്‍ദേശിക്കപ്പെട്ട പഠനപ്രവര്‍ത്തനങ്ങള്‍ ചെയ്ത് രാവിലെ 9.30ന് വിജ്ഞാനോത്സവ കേന്ദ്രത്തിലെത്തണം. ജില്ലയിലെ വിജ്ഞാനോത്സവ കേന്ദ്രങ്ങള്‍: എ.യു.പി സ്‌കൂള്‍ മലപ്പുറം, ദേവധാര്‍ ഹൈസ്‌കൂള്‍ താനൂര്‍, ഗവ. ഹൈസ്‌കൂള്‍ ആതവനാട്, മൂക്കുതല ഗവ ഹൈസ്‌കൂള്‍, ജി.വി.എച്ച്.എസ്.എസ് മങ്കട, ജി.യു.പി.എസ് മൂര്‍ക്കനാട്, തൃക്കുളം ജി.യു.പി സ്‌കൂള്‍, കൊണ്ടോട്ടി ജി.എല്‍.പി സ്‌കൂള്‍, ജി.യു.പി.എസ് പുള്ളിയില്‍, ജി.എല്‍.പി.എസ് തുവ്വൂര്‍, മഞ്ചേരി ബി.ആര്‍.സി.

കരുളായി: കേരള ശാസ്ത്രസാഹിത്യ പരിഷത്ത് മേഖലാ വിജ്ഞാനോത്സവം ശനി, ഞായര്‍ ദിവസങ്ങളില്‍ പുള്ളിയില്‍ ഗവ. യു.പി സ്‌കൂളില്‍ നടക്കും. ശനിയാഴ്ച രാവിലെ 10ന് തുടങ്ങുന്ന പരിപാടികള്‍ ഞായറാഴ്ച വൈകുന്നേരം നാലിന് സമാപിക്കും. ശനിയാഴ്ച വൈകുന്നേരം അഞ്ചുമണി മുതല്‍ ചാന്ദ്രയാന്‍, ചന്ദ്രനെയും വ്യാഴത്തിന്റെ ഉപഗ്രഹങ്ങളെയും നിരീക്ഷിക്കല്‍ എന്നിവ ഉണ്ടായിരിക്കും.

എടപ്പാള്‍: കേരള ശാസ്ത്രസാഹിത്യ പരിഷത്തും പൊതുവിദ്യാഭ്യാസ വകുപ്പും ചേര്‍ന്ന് നടത്തുന്ന യുറീക്ക- ശാസ്ത്രകേരളം മേഖലാതല വിജ്ഞാനോത്സവം ശനി, ഞായര്‍ ദിവസങ്ങളില്‍ മൂക്കുതല പി.സി.എന്‍.ജി.എച്ച്.എസ്.എസില്‍ നടക്കും. പൊന്നാനി താലൂക്കിലെ വിവിധ പഞ്ചായത്തുകളില്‍നിന്ന് തിരഞ്ഞെടുക്കപ്പെട്ട യു.പി, ഹൈസ്‌കൂള്‍ വിഭാഗത്തില്‍പ്പെട്ട നൂറോളം വിദ്യാര്‍ഥികളാണ് വിജ്ഞാനോത്സവത്തില്‍ പങ്കെടുക്കുക. വിജ്ഞാനോത്സവത്തോടനുബന്ധിച്ച് ശനിയാഴ്ച രാത്രി പൊതുജനങ്ങള്‍ക്കായി നക്ഷത്രനിരീക്ഷണ അവസരം ഉണ്ടായിരിക്കും. വിജ്ഞാനോത്സവത്തിന്റെ നടത്തിപ്പിനായി നന്നംമുക്ക് ഗ്രാമപ്പഞ്ചായത്ത് പ്രസിഡന്റ് ഭാസ്‌കരന്‍ നമ്പ്യാര്‍ ചെയര്‍മാനായും ജിജി വര്‍ഗീസ് കണ്‍വീനറായും സ്വാഗതസംഘം രൂപവത്കരിച്ചു.

വളാഞ്ചേരി:ശാസ്ത്രസാഹിത്യ പരിഷത്ത് കുറ്റിപ്പുറം മേഖലാ വിജ്ഞാനോത്സവം ശനി, ഞായര്‍ ദിവസങ്ങളിലായി ആതവനാട് ഹയര്‍സെക്കന്‍ഡറി സ്‌കൂളില്‍ നടക്കും.

അധ്യാപക ശില്‌പശാല

2010-01-08T18:30:00.000+05:30

മലപ്പുറം:കേരള ശാസ്ത്രസാഹിത്യ പരിഷത്തിന്റെ 47-ാം സംസ്ഥാന വാര്‍ഷികത്തിന്റെ ഭാഗമായി മലപ്പുറം ബി.ആര്‍.സി.യില്‍ ഗണിതശാസ്ത്രാധ്യാപക ശില്പശാല സംഘടിപ്പിച്ചു. കേരള സ്‌കൂള്‍ ഓഫ് മാത്തമാറ്റിക്‌സ് ഡയറക്ടര്‍ ഡോ. എ.ജെ. പരമേശ്വരന്‍ ഉദ്ഘാടനം നിര്‍വ്വഹിച്ചു. പരിഷത്ത് ജില്ലാ പ്രസിഡന്റ് കെ.കെ. ജനാര്‍ദ്ദനന്‍ അധ്യക്ഷത വഹിച്ചു. എം.പി.നാരായണനുണ്ണി, വി. വാമനന്‍ എന്നിവര്‍ വിഷയങ്ങള്‍ അവതരിപ്പിച്ചു. മാത്യു ജോര്‍ജ്, ടി.വി. ജോയ് എന്നിവര്‍ പ്രസംഗിച്ചു.

പരിസ്ഥിതി-വികസന സെമിനാര്‍.

2010-01-06T00:11:00.002+05:30

സൈലന്റ് വാലി നാഷ്ണല്‍ പാര്‍ക്കിന് 25 വയസ്സ്.
പരിസ്ഥിതി-വികസന സെമിനാര്‍.
അനുഭവസ്മരണ – കവിസമ്മേളനം

മാന്യ സുഹൃത്തേ
കേരളത്തിന്റെ പാരിസ്ഥിതിക ജാഗ്രതയുടെ നിത്യ സ്മാരകമായ സൈലന്റെ വാലി നാഷ്ണല്‍ പാര്‍ക്കിന് 25 വയസ്സ് തികയുകയാണ്. ഈ അവസരത്തില്‍ സൈലന്റ് വാലി സംരക്ഷണ പ്രവര്‍ത്തനങ്ങളുടെ നിത്യഹരിത സ്മരണകള്‍ പങ്കിടുന്നതും വര്‍ത്തമാനകാല പാരിസ്ഥിതിക പാശ്ചാത്തലത്തില്‍ നിന്നുകൊണ്ട് കേരളത്തിന്റെ പരിസ്ഥിതി-വികസന പ്രശ്നങ്ങള്‍ ആഴത്തില്‍ പരിശോധിക്കുന്നതും ഉചിതമായിരിക്കുമെന്ന് ഞങ്ങള്‍ കരുതുന്നു. കേരളത്തിന്റെ വികസന പദ്ധതികള്‍ വ്യാപകമായ ചര്‍ച്ചക്ക് വിധേയമാക്കേണ്ടതും സമഗ്രവും ശാസ്ത്രീയവുമായ ഒരു സമീപനം രൂപപ്പെടുത്തേണ്ടതും അത്യാവശമായിരിക്കുന്ന ഈ അവസരത്തില്‍, അതിന് തുടക്കം കുറിക്കാനുള്ള ശ്രമമെന്ന നിലക്ക് ഈ രംഗത്തെ പ്രമുഖ വ്യക്തികളെ പങ്കെടുപ്പിച്ചുകൊണ്ടുള്ള ചര്‍ച്ചകള്‍ പരിഷത്ത് സംഘടിപ്പിക്കുന്നു. അതോടൊപ്പം സൈലന്റ് വാലിയെക്കുറിച്ചുള്ള വിശദമായ ഒരു പഠനം തയ്യാറാക്കി പ്രസിദ്ധീകരിക്കാനും പരിഷത് തീരുമാനിച്ചിട്ടുണ്ട്.

2010 ജനുവരി 7 വ്യാഴം രാവിലെ 10 മുതല്‍ തൃശൂര്‍ കേരള സാഹിത്യ അക്കാദമി അങ്കണത്തില്‍ നടക്കുന്ന പ്രസ്തുത പരിപാടിയിലേക്ക് താങ്കളെ സാദരം ക്ഷണിക്കുന്നു.

നവ വത്സരാശംസകളോടെ !
ഡോ. കാവുമ്പായി ബാലകൃഷ്ണന്‍
പ്രസിഡണ്ട്
വി.വിനോദ്
ജനറല്‍ സെക്രട്ടറി
ടി.ഗംഗാധരന്‍
ചെയര്‍മാന്‍
വി.ആര്‍.രഘുനന്ദനന്‍
കണ്‍വീനര്‍
പരിസരം സബ്ബ്കമ്മിറ്റി

'നെല്‍വയല്‍-നീര്‍ത്തട സംരക്ഷണ നിയമം ഫലപ്രദമായി നടപ്പാക്കണം'

2010-01-04T08:30:00.000+05:30

വളാഞ്ചേരി: നെല്‍വയല്‍-നീര്‍ത്തട സംരക്ഷണ നിയമം ഫലപ്രദമായി നടപ്പിലാക്കാന്‍ അടിയന്തര നടപടികള്‍ സര്‍ക്കാര്‍ കൈക്കൊള്ളണമെന്ന് ശാസ്ത്രസാഹിത്യപരിഷത്ത് ജില്ലാ സമ്മേളനം ആവശ്യപ്പെട്ടു. വയലുകളും കുളങ്ങളും ഇനിയും നികത്തപ്പെട്ടാല്‍ ഭൂജല സന്തുലിതാവസ്ഥ പൂര്‍ണമായും താളംതെറ്റുമെന്നും യോഗം ചൂണ്ടിക്കാട്ടി.

സംസ്ഥാന പ്രസിഡന്റ് ഡോ. കാവുമ്പായി ബാലകൃഷ്ണന്‍, ഡോ. കെ.ടി. ജലീല്‍ എം.എല്‍.എ. എന്നിവര്‍ സംസാരിച്ചു.
ഫിബ്രവരി 12 മുതല്‍ 14 വരെ മലപ്പുറത്ത് നടക്കുന്ന സംസ്ഥാന സമ്മേളനത്തിന്റെ ഭാഗമയി നടക്കുന്ന പരിപാടികള്‍ ജില്ലാ പ്രസിഡന്റ് കെ.കെ. ജനാര്‍ദ്ദനന്‍ അവതരിപ്പിച്ചു. ഭാരവാഹികള്‍: കെ.കെ. ജനാര്‍ദ്ദനന്‍ (പ്രസി.), വി.രാജലക്ഷ്മി, എ. ശ്രീധരന്‍ (വൈ.പ്രസി.), കെ. വിജയന്‍ (സെക്ര.), എന്‍. മഖ്ബുല്‍, വി.വി. മണികണ്ഠന്‍ (ജോ.സെക്ര.), കെ.കെ. ശശിധരന്‍ (ഖജാ.)

സാംസ്‌കാരിക മുന്നണി കെട്ടിപ്പടുക്കണം

2010-01-03T09:00:00.001+05:30

വളാഞ്ചേരി: ചിന്താ ശൂന്യമായ ഇന്നത്തെ കേരള സമൂഹത്തിന്നു പകരം യുക്തിചിന്തയിലധിഷ്ഠിതമായ സര്ഗാതത്മകതയ്ക്കും ശാസ്ത്രാന്വേഷണത്തിനും പ്രാമുഖ്യം നല്കുഷന്ന സമൂഹം രൂപപ്പെടേണ്ടതുണ്ടെന്നും ഇതിനായി സാംസ്‌കാരിക മുന്നണി കെട്ടിപ്പടുക്കണമെന്നും പുരോഗമന കലാസാഹിത്യസംഘം സെക്രട്ടറി കെ.ഇ.എന്‍ കുഞ്ഞഹമ്മദ് അഭിപ്രായപ്പെട്ടു. കേരള ശാസ്ത്രസാഹിത്യപരിഷത്തിന്റെ ജില്ലാ സമ്മേളനം കാടാമ്പുഴയില്‍ ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പ്രസിഡന്റ് കെ.കെ. ജനാര്ദ്ദ നന്‍ അധ്യക്ഷത വഹിച്ചു. യുക്തിവാദിസംഘം സംസ്ഥാന പ്രസിഡന്റ് യു. കലാനാഥന്‍, കെ.കെ. നാരായണന്‍, മോഹനന്‍ കാടാമ്പുഴ, കറപ്പന്കുോട്ടി, സി. അബ്ദുള്റ‍സാഖ്, കെ.കെ. ശശീന്ദ്രന്‍, കെ.എന്‍. അരവിന്ദാക്ഷന്‍ എന്നിവര്‍ പ്രസംഗിച്ചു.

പ്രതിനിധി സമ്മേളനത്തില്‍ ജില്ലാ സെക്രട്ടറി കെ. വിജയന്‍, എ. ശ്രീധരന്‍, ആര്‍.വി.ജി മേനോന്‍ എന്നിവര്‍ റിപ്പോര്ട്ടു കള്‍ അവതരിപ്പിച്ചു. വൈകീട്ട് കാടാമ്പുഴയില്‍ ശാസ്ത്രസാംസ്‌കാരിക ജാഥയും നടന്നു. വിവിധ മേഖലകളില്‍ നിന്നായി തിരഞ്ഞെടുക്കപ്പെട്ട 250 പ്രതിനിധികളാണ് സമ്മേളനത്തില്‍ പങ്കെടുക്കുന്നത്.
വികസനം,ആരോഗ്യം,വിദ്യാഭ്യാസം,പരിസരം,ജൻറർ എന്നീ വിഷയങ്ങളിലെ
പരിഷത്തിൻറെ ഇടപെടൽ സാധ്യതകളെ കുറിച്ച്
ഞായറാഴ്ച പ്രൊഫ. ടി.പി. കുഞ്ഞിക്കണ്ണന്‍, സി.പി. സുരേഷ്ബാബു, മോഹനന്‍ മണലില്‍, കെ.എം. മല്ലിക, കെ. രാധന്‍ എന്നിവര്‍ വിവിധ വിഷയങ്ങള്‍ അവതരിപ്പിക്കും. ഭാരവാഹികളുടെ തിരഞ്ഞെടുപ്പോടെ സമ്മേളനം സമാപിക്കും.

ഇന്നത്തെ വിദ്യാഭ്യാസം സാമൂഹിക ലക്ഷ്യങ്ങളെ അവഗണിക്കുന്നു-ആര്‍.വി.ജി. മേനോന്‍

2009-12-28T10:00:00.002+05:30

മഞ്ചേരി: വ്യക്തിപരമായ ലക്ഷ്യങ്ങള്‍ക്ക് പ്രാധാന്യം നല്‍കുന്ന ഇന്നത്തെ വിദ്യാഭ്യാസം സാമൂഹികമായ ലക്ഷ്യങ്ങളെ അവഗണിക്കുകയാണെന്ന് ഡോ. ആര്‍.വി.ജി. മേനോന്‍ അഭിപ്രായപ്പെട്ടു. ശാസ്ത്രസാഹിത്യ പരിഷത്തിന്റെ സംസ്ഥാന സമ്മേളനത്തോടനുബന്ധിച്ച് 'വിദ്യാഭ്യാസം പുതിയ നയസമീപനങ്ങളും കേരളവും' എന്ന വിഷയത്തില്‍ നടന്ന സെമിനാറില്‍ സംസാരിക്കുകയായിരുന്നു അദ്ദേഹം. ഡോ. പി. മുഹമ്മദ്ഷാഫി അധ്യക്ഷതവഹിച്ചു. കെ.ടി. രാധാകൃഷ്ണന്‍ ആമുഖാവതരണം നടത്തി. ഡോ.കെ.എന്‍. ഗണേഷ്, പി.വി. പുരുഷോത്തമന്‍, കെ. ശശിധരന്‍ എന്നിവര്‍ വിഷയങ്ങളവതരിപ്പിച്ചു.

കെ.എ.പി.ടി. യൂണിയന്‍ സംസ്ഥാനപ്രസിഡന്റ് ഡി.എ. ഹരിഹരന്‍, കെ.എസ്.ടി.എ സംസ്ഥാന എക്‌സിക്യുട്ടീവ് അംഗം പി.എ. സുദേവന്‍, എ.കെ.എസ്.ടി.യു. സംസ്ഥാന പ്രസിഡന്റ് പി.കെ. കൃഷ്ണദാസ്, പരിഷത്ത് ജില്ലാ പ്രസിഡന്റ് കെ.കെ. ജനാര്‍ദനന്‍, പി. രമേഷ്‌കുമാര്‍, കെ. ജയ്ദീപ് എന്നിവര്‍ പ്രസംഗിച്ചു.

വിദ്യാഭ്യാസം-പുതിയ നയസമീപനങ്ങളും കേരളവും.

2009-12-27T10:12:00.001+05:30

വിദ്യാഭ്യാസം കേരളിയനു ജീവവായു പോലെയാണു. ഈരംഗത്തു വരുന്ന ഓരോ മാറ്റവും അതീവ ജാഗ്രതയോടെയാണു സമൂഹം വീക്ഷിക്കുന്നതു. കഴിഞ്ഞ രണ്ടു ദശാബ്ദമായി വിദ്യാഭ്യാസ മേഖലയുടെ വാണിജ്യവത്കരണവും അതു സൃഷ്ടിക്കുന്നപ്രശ്നങളും രൂക്ഷ്മായിരിക്കുന്നു. ഈ ദിശയിലുള്ള ഒട്ടെറെ പരിഷ്കരണ നിർദേശങൾ കേന്ദ്ര ഗവണ്മെന്റിൽ നിന്നും ഉണ്ടായിക്കൊണ്ടിരിക്കുകയുമാണു.പാഠ്യപദ്ധതിയുടെ മേഖലയിൽ ഇതേകാലത്തു കേരളം നടത്തിയ ഇടപെടലുകൾ ഏറെ മുന്നോട്ടു പോയിട്ടുണ്ടു. വിദ്യാഭ്യാസത്തിന്റെ ഗുണനിലവാരം, സാമൂഹ്യ ലക്ഷ്യങൾ എന്നിവ സംബന്ദിച്ചു ഉയർന്നുവരുന്ന ധാരണകൾ ഗൌരവമായി ചർച്ച ചെയ്യപ്പെടേണ്ടതാണു. ഉന്നത വിദ്യാഭ്യാസ മേഖലയേക്കുറിച്ചുള്ള സങ്കൽപ്പങ്ങൾ മാറിമറിയുന്ന സാഹചര്യത്തിൽ കേരളം സ്വീകരിക്കെണ്ട സമീപനങളും അതിലേക്കുള്ള വഴികളും പ്രധാനമാണു. വിദ്യാഭ്യാസ രംഗത്തു അതിദ്രുതം സംഭവിക്കുന്ന മറ്റങൾ വിപുലമായ ജനകീയ ചർച്ച്കൾക്കും അഭിപ്രായ സ്വരൂപണത്തിനും വിധേയമകേണ്ടതുണ്ടു. ഈ ലക്ഷ്യത്തോടെ സംഘടിപ്പിക്കുന്ന ഏകദിന പഠന സെമിനാറിന്റെ വിശദാംശം ചുവടെ ചേർക്കുന്നു.

സ്വഗതം:കെ.കെ.ജനാർദ്ദ്നൻ

അധ്യക്ഷൻ:കെ.ടി.രാധാക്രിഷ്ണൻ

ആമുഖം:കാവുംബായി ബാലക്രിഷ്ണൻ

വിഷയാവതരണങൾ.

1.വിദ്യാഭ്യാസ അവകാശബില്ലും കേരളത്തിലെ പൊതു വിദ്യാഭ്യാസവും-ഡോ.കെ,എൻ.ഗണേഷ്

2.വിദ്യാഭ്യാസത്തിന്റെ സാമൂഹ്യ ലക്ഷ്യങൾ-ഡോ ആർ.വി.ജി.മേനോൻ

3. വിദ്യാഭ്യാസത്തിന്റെ ഗുണനിലവാരം കേരളത്തിന്റെ അനുഭവങൾ-പി.വി.പുരുഷോത്ത്മൻ

4.ഉന്നത വിദ്യാഭ്യാസ രംഗം-നൂതന പ്രവണതകൾ -ഡോ.രാജൻ വർഗീസ്

ചർച്ച & റിപ്പൊർട്ടിംഗ്

പ്രതികരണങൾ

1.സി.ഉസ്മാൻ (K S T A)

2.ഡി.എ.ഹരിഹരൻ (KAPTU)

3.കെ.ശശിധരൻ (AKPCTA)

4.സി.പി.ചെറിയമുഹമ്മെദ് (KSTU)

5.പി.കെ.ക്രുഷ്ണദാസ് (AKSTU)

പാനൽ പ്രതികരണം

27/12/2009 നു മഞ്ചേരിയിൽ

ദൈവരാജ്യം ഇല്ല എന്നാണല്ലോ ഇയാള്‍ പറഞ്ഞു കൊണ്ടുവരുന്നത്?

2009-11-18T19:43:00.000+05:30

1610 ജനുവരി 10 മാനവചരിത്രത്തിലെ അതിമഹത്തായ ദിവസങ്ങളിലൊന്നാണ്. അന്നാണ് ഗലീലിയോഗലീലി എന്ന മഹാശാസ്ത്രകാരന്‍ തന്റെ ദൂരദര്‍ശിനിയിലൂടെ അനന്തവിഹായസ്സിലെ വിസ്മയങ്ങള്‍ ആദ്യമായി കണ്ടത്. അദ്ദേഹം ചന്ദ്രനിലെ കുഴികളും കുന്നുകളും കണ്ടു. സൂര്യമുഖത്തെ കളങ്കങ്ങള്‍ കണ്ടു. വ്യാഴത്തിനുചുറ്റും കറങ്ങുന്ന നാല് ഉപഗ്രഹത്തെയും ആകാശഗംഗയിലെ അനേകായിരം നക്ഷത്രങ്ങളെയും കണ്ടു. ചന്ദ്രന്റെയും ബുധന്റെയും ശുക്രന്റെയും വൃദ്ധിക്ഷയങ്ങള്‍ മനസ്സിലാക്കി. ഗ്രഹങ്ങള്‍ സൂര്യനെ ചുറ്റുകയാണെന്നും ഭൂമി അവയിലൊരു ഗ്രഹം മാത്രമാണെന്നും കണ്ടെത്തി. അരനൂറ്റാണ്ടിനുമുമ്പ് കോപ്പര്‍ നിക്കസ് പറഞ്ഞത് തെളിവുകളിലൂടെ അദ്ദേഹം സമര്‍ഥിച്ചു. ഇത് ക്രിസ്തീയ സഭയുടെ പ്രപഞ്ചവീക്ഷണത്തിന് എതിരായിരുന്നു. ദൈവത്തിന്റെ പരമോന്നതസൃഷ്ടികളായ മനുഷ്യനും ഭൂമിയും പ്രപഞ്ചകേന്ദ്രത്തില്‍, സമ്പൂര്‍ണതയുള്ള സ്വര്‍ഗം ആകാശത്തില്‍, നരകം ഭൂമിക്കുള്ളിലും-ഈ സഭാവിശ്വാസത്തെയാണ് ഗലീലിയോ തകര്‍ത്തത്. തന്റെ ചെറുകുഴലിലൂടെ അദ്ദേഹം സ്വര്‍ഗത്തെ ഉന്മൂലനംചെയ്തു. ഗലീലിയോവിന് സമൂഹത്തിലുണ്ടായിരുന്ന വമ്പിച്ച അംഗീകാരവും ആദരവും കാരണം ആദ്യം സഭ മടിച്ചുനിന്നു. ബ്രൂണോയെ ചുട്ടുകൊന്നതിന്റെ പേരുദോഷം അപ്പോഴും സഭയെ പിന്‍തുടരുന്നുണ്ടായിരുന്നു. പക്ഷേ, മതവിചാരണക്കാര്‍ വിട്ടില്ല. അവര്‍ ചോദിച്ചു
"ദൈവരാജ്യം ഇല്ല എന്നാണല്ലോ ഇയാള്‍ പറഞ്ഞു കൊണ്ടുവരുന്നത്. ജനങ്ങള്‍ അത് വിശ്വസിക്കാന്‍ തുടങ്ങിയാല്‍ പിന്നെ ഈ സഭയ്ക്ക് എന്താണ് പ്രസക്തി. സഭയ്ക്ക് പ്രസക്തിയില്ലെങ്കില്‍ പിന്നെ പുരോഹിതനും മാര്‍പാപ്പയ്ക്കും വത്തിക്കാനും എന്താണ് പ്രസക്തി?''

ഈ ചോദ്യം സഭാധികാരികളെ വിറളി പിടിപ്പിച്ചു. അവര്‍ അദ്ദേഹത്തെ കുറ്റവിചാരണ നടത്തി. ഏകാന്തത്തടവ് വിധിച്ചു. അദ്ദേഹത്തിന്റെ പുസ്തകം നിരോധിച്ചു. മരിച്ചപ്പോള്‍ തെമ്മാടിക്കുഴി വിധിച്ചു.

പതിനേഴാം നൂറ്റാണ്ടിലെ ഏറ്റവും മഹാനായ ഈ ശാസ്ത്രജ്ഞന്റെ ജീവിതകഥ 20-ാം നൂറ്റാണ്ടിലെ ഏറ്റവും മഹാനായ നാടകകൃത്ത് ബെര്‍ത്തോള്‍ട് ബ്രഹ്റ്റ് നാടകരൂപത്തില്‍ ആവിഷ്കരിച്ചു. ആറ് പതിറ്റാണ്ടിന് ശേഷം കേരളത്തിന്റെ വര്‍ത്തമാനകാല പരിസരത്തു നിന്നുകൊണ്ടു കേരളശാസ്ത്രസാഹിത്യ പരിഷത്ത് ഗലീലിയോയുടെ ജീവിതകഥ അരങ്ങിലെത്തിക്കുകയാണ്. ബ്രഹ്റ്റിന്റെ നാടകത്തിന്റെ സ്വതന്ത്രപുനരാവിഷ്കാരം നിര്‍വഹിച്ചിരിക്കുന്നത് പ്രശസ്ത നാടകപ്രവര്‍ത്തകനായ പ്രൊഫ. പി ഗംഗാധരനാണ്. സമൂഹത്തില്‍ ശാസ്ത്രബോധം പ്രചരിപ്പിക്കാനും ശാസ്ത്രസംസ്കാരം വളര്‍ത്താനുംവേണ്ടി ശാസ്ത്രവര്‍ഷത്തില്‍ പരിഷത്ത് നടത്തിവരുന്ന വിവിധ പ്രവര്‍ത്തനങ്ങളില്‍ ഏറ്റവും പ്രധാനപ്പെട്ടതാണ് ഈ നാടകയാത്ര.
നാലുനൂറ്റാണ്ടുമുമ്പാണ് ഗലീലിയോ ജീവിച്ചതെങ്കിലും അദ്ദേഹത്തിന്റെ ജീവിതാനുഭവങ്ങള്‍ക്ക് അത്യന്തം പ്രസക്തി കേരള സമൂഹത്തില്‍ ഇന്നുണ്ട്. ജാതിമതശക്തികളുടെ രാഷ്ട്രീയ ഇടപെടല്‍ ശക്തമാണ്. സമൂഹത്തില്‍ അസഹിഷ്ണുത വര്‍ധിച്ചു വരികയാണ്. കമ്പോളത്തിന്റെ പിന്‍ബലത്തോടെ പുതിയ ആചാരങ്ങളും വിശ്വാസങ്ങളും നാടെങ്ങും പടരുകയാണ്. സാമൂഹ്യ നീതിയും അവസരസമത്വവും എല്ലാ രംഗത്തും തിരസ്കരിക്കപ്പെടുന്നു. കേരളം എന്നും കാത്തു സംരക്ഷിച്ചുപോന്ന മതനിരപേക്ഷതയ്ക്ക് ഭംഗമേല്‍പ്പിക്കുന്ന പ്രസ്താവനകളും ആഹ്വാനങ്ങളും മതപുരോഹിതന്മാര്‍ മത്സരിച്ചു നടത്തുന്നു. സ്വന്തം കഴിവിലുള്ള വിശ്വാസത്തില്‍നിന്ന് അവിശ്വാസത്തിലേക്കും അതില്‍നിന്ന് അന്ധവിശ്വാസത്തിലേക്കും മനുഷ്യര്‍ വഴുതി വീണുകൊണ്ടിരിക്കുന്ന കാലഘട്ടമാണിത്. സമൂഹത്തില്‍ ശുഭാപ്തിവിശ്വാസം പ്രസരിപ്പിക്കാനുള്ള പ്രവര്‍ത്തനങ്ങളാണ് ഇന്ന് അത്യാവശ്യമായിട്ടുള്ളത്. അതിന് സഹായകമാണ് അറിവിന്റെ ശാസ്ത്രത്തിന്റെ അന്തിമവിജയത്തില്‍ ഉറച്ചുവിശ്വസിച്ചിരുന്ന ഗലീലിയോഗലീലിയുടെ ജീവിതകഥ. ഈ നാടകയാത്ര ശക്തമായ ഒരു ശാസ്ത്ര പ്രവര്‍ത്തനമാണ്, സാംസ്കാരിക ഇടപെടലാണ്. ഒരു മതനിരപേക്ഷ ജനാധിപത്യ സമൂഹം രൂപപ്പെടുത്തുന്നതിനുള്ള ശ്രമങ്ങള്‍ക്ക് ഇത് ഊര്‍ജം പകരും.

ഡോ. കാവുമ്പായി ബാലകൃഷ്ണന്‍

ടെലിസേ്കാപ്പ് നിര്‍മാണ പരിശീലനവും ശാസ്ത്രക്ലാസും

2009-11-14T18:11:00.000+05:30

മഞ്ചേരി: ഗലീലിയോ നാടകയാത്രയോടനുബന്ധിച്ച് കേരള ശാസ്ത്രസാഹിത്യ പരിഷത്ത് അരീക്കോട് മേഖലയുടെ ആഭിമുഖ്യത്തില്‍ ടെലിസ്‌കോപ്പ് നിര്‍മാണ പരിശീലനവും ശാസ്ത്രക്ലാസും സംഘടിപ്പിക്കുന്നു. 18ന് ഗലീലിയോ നാടകത്തെ സ്വീകരിക്കുന്നതിനുള്ള സ്വാഗതസംഘം രൂപവത്കരിച്ചു.

അരീക്കോട് ഗ്രാമപ്പഞ്ചായത്ത് പ്രസിഡന്റ് എം.ടി. ആലിക്കുട്ടിയെ ചെയര്‍മാനായും പി. കൃഷ്ണനുണ്ണിയെ ജനറല്‍ കണ്‍വീനറായും തിരഞ്ഞെടുത്തു.
ചടങ്ങില്‍ ഇ. കൃഷ്ണന്‍, സി.പി. സുരേഷ്ബാബു, പാടുകണ്ണി സുബ്രഹ്മണ്യന്‍ എന്നിവര്‍ പ്രസംഗിച്ചു.

ഗലീലിയോ

2009-11-13T18:03:00.000+05:30

ഗലീലിയോ നാടകയാത്ര പെരിന്തൽമണ്ണയിൽ
നവംബർ 19 വൈകുന്നേരം 6മണിക്ക്
പെരിന്തൽമണ്ണ നഗരസഭ ടൌൺഹൾ

അധ്യാപകര്‍ക്കും വിദ്യാര്‍ഥികള്‍ക്കുമായി ശില്പശാല

2009-11-13T09:42:00.002+05:30

മലപ്പുറം: ശാസ്ത്രബോധം പ്രചരിപ്പിക്കുന്നതിനായി ശാസ്ത്രസാഹിത്യ പരിഷത്തിന്റെ നേതൃത്വത്തില്‍ അധ്യാപകര്‍ക്കും വിദ്യാര്‍ഥികള്‍ക്കുമായി ശില്പശാല സംഘടിപ്പിക്കുന്നു. 15ന് 10ന് മലപ്പുറം ഗവ. കോളേജില്‍ പരിശീലനം നടക്കും. വിശദവിവരങ്ങള്‍ക്ക്‌ഫോണ്‍: 9446063767.

ഡോ. സി.ആര്‍. സോമന്‍ അന്തരിച്ചു

2009-11-06T19:48:00.000+05:30

തിരുവനന്തപുരം: പ്രശസ്ത ജനകീയാരോഗ്യ പ്രവര്‍ത്തകന്‍ ഡോ. സി.ആര്‍ സോമന്‍(72) അന്തരിച്ചു. തിരുവനന്തപുരത്ത് സ്വകാര്യ ആസ്പത്രിയിലായിരുന്നു അന്ത്യം. ഹൃദ്രോഗബാധയെ തുടര്‍ന്ന് വ്യാഴാഴ്ചയാണ് അദ്ദേഹത്തെ ആസ്പത്രിയില്‍ പ്രവേശിപ്പിച്ചത്. ഉടന്‍ തന്നെ ബൈപാസ് ശസ്ത്രക്രിയയ്ക്ക് വിധേയനാക്കിയെങ്കിലും നില ആശങ്കാജനകമായി തുടരുകയായിരുന്നു. ഇന്ന് പകല്‍ മൂന്നുമണിയോടെയായിരുന്നു അന്ത്യം.

ലോകം ആദരിക്കുന്ന കേരള മോഡല്‍ ആരോഗ്യപരിരക്ഷാരീതികളെ പുതിയ തലങ്ങളിലേക്ക് നയിച്ച ഡോ. സി.ആര്‍ സോമന്‍ എന്നും ജനപക്ഷത്ത് നില്‍ക്കുന്ന സാമൂഹികപ്രവര്‍ത്തനായിരുന്നു. അദ്ദേഹം തുടക്കമിട്ട 'ഹെല്‍ത്ത് ആക്ഷന്‍ ബൈ പീപ്പിള്‍' എന്ന സന്നദ്ധ സംഘടന ഇന്ന് കേരളമെമ്പാടും ആരോഗ്യ വിദ്യാഭ്യാസ, ഗവേഷണ മേഖലയിലും സാമൂഹികാരോഗ്യമേഖലയിലും മികച്ച പ്രവര്‍ത്തനം നടത്തുന്നു.

തിരുവനന്തപുരം മെഡിക്കല്‍ കോളജില്‍ നിന്ന് 1962 ല്‍ വൈദ്യശാസ്ത്ര ബിരുദം നേടി. 1966 ല്‍ ബയോകെമിസ്ട്രിയില്‍ എം.ഡിയും പൂര്‍ത്തിയാക്കി. വിദ്യാഭ്യാസം കഴിഞ്ഞ ഉടന്‍ തന്നെ തിരുവനന്തപുരം മെഡിക്കല്‍ കോളേജില്‍ ബയോകെമിസ്ട്രി വിഭാഗത്തില്‍ ലക്ചററായി ചേര്‍ന്നു. 1976 ല്‍ മെഡിക്കല്‍ കോളേജില്‍ ന്യൂട്രീഷന്‍ വിഭാഗം തുടങ്ങിയപ്പോള്‍ അവിടെ അസോസിയേറ്റ് പ്രഫസറായി. 81 മുതല്‍ 92 ല്‍ വിരമിക്കുന്നതുവരെ അവിടെ പ്രഫസറും വകുപ്പ് മേധാവുമായി തുടര്‍ന്നു.

ഇതിനിടെ 1978 ല്‍ ലോകാരോഗ്യ സംഘടനയുടെ ഫെലോഷിപ്പ് ലഭിച്ചു. അങ്ങനെ ലണ്ടനില്‍ പോയി ന്യൂട്രീഷനില്‍ ബിരുദാനന്തര ബിരുദമെടുത്തു. കേരള ശാസ്ത്രസാഹിത്യ പരിഷത്തിന്റെ പ്രവര്‍ത്തകനായിരുന്ന അദ്ദേഹം, മെഡിക്കല്‍ കോളേജില്‍ നിന്ന് വിരമിച്ചയുടന്‍ 1993 ല്‍ ഹെല്‍ത്ത് ആക്ഷന്‍ ബൈ പീപ്പിള്‍ എന്ന സന്നദ്ധ സംഘടനയ്ക്ക് തുടക്കമിട്ടു. 16 വര്‍ഷം പിന്നിടുന്ന സംഘടനയുടെ ചെയര്‍മാനായി മരണംവരെ തുടര്‍ന്നു. മികച്ച ഗവേഷകനും അധ്യാപകനുമായ ഡോ. സി.ആര്‍ സോമന്‍ അഞ്ചു ഗവേഷണപ്രബന്ധങ്ങള്‍ പ്രസിദ്ധീകരിച്ചിട്ടുണ്ട്. ക്വിസ് മാസ്റ്റര്‍ എന്ന നിലയിലും അദ്ദേഹം അറിയപ്പെട്ടിരുന്നു.

ഡോ.ഏലിയാമ്മയാണ് ഭാര്യ. മക്കള്‍ രാജീവ് സോമന്‍, രാജേഷ് സോമന്‍.

കടപ്പാട്-മാതൃഭൂമി

ഗലീലിയോ നാടകയാത്ര

2009-11-06T19:38:00.001+05:30

നിലമ്പൂര്‍: ശാസ്ത്രസാഹിത്യ പരിഷത്ത് ശാസ്ത്രവര്‍ഷാഘോഷ പരിപാടികളുടെ ഭാഗമായി സംഘടിപ്പിക്കുന്ന ഗലീലിയോ നാടകയാത്ര 17ന് നിലമ്പൂരില്‍ എത്തും. വൈകീട്ട് ആറിന് ഗവ. യു.പി. സ്‌കൂള്‍ മൈതാനിയില്‍ പരിപാടി അവതരിപ്പിക്കും.

പുസ്തകപ്രചാരണം, ശാസ്ത്രക്ലാസുകള്‍ എന്നിവ നടത്തും. സ്വീകരണ പരിപാടികള്‍ വിജയിപ്പിക്കാന്‍ എം.എ. റസാഖ്, ആര്യാടന്‍ ഷൗക്കത്ത്, പി.ടി. ഉമ്മര്‍(രക്ഷാധികാരികള്‍), നിലമ്പൂര്‍ ആയിഷ(ചെയര്‍ പേഴ്‌സണ്‍), പി.എസ്. രഘുറാം(ജന. കൗണ്‍.) എന്നിവരെ ഉള്‍പ്പെടുത്തി സ്വാഗതസംഘം രൂപവത്കരിച്ചു.

ശാസ്ത്രവണ്ടി കണ്ടോ നിങ്ങൾ?

2009-10-31T09:52:00.000+05:30

ശാ‍സ്ത്ര വർഷത്തിൻറെ ഭാഗമായി കേരളാ ശാസ്ത്ര സാഹിത്യ പരിഷത്ത് സംഘടിപ്പിക്കുന്ന ശാസ്ത്ര വണ്ടി
കേരളത്തിൻറെ നഗര ഗ്രാമ വ്യറ്റ്യാസമില്ലാതെ ശാസ്ത്ര ബോധത്തിൻറെ തീപ്പൊരികൾ ചിതറിച്ച് പര്യടനം തുടരുന്നു.............

മലപ്പുറം: സാധാരണക്കാരിലേക്ക്‌ ശാസ്‌ത്രജ്ഞാനവും ശാസ്‌ത്രബോധവും എത്തിക്കുകയെന്ന ലക്ഷ്യത്തോടെ കേരള ശാസ്‌ത്രസാഹിത്യ പരിഷത്തിന്റെ നേതൃത്വത്തില്‍ സംഘടിപ്പിച്ച ശാസ്‌ത്ര പ്രചാരണ വണ്ടി ജില്ലയില്‍ പര്യടനം പൂര്‍ത്തിയാക്കി. വെള്ളിയാഴ്‌ച പാലപ്പറ്റ, പാണ്ടിക്കാട്‌, കരുവാരക്കുണ്ട്‌, പാലേമാട്‌ എന്നിവിടങ്ങളിലെ സ്വീകരണത്തിനുശേഷം പോത്തുകല്ലിലായിരുന്നു സമാപനം

ശാസ്ത്ര വണ്ടിക്ക് മലപ്പുറത്ത് നൽകിയ സ്വീകരണത്തിൽ നിന്നുള്ള കാഴ്ച്ചകൾ

സ്വീകരണകേന്ദ്രങ്ങൾ(300)

ശാസ്ത്രവണ്ടി കണ്ടോ നിങ്ങൾ?

2009-10-27T18:32:00.000+05:30

ശാ‍സ്ത്ര വർഷത്തിൻറെ ഭാഗമായി കേരളാ ശാസ്ത്ര സാഹിത്യ പരിഷത്ത് സംഘടിപ്പിക്കുന്ന ശാസ്ത്ര വണ്ടി

കേരളത്തിൻറെ നഗര ഗ്രാമ വ്യറ്റ്യാസമില്ലാതെ ശാസ്ത്ര ബോധത്തിൻറെ തീപ്പൊരികൾ ചിതറിച്ച് പര്യടനം തുടരുന്നു.............

ശാസ്ത്ര വണ്ടിക്ക് മലപ്പുറത്ത് നൽകിയ സ്വീകരണത്തിൽ നിന്നുള്ള കാഴ്ച്ചകൾ

സ്വീകരണകേന്ദ്രങ്ങൾ(300)

അനുസരിക്കുന്ന പന്ത്

2009-09-13T19:49:00.000+05:30

സ്‍നേഹപൂര്‍വ്വം ഭൂമി

2009-09-04T21:21:00.000+05:30

ഓര്‍മ്മയുണ്ടെനിക്ക് ആ നാളുകള്‍ …

വ്യവസായ വിപ്ളവത്തിന്റെ നല്ല ദിനങ്ങള്‍ !

പുതിയ യന്ത്രങ്ങളുടെ കണ്ടുപിടുത്തം …

പുതിയ ജീവിത രീതികള്‍ ….

എന്തൊരുണര്‍വ്വായിരുന്നു !

എന്തൊരുത്സാഹമായിരുന്നു !!

എന്റെ ഉള്ളറകളില്‍ നിന്ന് കുഴിച്ചെടുത്ത കല്‍ക്കരിയും എണ്ണയും ഉപയോഗിച്ച് നിങ്ങള്‍ ഇരുമ്പുരുക്കാനും ആവിയന്ത്രം ചലിപ്പിക്കാനും തുടങ്ങി. അറിയാം, ഫോസില്‍ ഇന്ധനങ്ങളെന്നാണ് നിങ്ങളവയെ വിളിക്കുന്നത്.

18 -ാം നൂറ്റാണ്ട് ….

പക്ഷേ എല്ലാം ഇന്നലെ കഴിഞ്ഞതു പോലെ …

പിന്നീട് …..

ജനസംഖ്യ വര്‍ധിച്ചു. നിങ്ങളുടെ ആവശ്യങ്ങള്‍ക്ക് നിയന്ത്രണമില്ലാതായി. കൂടുതല്‍ കൂടുതല്‍ വാഹനങ്ങള്‍ … ഫോസില്‍ ഇന്ധനങ്ങളുടെ അമിത ഉപയോഗം … വികസന പ്രവര്‍ത്തനങ്ങള്‍ …

എല്ലാം എന്നെ മറന്നുള്ളതായിരുന്നു …..

നിങ്ങള്‍ക്കാവശ്യത്തിനുള്ളതെല്ലാം എന്നിലുണ്ടായിരുന്നു. എന്നിട്ടും ചങ്ങാതിമാരേ, നിങ്ങളെന്തേ അത്യാഗ്രഹികളായത് ?

വികിസിത രാജ്യങ്ങള്‍ അമിതമായി പുറത്തു വിട്ട ഗ്രീന്‍ ഹൗസ് വാതകങ്ങള്‍ , ഫോസില്‍ ഇന്ധനങ്ങള്‍ കത്തുമ്പോള്‍ അന്തരീക്ഷത്തിലുണ്ടാകുന്ന കാര്‍ബണ്‍ഡയോക്‍സൈഡ്, ഇവയെല്ലാം ചേര്‍ന്ന് എന്നിലെത്തുന്ന സൂര്യകിരണങ്ങളെ തിരിച്ചു പോകാനനുവദിക്കാതെ അന്തരീക്ഷത്തില്‍ പിടിച്ചു നിര്‍ത്തുന്നു. അതിന്റെ ഫലമോ ? ചൂട് ! അടങ്ങാത്ത ചൂട്! … കാലാവസ്ഥാമാറ്റങ്ങള്‍ !

എന്നാണിതിനൊരവസാനം ?

എന്താണിതിനൊരു പരിഹാരം ?

നിങ്ങള്‍ ചിന്തിക്കണം കൂട്ടുകാരേ.

അഹന്തയും അത്യാഗ്രഹവുമുപേക്ഷിച്ച് ധനിക ദരിദ്രഭേദമന്യേ എല്ലാ രാജ്യങ്ങളും ഇതിനു വേണ്ടി പ്രവര്‍ത്തിക്കണം.

അന്തരീക്ഷ മലിനീകരണത്തിനിടയാക്കാത്ത ഊര്‍ജ്ജസ്രോതസ്സുകള്‍ കണ്ടെത്താനും ഉപയോഗിക്കാനുമാവശ്യമായ പ്രവര്‍ത്തനങ്ങളിലേര്‍പ്പെടണം. കൂടുതല്‍ കൂടുതല്‍ മരങ്ങള്‍ വെച്ചു പിടിപ്പിക്കണം... ഇല്ലെങ്കില്‍ …...

അല്ല, എനിക്കു വിശ്വാസമുണ്ട്. നിങ്ങള്‍ ശാസ്ത്രബോധമുള്ള കുഞ്ഞുങ്ങളാണ്. വളരുമ്പോള്‍ ഈ പ്രശ്നങ്ങള്‍ക്കെല്ലാം നിങ്ങള്‍ പരിഹാരം കാണും. കാരണം നിങ്ങളെന്നെ സ്‍നേഹിക്കുന്നുണ്ട്. ഒരു പാട് ! ഒരുപാടൊരുപാട് !!

സ്‍നേഹപൂര്‍വ്വം ഭൂമി

അനിത സി കെ

യുറീക്ക 2009 ആഗസ്റ്റ് 1 ലക്കം

വായിക്കുക വരിക്കാരാകുക
യുറീക്ക, ശാസ്‍ത്ര കേരളം, ശാസ്‍ത്രഗതി

കരുനാഗപ്പള്ളി മേഖല മാസിക ക്യാമ്പൈനില്‍ ചരിത്രം ആവര്‍ത്തിക്കുന്നു....

2009-08-21T09:37:00.000+05:30

കരുനാഗപ്പള്ളി: യുറിക്ക, ശാസ്ത്രകേരളം, ശാത്രഗതി വരിക്കാരെ ചേര്‍ക്കുന്നതില്‍ കരുനാഗപ്പള്ളി മേഖല ചരിത്രം ആവര്‍ത്തിക്കുന്നു. മുന്‍വര്‍ഷങ്ങളിലെ പോലെ ഈ വര്‍ഷവും ആയിരതിലതികം വാര്‍ഷിക വരിക്കാരെ ചേര്‍ത്തുകൊണ്ട് സംസ്ഥാനത്ത് ഒന്നാം സ്ഥാനം നിലനിര്‍ത്തി.

അബുദാബിയില്‍ യുദ്ധവിരുദ്ധ സെമിനാര്‍ നടന്നു.

2009-08-12T14:50:00.001+05:30

ഹിരോഷിമ, നാഗസാക്കി ദിനങ്ങളെ ഓര്‍മ്മിച്ചുകൊണ്ട് ആഗസ്റ്റ് 7 ന് അബുദാബി ചാപ്റ്ററിന്റെ ആഭിമുഖ്യത്തില്‍, അബുദാബി കെ.എസ്.സി.യില്‍ നടന്നു. സെമിനാര്‍ ശാസ്ത്രസാഹിത്യ പരിഷത്തിന്റെ സംസ്ഥാനക്കമ്മിറ്റിയംഗവും, സംസ്ഥാന ബാലവേദി കണ്‍‌വീനറുമായ ശ്രീ. രാജശേഖരന്‍ ഉല്‍ഘാടനം ചെയ്തു.

‘യുദ്ധത്തിന്റെ രാഷ്ട്രീയം’ എന്ന വിഷയം രാജീവ് ചേലനാട്ടും, ‘യുദ്ധവും മാധ്യമങ്ങളും’ എന്ന വിഷയം ടി.പി.ഗംഗാധരനും അവതരിപ്പിച്ചു. അബുദാബി ചാപ്റ്റര്‍ പ്രസിഡണ്ട് ഷെഫീക് അദ്ധ്യക്ഷത വഹിച്ച സെമിനാറില്‍ 35-പേര്‍ പങ്കെടുത്തു. ചര്‍ച്ചയില്‍ പങ്കെടുത്തുകൊണ്ട് വേലായുധന്‍, സുനീര്‍, ധനേഷ്, പ്രദോഷ്, ഇക്ബാല്‍ എന്നിവര്‍ സംസാരിച്ചു. ജ്യോതിഷ് ശാന്തിഗീതമാലപിക്കുകയും, വൈസ് പ്രസിഡണ്ട് മഹേഷ് നന്ദിയും പറഞ്ഞു.

സെമിനാറിന്റെ ഭാഗമായി, വിവിധ പത്രങ്ങളില്‍ വന്ന യുദ്ധഭീകരതയുടെ ദൃശ്യങ്ങളുടെ പ്രദര്‍ശനവുമുണ്ടായിരുന്നു.

യുദ്ധ വിരുദ്ധ സെമിനാര്‍ - അബൂദാബിയില്‍

2009-08-06T14:27:00.000+05:30

1945 ആഗസ്റ്റ് ആറിന് അമേരിക്കയുടെ “ലിറ്റില്‍ ബോയ്” എന്ന ഓമനപ്പേരില്‍
അറിയപ്പെടുന്ന ആറ്റം ബോംബ് ഹിരോഷിമയില്‍ 140,000 പേരേയും,
ആഗസ്റ്റ് ഒന്‍പതിന് നാഗസാക്കിയില്‍ “ഷാറ്റ് മാന്‍” 80,000 പേരേയുമാണ്
നിമിഷനേരം കൊണ്ട് ചാരം പോലും അവശേഷിപ്പിക്കാതെ
ഭൂമുഖത്ത് നിന്ന് ആവിയാക്കി കളഞ്ഞത്,
ജന്തു സസ്യ ജാലങ്ങളുടെ കണക്കുകള്‍ പുറമെ...

ഈ ദിനങ്ങളെ ഓര്‍മ്മിപ്പിച്ചുകൊണ്ട്
ആഗസ്റ്റ് 7 വെള്ളിയാഴ്ച വൈകീട്ട് 6 മണിക്ക്,
അബുദാബി കേരള സോഷ്യല്‍ സെന്ററില്‍ വെച്ച്
ഫ്രണ്ട്സ് ഓഫ് കേരള ശാസ്ത്രസാഹിത്യ പരിഷത്
യുദ്ധവിരുദ്ധ സെമിനാര്‍ സംഘടിപ്പിക്കുന്നു.

യുദ്ധം തുടര്‍കഥയാവുകയും
യുദ്ധത്തിന്റെ രൂപത്തിലും ഭാവത്തിലും മാറ്റം വരികയും,
യുദ്ധമുതലാളിമാരുടെ എണ്ണം വര്‍ദ്ധിക്കുകയും ചെയ്യുന്നു.
ലോകം മുഴുവനുമുള്ള വിഭവങ്ങള്‍ വെട്ടിപ്പിടിക്കാന്‍
വെമ്പല്‍കൊള്ളുന്ന സാമ്രാജ്യത്വം വിഭവങ്ങള്‍ കുന്നുകൂട്ടുകയും
അതിനെതിരെ നില്‍ക്കുന്ന
രാജ്യങ്ങളെ അനാവശ്യ യുദ്ധങ്ങളിലേക്ക്
വലിച്ചിഴക്കുകയും ചെയ്യുന്നു.

ഇനിയൊരു യുദ്ധം വേണ്ട ...
ഹിരോഷിമകളിനി വേണ്ട ...
നാഗസാക്കികളിനി വേണ്ട ...
പട്ടിണികൊണ്ടു മരിക്കും കോടി കുട്ടികളലമുറ കൊള്‍കേ ...
കോടികള്‍ കൊണ്ടും ബോംബുണ്ടാക്കാന്‍ കാടന്മര്‍ക്കേ കഴിയൂ ...
....
....
ഇനിവേണ്ട ഇനിവേണ്ട
ഇനിയൊരു യുദ്ധം വേണ്ടിവിടെ ...

വിഷയാവതരണം :
1. രാജീവ് ചേലനാട്ട് (യുദ്ധത്തിന്റെ രാഷ്ട്രീയം)
2. ടി.പി.ഗംഗാധരന്‍ (യുദ്ധവും മാധ്യമങ്ങളും)

സെമിനാറിലേക്ക് എല്ലാവരെയും സ്നേഹപൂര്‍വ്വം ക്ഷണിച്ചുകൊള്ളുന്നു...

അഭിവാദനങ്ങളൊടെ
ഫ്രണ്ട്സ് ഓഫ് കെ.എസ്.എസ്.പി,
അബൂദാബി ചാപ്റ്റര്‍.

പ്രസിഡണ്ട്
ഷഫീക്

കോര്‍ഡിനേറ്റര്‍
കുഞ്ഞൈല്ലത്ത് ലക്ഷ്മണന്‍

ബാലവേദി പ്രവര്‍ത്തക ക്യാമ്പ് - ഷാര്‍ജ.

2009-08-06T10:42:00.001+05:30

ജൂലൈ 31-ന് നടന്ന ബാലവേദി പ്രവര്‍ത്തക ക്യാമ്പ്, യു.എ.യി-ലെ പരിഷത്ത് പ്രവര്‍ത്തകരെ സംബന്ധിച്ചിടത്തോളം പുത്തനൊരനുഭവമായിരുന്നു. പ്രവര്‍ത്തകരെ ഇത്രമാത്രം ആവേശഭരിതമാക്കിയ പരിപാടി ഫ്രണ്ട്സ് ഓഫ് കെ.എസ്.എസ്.പി.യുടെ ചരിത്രത്തിലാദ്യമാണ്.
35 പ്രവര്‍ത്തകരുമായി രാവിലെ 10 മണിക്കാരംഭിച്ച
ക്യാമ്പിന് സംസ്ഥാന ബാലവേദി കണ്‍‌വീനറായ രാജശേഖരന്‍ നേതൃത്വം നല്‍കി.
ബാലവേദി പ്രവര്‍ത്തനത്തിന്റെ പ്രാധാന്യത്തെക്കുറിച്ചും, പുതിയ സാഹചര്യങ്ങള്‍ക്കനുസരിച്ച്, മാറ്റങ്ങള്‍ ഉള്‍ക്കൊണ്ട് ബാലവേദി പ്രവര്‍ത്തനം നടത്തേണ്ടതിനെക്കുറിച്ചും അദ്ദേഹം ക്യാമ്പങ്ങളെ ബോധ്യപ്പെടുത്തി.

തുടര്‍ന്ന് നജീം.കെ.സുല്‍ത്താന്‍ ലഘുപരീക്ഷണങ്ങളിലൂടെ വലിയ ശാസ്ത്രതത്വങ്ങള്‍ ലളിതമായി ബോധ്യപ്പെടുത്തിയത് ക്യാമ്പങ്ങളെ അക്ഷരാര്‍ത്ഥത്തില്‍ അമ്പരപ്പിച്ചു.
കുട്ടികളിലും മുതിര്‍ന്നവരിലും ശാസ്ത്രാഭിരുചി വളര്‍ത്താനുതകുന്നവയുമായിരുന്നു ഈ പരീക്ഷണങ്ങള്‍.
ഏകാഗ്രതയും ശ്രദ്ധയും അളക്കുവാനുള്ള ചില പ്രയോഗങ്ങളുമായാണ് ഉദയന്‍ കുണ്ടംകുഴിയെത്തിയത്. ചുരുങ്ങിയ ചില നമ്പറുകളിലൂടെ ക്യാമ്പങ്ങള്‍ക്ക് തങ്ങളുടെ ഏകാഗ്രതയും ശ്രദ്ധയും എത്രമാത്രമുണ്ടെന്ന് ബോധ്യപ്പെടുത്തുവാന്‍ കഴിഞ്ഞു. വായ്ത്താരികളും നാടന്‍ പാട്ടുകളും എല്ലാ ക്യാമ്പങ്ങളും ആവേശത്തോടെ ഏറ്റുപാടി.

ഉച്ചക്ക് ശേഷം നടന്ന ബാലവേദിയില്‍ 45 കൂട്ടുകാര്‍ പങ്കെടുത്തു.
തുടര്‍ന്ന് നടന്ന രക്ഷിതാക്കളുടെയും കൂട്ടുകാരുടെയും യോഗത്തില്‍, ഡോഃഅബ്ദുള്‍ ഖാദര്‍ യുദ്ധം വരുത്തിവെക്കുന്ന വിനകളെക്കുറിച്ചും, സമാധാനത്തിലൂന്നിയ ഒരു പുതുലോകത്തിനായി നാമോരുരുത്തരും പ്രവര്‍ത്തിക്കേണ്ടതിനെ ക്കുറിച്ചും ഒരു ലഘുപ്രഭാഷണം നടത്തി. ജപ്പാനിലെ ഹിരോഷിമ അണു ബോംബ് വര്‍ഷത്തിലെ രക്തസാക്ഷി സാഡാക്കോ സസാക്കിയുടെ കഥ രാജശേഖരന്‍ പറഞ്ഞു കൊടുത്തത് കൂട്ടുകാര്‍ സാകൂതം കേട്ടിരിക്കുകയും, തുടര്‍ന്ന് ശാന്തിഗാനം പാടിയപ്പോള്‍ എല്ലാവരും കൂടെ പാടി ... സമാധാനലോകത്തിനായി ഐക്യദാര്‍ഢ്യം പ്രഖ്യാപിക്കയും ചെയ്തുകൊണ്ട് ആവേശകരമായ ബാലവേദി പ്രവര്‍ത്തക ക്യാമ്പിന് സമാപനമായി.
വേനലവധിക്കാലത്ത് അബുദാബി കെ.എസ്.എസി. സംഘടിപ്പിച്ച കുട്ടികളുടെ ക്യാമ്പില്‍ പങ്കെടുക്കുവാനാണ് രാജശേഖരനും, നജീമും, ഉദയനും യു.എ.ഇ-യില്‍ എത്തിയത്.

ബാലവേദി പ്രവര്‍ത്തക ക്യാമ്പ്

2009-07-29T09:51:00.001+05:30

സുഹൃത്തേ,

ബാലവേദി രംഗത്തെ പ്രവര്‍ത്തനങ്ങള്‍
കൂടുതല്‍ മെച്ചപ്പെടുത്തുന്നതിന്റെ ഭാഗമായി
ഒരു ബാലവേദി പ്രവര്‍ത്തക ക്യാമ്പ്
സംഘടിപ്പിക്കുന്ന വിവരം അറിയിക്കുന്നതില്‍ സന്തോഷമുണ്ട്.

ഷാര്‍ജ എമിരേറ്റ്സ് നാഷ്ണല്‍ സ്കൂളില്‍
ജൂലൈ 31നു വെള്ളിയാഴ്ച
രാവിലെ 9.30 മുതല്‍ ഉച്ചക്ക് 2 മണി വരെ
നടക്കുന്ന ക്യാമ്പിന് നേതൃത്വം നല്‍കുന്നത്
പരിഷത്തിന്റെ സംസ്ഥാനക്കമ്മിറ്റിയംഗവും,
സംസ്ഥാന ബാലവേദി കണ്‍‌വീനറുമായ
ശ്രീ. രാജശേഖരനാണ്.

കൂടാതെ
ശ്രീ. നജീം.കെ.സുല്‍ത്താനും, ശ്രീ. ഉദയന്‍ കുണ്ടംകുഴിയും
ഈ ക്യാമ്പില്‍ മുഴുവന്‍ സമയവും പങ്കെടുക്കുന്നതാണ്.

യുദ്ധവിരുദ്ധ ദിനാചരണത്തിന്റെ ഭാഗമായി
വൈകീട്ട് 3 മണി മുതല്‍ 5.30 മണി വരെ ബാലവേദിയും
5.30മുതല്‍ 6മണി വരെ പ്രഭാഷണവും ഉണ്ടായിരിക്കുന്നതാണ്.

പ്രവര്‍ത്തക ക്യാമ്പിലും, ബാലവേദിയിലും
താങ്കളുടെ മുഴുവന്‍ സമയ സാന്നിദ്ധ്യം പ്രതീക്ഷിച്ചുകൊണ്ട്.

പാരിഷത്തികാഭിവാദനങ്ങളോടെ

പ്രസിഡണ്ട്,
മുഹമ്മദ് ഇക്ബാല്‍
050-8630977

കോ-ഓര്‍ഡിനേറ്റര്‍,
ഐ.പി.മുരളി
050-6764556

2009-07-27T14:27:00.000+05:30

ഐ ആര്‍ ടി സി , 25.07.2009: ഇന്‍ഫര്‍മേഷന്‍ ടെക് നോളജിയുടെ സധ്യതകള്‍ പരിഷത്ത്‌ പ്രവര്‍ത്തനങ്ങളില്‍ ഉപയോഗപ്പെടുത്തുക എന്ന ലക്ഷ്യത്തോടെ സ്വതന്ത്ര സോഫ്റ്റ്‌ വറിന്റെ സഹായത്തോടെ എങ്ങനെ പ്രാവര്‍ത്തികമാക്കാം എന്ന വിഷയത്തിലൂന്നി സഘദിപ്പിച്ച ശില്പശാല ഐ ആര്‍ ടി സി ഡയരക്ടര്‍ പ്രൊഫ കെ ശ്രീധരന്‍ ഉദ്ഘാടനം ചെയ്തു. ശ്രീ പി എസ്‌ രാജശേഖരന്‍ , ജനറല്‍ സെക്രടറി വി വിനോദ് , പ്രസിഡണ്ട്‌ കാവുമ്പായി ബാലകൃഷ്ണന്‍ എന്നിവര്‍ സംസാരിച്ചു. പരിഷത്തിന്റെ വെബ് സൈറ്റ് എങ്ങനെ വിപുലപ്പെടുത്താം , എങ്ങനെ ജനങ്ങളിലെക്കെതിക്കം എന്ന വിഷയത്തില്‍ ശ്രീ വിമല്‍ ജോസഫ്‌ ക്ലാസ്സെടുത്തു .തുടര്‍ന്ന്‍ വി കെ ആദര്‍ശ്‌ , നവനീത്‌ കൃഷ്ണന്‍ എന്നിവര്‍ ബ്ലോഗ് നിര്‍മ്മാണം അവയുടെ പ്രവര്‍ത്തനങ്ങള്‍ എന്നിവ വിശദീകരിച്ചു.

26.07.2009: രാവിലെ ഐ ടി @ സ്കൂള്‍ എന്ന വിഷയം എ ആര്‍ മുഹമ്മദ്‌ അസ്ലം അവതരിപ്പിച്ചു.
തുടര്‍ന്ന് സ്വതന്ത്ര സോഫ്റ്റിന്റെ ഉപയോഗത്തെ കുറിച്ചു അനിലും സ്വതന്ത്ര സോഫ്റ്റ്‌വെയര്‍ ഇന്‍സ്ടലഷ്നെ കുറിച്ച് രഞ്ജിത്തും ക്ലാസ്സുകള്‍ കൈകാര്യം ചെയ്തു.

ഷാര്‍ജ ചങ്ങാതിക്കൂട്ടം 2009

2009-07-13T17:58:00.000+05:30

ഫ്രണ്ട്സ് ഓഫ് കെ.എസ്.എസ്.പി, ഷാര്‍ജ എമിറേറ്റ്സ് നാഷ്ണല്‍ സ്കൂളില്‍ സംഘടിപ്പിച്ച ചങ്ങാതിക്കൂട്ടത്തില്‍ 115 കൂട്ടുകാര്‍ പങ്കെടുത്തു. വെള്ളിയാഴ്ച രാവിലെ 10 മണിക്കാരംഭിച്ച ചങ്ങാതിക്കൂട്ടം വൈകീട്ട് 6 മണിക്ക് കൂട്ടുകാര്‍ രൂപപ്പെടുത്തിയ നാടകത്തോടെയാണവസാനിച്ചത്. കളിമൂല, ശാസ്ത്രമൂല, അഭിനയമൂല, കരകൌശലമൂല എന്നീ വിഭാഗങ്ങളിലെ വിജ്ഞാനവും വിനോദവും കോര്‍ത്തിണക്കിയ പരിപാടികള്‍ കൌമാര പ്രായക്കാര്‍ നിറഞ്ഞാസ്വദിച്ചു. തിരഞ്ഞെടുക്കപ്പെട്ട കൂട്ടുകാര്‍ ചങ്ങാതിക്കൂട്ടത്തെ ആസ്പദമാക്കി തയ്യാറാക്കിയ ‘ചങ്ങാത്ത വാര്‍ത്ത’, ’കുരുന്നു വേദി‘ എന്നീ പത്രങ്ങള്‍ സമാപന ചടങ്ങില്‍ പങ്കെടുത്ത രക്ഷാകര്‍ത്തക്കളുടെ പ്രശംസ പിടിച്ചുപറ്റി. ഷാര്‍ജയിലെ വ്യവസായ പ്രമുഖനായ ശ്രീ.സബാ ജോസഫിന്റെ സാന്നിദ്ധ്യം ശ്രദ്ധേയമായിരുന്നു. പത്രപ്രവര്‍ത്തകനായ ശ്രീ. ചാര്‍ളി ബഞ്ചമിന്‍ പത്രനിര്‍മ്മാണത്തിന്റെ സാങ്കേതിക വശങ്ങള്‍ കൂട്ടുകാര്‍ക്ക് വിശദീകരിച്ചു കൊടുത്തു.

ഭാസ്കരന്‍ മാസ്റ്റര്‍ക്ക് ആദരാഞ്ജലികള്‍

2009-07-05T20:34:00.000+05:30

ദീര്‍ഘകാലം കേരള ശാസ്‌ത്രസാഹിത്യപരിഷത്ത്‌ കണ്ണൂര്‍ ജില്ലാകമ്മിറ്റി അംഗവും ചെറുകുന്ന്‌ ഗവ.വെല്‍ഫെയര്‍ ഹൈസ്‌കൂള്‍ റിട്ട. പ്രധാനാധ്യാപകനുമായിരുന്ന കവിണിശ്ശേരിയിലെ കെ. ഭാസ്കരന്‍ മാസ്റ്റര്‍ (61) അന്തരിച്ചു. ഭാര്യ: തങ്കമണി (അധ്യാപിക മാടായി ഗവ.ബോയ്‌സ്‌ ഹൈസ്‌കൂള്‍). മക്കള്‍: സമിത (ഹൗസ്‌ സര്‍ജന്‍സി പരിയാരം ആയുര്‍വേദ കോളേജ്‌).

ശാസ്‌ത്രവര്‍ഷ പഠനക്കളരി

2009-07-04T15:58:00.000+05:30

ശാസ്‌ത്രസാഹിത്യപരിഷത്ത്‌ മേഖലാ കമ്മിറ്റി ശാസ്‌ത്രവര്‍ഷ പഠനക്കളരി നടത്തി. ജില്ലാ സെക്രട്ടറി പി.വി.ദിവാകരന്‍ ഉദ്‌ഘാടനംചെയ്‌തു. എം.സി.മുരളീധരന്‍ അധ്യക്ഷനായി. പവിത്രന്‍ തലശ്ശേരി, സതീശന്‍ ശിവപുരം, കെ.വിനോദ്‌കുമാര്‍, പി.കെ.സുധാകരന്‍, ബിജു എന്നിവര്‍ സംസാരിച്ചു.

ഷാര്‍ജ ചങ്ങാതിക്കൂട്ടത്തിലേക്ക് എല്ലാവര്‍ക്കും സ്വാഗതം

2009-07-02T09:52:00.001+05:30

ശാസ്ത്രസാഹിത്യ പരിഷത്തിന്റെ വ്യത്യസ്തങ്ങളായ നിരവധി പ്രവര്‍ത്തനങ്ങളില്‍ ഏറ്റവും പ്രധാനപ്പെട്ട ഒന്നണ് ബാലവേദി. കുട്ടികളെ ശാസ്ത്രബോധമുള്ളവരാക്കാനും അവരുടെ പഠനത്തില്‍ സഹായിച്ചുകൊണ്ട് കൂടുതല്‍ നല്ല അന്വേഷകരാകാനും, പരസ്പര സ്നേഹവും, ത്യാഗമനോഭാവവും വളര്‍ത്തി സമൂഹത്തിന്റെ നന്മക്ക് വേണ്ടി പ്രവര്‍ത്തിക്കാനുള്ള ആവേശം നല്‍കാനും ബാലവേദികള്‍ക്ക് കഴിഞ്ഞിട്ടുണ്ട്. എന്നാല്‍ പ്രവാസികളായ കുട്ടികളെ സംബന്ധിച്ചിടത്തോളം ഇത് വളരെ അന്യമായ ഒരു മേഖലയായണ് അനുഭവം. ഗള്‍ഫിലെ പ്രത്യേക സാഹചര്യങ്ങളില്‍ ബാലവേദി പ്രവര്‍ത്തനം വളരെ പരിമിതമാണ്, എങ്കിലും കഴിഞ്ഞ അഞ്ചു വര്‍ഷമായി അബുദാബി, ദുബായ്, ഷാര്‍ജ എന്നിവിടങ്ങളില്‍, ഫ്രണ്ട്സ് ഓഫ് കെ.എസ്.എസ്.പി. സംഘടിപ്പിച്ചു വരുന്ന വേനലവധിക്കാലത്തെ ഏകദിന ബാലവേദി ക്യാമ്പ് 'ചങ്ങാതിക്കൂട്ടം' ഇതിനകം തന്നെ രക്ഷിതാക്കളുടെയും, കുട്ടികളുടെയും ശ്രദ്ധപിടിച്ചു പറ്റിയിട്ടുണ്ട്.

ചാള്‍സ് ഡാര്‍വ്വിന്റെ ഇരുനൂറാം ജന്മവാര്‍ഷികവും അദ്ദേഹത്തിന്റെ ഒറിജിന്‍ ഓഫ് സ്പീഷിസ് എന്ന പുസ്തകത്തിന്റെ നൂറ്റിഅമ്പതാം വാര്‍ഷികവും, ഗലീലിയോ ടെലിസ്കോപ്പിന്റെ നാനൂറാം വാര്‍ഷികവും, ഹോമി ജെ ഭാഭയുടെ നൂറാം ജന്മവാര്‍ഷികവും ജെ.സി.ബോസിന്റെ നൂറ്റിഅമ്പതാം ജന്മവാര്‍ഷികവും ഒത്തുചേര്‍ന്ന് വരുന്ന 2009 ലെ ചങ്ങാതിക്കൂട്ടം ജൂലൈ 10 – ന് വെള്ളിയാഴ്ച്ച ഷാര്‍ജ എമിരേറ്റ്സ് നാഷ്ണല്‍ സ്കൂളില്‍ വെച്ച് രാവിലെ 9മുതല്‍ വൈകീട്ട് 5 വരെ നടത്തുകയാണ്.

ഡാര്‍വ്വിന്റെയും ഗലീലിയോയുടെയും കെപ്ലറുടെയും ഭാഭയുടെയും ഒക്കെ ജീവിതാനുഭവങ്ങളില്‍ നിന്ന്, ഇന്നു ശാസ്ത്രവും, സമൂഹവും നേരിടുന്ന വെല്ലുവിളികളെ അതിജീവിക്കാന്‍ സഹായിക്കുന്ന നിരവധി സൂചനകള്‍ നമുക്ക് കിട്ടുന്നുണ്ട്. അതുകൊണ്ട് തന്നെ അവരുടെ ജീവിതത്തിന്റെയും പ്രവര്‍ത്തനങ്ങളുടെയും അവര്‍ നേരിട്ട വെല്ലുവിളികളുടെയും വിശദവിവരങ്ങള്‍ സമൂഹത്തിലെത്തിക്കുവാന്‍ ഈ അവസരം പ്രയോജനപ്പെടു ത്തേണ്ടതുണ്ട്. സാധാരണ ഗതിയില്‍ ഇവരുടെ ശാസ്ത്ര സംഭാവനകള്‍ അക്കമിട്ടു കണാപ്പാഠം പഠിക്കുക മാത്രമായി നമ്മുടെ ശാസ്ത്രപഠനം ഒതുങ്ങിപോകാറുണ്ട്. അതിനപ്പുറം കടന്ന് അവര്‍ എങ്ങിനെയുള്ള മനുഷ്യരായിരുന്നു, അവര്‍ എങ്ങിനെയാണ് ശാസ്ത്രത്തിന്റെ വഴി തെരെഞ്ഞെടുത്തത്, അതില്‍ അവര്‍ നേരിട്ട എതിര്‍പ്പുകളും തടസ്സങ്ങളും എന്തൊക്കെയായിരുന്നു, അവരുടെ കണ്ടെത്തലുകളെ സമൂഹം എങ്ങിനെയാണ് സ്വീകരിച്ചത്, അവയെ അവര്‍ എങ്ങിനെ മറികടന്നു, അവരുടെ പ്രവര്‍ത്തനം സമൂഹത്തെ എങ്ങനെയാണ് മാറ്റിമറിച്ചത് എന്നിവയൊക്കെ ഈ രംഗത്തു മുന്നോട്ടുപോകാന്‍ ഓരോ ശാസ്ത്രകുതുകിയേയും സഹായിക്കുന്ന അറിവുകളാണ്.

... ചങ്ങാതിക്കൂട്ടത്തിലേക്ക് എല്ലാവര്‍ക്കും സ്വാഗതം ...

ഈ ഏകദിന ബാലോത്സവത്തില്‍ പങ്കെടുക്കുവാനും,
കൂടുതല്‍ വിവരങ്ങള്‍ക്കും ബന്ധപ്പെടുക
050-4550751 ഷോബിന്‍
050-4889076/06-5329014 അഞ്ജലി

ജൂണ്‍ 5 ലോക പരിസരദിനം

2009-06-15T10:27:00.001+05:30

അഞ്ചാം വാര്‍ഷിക റിപ്പോര്‍ട്ടിന്റെ ആമുഖം

2009-06-09T18:55:00.001+05:30

കേരള ശാസ്ത്ര സഹിത്യ പരിഷത്തിന്റെ യു.എ.ഇ. ഘടകമായ ഫ്രണ്ട്സ് ഒഫ് കേരള
ശാസ്ത്രസഹിത്യ പരിഷത്തിന്റ അഞ്ചാം വാര്‍ഷിക സമ്മേളനത്തില്‍ പങ്കെടുക്കുന്ന
മുഴുവന്‍ പ്രവര്‍ത്തകരെയും സംഘടനാക്കമ്മിറ്റിക്കുവേണ്ടി അഭിവാദ്യം
ചെയ്യുന്നു.

ജോലി, വരുമാനം, നിയമ പരിമിതികള്‍ക്കുള്ളില്‍ മാത്രം തളച്ചിടപ്പെട്ട ഗള്‍ഫ്
ജീവിതത്തില്‍ സാമൂഹ്യ പ്രവര്‍ത്തനങ്ങളുടെ സാധ്യതകള്‍ പരിമിതമാണെന്ന്
പ്രത്യേകം പരാമര്‍ശിക്കേണ്ടതില്ല. ജനാധിപത്യത്തിന്റെ സജീവതകളില്‍ പോലും,
ആയാസകരമായ വഴികള്‍ മാത്രം സാദ്ധ്യമായ, ജനകീയ ശാസ്ത്ര പ്രസ്ഥാനങ്ങള്‍ക്ക്
വ്യാപാരാധിഷ്ഠിതമായ സമൂഹത്തിലെ ഇടപെടല്‍ സാധ്യതകള്‍ തീര്‍ത്തും
പരിമിതമാണ്. എങ്കിലും പഠന, ബാലവേദി, പരിസ്ഥിതി പ്രവര്‍ത്തനങ്ങളിലൂടെ
യു.എ.ഇ-യിലെ മലയാളി സമൂഹത്തില്‍ സജീവ സാന്നിധ്യം അടയാളപ്പെടുത്താന്‍
പരിഷത്തിന് കഴിയുന്നുവെന്നത് ആഹ്ലാദകരമാണെന്ന് വിനയപൂര്‍വ്വം
രേഖപ്പെടുത്തട്ടെ.

സഹജീവികളുടെ അദ്ധ്വാനം ചൂഷണം ചെയ്ത്, സമ്പത്തിന്റെ ധാരളിത്തം
നിര്‍മ്മിച്ചെടുത്ത്, ഊഹക്കച്ചവടത്തിലഭിരമിക്കുന്ന സമ്പദ്‌വ്യവസ്ഥ ഇന്ന്
സ്വയം നിര്‍മ്മിച്ച പരിമിതികള്‍ക്കു മുന്‍പില്‍ പകച്ചു നില്‍ക്കുന്നു.
അദ്ധ്വാനിക്കുന്നവന്റെ നികുതി പണം കൊണ്ട് ഊഹക്കച്ചവടത്തിന്റെ, കൃത്യമായി
പറഞ്ഞാല്‍ ചൂതാട്ടത്തിന്റെ, നഷ്ടം നികത്തുന്ന വിചിത്രവും മനുഷ്യത്വ
രഹിതവുമായ ചികിത്സകള്‍ പോലും ഫലപ്രദമാകാത്ത വിധത്തില്‍ സമ്പദ്‌വ്യവസ്ഥ
മുതലക്കൂപ്പ്കുത്തുന്ന കാഴ്ച്ച ലോകം അമ്പരപ്പോടെ ദര്‍ശിക്കുന്നു.
പാപ്പരാകുന്ന സമ്പദ്‌വ്യവസ്ഥ തൊഴില്‍ മേഖലകളില്‍ ഏല്പിക്കുന്ന ആഘാതം
ചെറുതല്ല. യു.എ.ഇ-യിലും ജോലി നഷ്ടപ്പെടുന്നവരുടെ എണ്ണം പ്രതിദിനം
വര്‍ദ്ധിക്കുകയാണ്. സ്വാഭാവികമായും മലയാളികളും പ്രതിസന്ധി നേരിടുന്നു.
സാമ്പത്തികമാന്ദ്യം സാമൂഹ്യ, സംഘടനാ പ്രവര്‍ത്തന ത്തേയും
നിര്‍ജ്ജീവമാക്കുന്നു. ഫലപ്രദമായ നിയമങ്ങളാല്‍ നിയന്ത്രിക്കപ്പെടുന്ന
വിപണികളില്‍ മാന്ദ്യത്തിന്റെ തോത് ഗണനീയമാം വിധം പരിമിതമാണെന്നത് സവിശേഷ
ശ്രദ്ധയര്‍ഹിക്കുന്നു. പൊതുമേഖലാ ബാങ്കുകള്‍ സജീവസാന്നിദ്ധ്യമായ ഇന്ത്യന്‍
സമ്പദ്‌വ്യവസ്ഥ, സാമ്പത്തിക മാന്ദ്യത്തെ ചെറുത്ത് നില്‍ക്കുന്നുവെന്ന
കാര്യം ഉദാഹരണം. എല്ലാം സ്വതന്ത്രമാക്കുന്ന, എല്ല്ലാത്തിനെയും
തുറന്നുവിടുന്ന വിപണിമൂലധന വ്യവസ്ഥ ശാശ്വതമല്ലെന്ന വീക്ഷണത്തിന്
യാഥാര്‍ത്ഥ്യത്തിന്റെ കൈയൊപ്പ്.

നാളിതുവരെയുള്ള മനുഷ്യചരിത്രം പ്രകൃതിയിലും, സമൂഹത്തിലുമുള്ള
ഇടപെടലുകളുടെയും മാറ്റിതീര്‍ക്കലിന്റെയുമാണ്. ഇടപെടലുകള്‍ക്കും,
നിര്‍മ്മിതികള്‍ക്കും, മാറ്റിത്തീര്‍ക്കലുകള്‍ക്കും ചാലക ശക്തിയാകുന്നത്
അറിവും അറിവിന്റെ കൃത്യമായ പ്രയോഗവു മാണ്. പഠനത്തിലൂടെയും
അനുഭവത്തിലൂടെയും മാത്രമേ അറിവ് സമാഹരിക്കാനാവൂ. ശ്രദ്ധാപൂര്‍വ്വമായ,
പഠനത്തിലൂന്നിയ സജീവ പ്രവര്‍ത്തനങ്ങളിലൂടെ നമുക്ക് സംഘടനയേയും സമൂഹത്തേയും
പരിവര്‍ത്തനപ്പെടുത്തേണ്ടതുണ്ട്. സാമൂഹീക ഇടപെടലുകള്‍ക്ക് പരിമിത മായ
തലത്തിലെങ്കിലും പ്രചോദനമാകുമെന്ന വിശ്വാസത്തോടെ, സജീവവും പാരിഷത്തീകവുമായ
ചര്‍ച്ചകളും വിമര്‍ശനങ്ങളും സ്വാഗതം ചെയ്തുകൊണ്ട് 2008-09 പ്രവര്‍ത്തന
വര്‍ഷത്തെ റിപ്പോര്‍ട്ട് സമര്‍പ്പിക്കുന്നു.

കുട്ടികളെ പൊതു വിദ്യാലയങ്ങളില്‍ ചേര്‍ക്കണം - പരിഷത്ത്‌

2009-05-31T08:29:00.000+05:30

എടപ്പാള്‍: കുട്ടികളെ പൊതുവിദ്യാഭ്യാസ സ്ഥാപനങ്ങളില്‍ ചേര്‍ത്തുകൊണ്ട്‌ രാഷ്ട്രീയ-പൊതുപ്രവര്‍ത്തകര്‍ മാതൃക കാണിക്കണമെന്ന്‌ ശാസ്‌ത്ര സാഹിത്യ പരിഷത്ത്‌ പൊന്നാനി മേഖലാ കമ്മിറ്റി ആവശ്യപ്പെട്ടു.

അംഗീകാരമില്ലാത്ത വിദ്യാലയങ്ങളില്‍ കുട്ടികളെ ചേര്‍ത്ത്‌ കുട്ടികളുടെ ഭാവി തകരാതിരിക്കാന്‍ രക്ഷിതാക്കള്‍ ജാഗ്രത പാലിക്കണമെന്നും സംശയങ്ങള്‍ക്ക്‌ സര്‍ക്കാര്‍ വെബ്‌സൈറ്റോ സി.ബി.എസ്‌.ഇ.വെബ്‌ സൈറ്റോ പരിശോധിക്കണമെന്നും യോഗം ആവശ്യപ്പെട്ടു. കെ.വിജയന്‍ അധ്യക്ഷത വഹിച്ചു.

ഫ്രണ്ട്സ് ഓഫ് കെ.എസ്.എസ്.പി, യു.എ.ഇ. ചാപ്റ്ററിന്റെ അഞ്ചാം വാര്‍ഷികം

2009-05-26T10:11:00.000+05:30

പ്രിയ സുഹൃത്തേ,

ഫ്രണ്ട്സ് ഓഫ് കെ.എസ്.എസ്.പി, യു.എ.ഇ. ചാപ്റ്ററിന്റെ അഞ്ചാം വാര്‍ഷികം 2009മെയ് 28, 29 (വ്യാഴം, വെള്ളി) തിയ്യതികളിലായി ഷാര്‍ജയിലെ എമിരേറ്റ്സ് നാഷ്ണല്‍ സ്കൂളില്‍ വെച്ച് നടക്കുകയാണ്.
കേരള ശാസ്ത്രസാഹിത്യ സാഹിത്യ പരിഷത്തിന്റെ മുന്‍ പ്രസിഡണ്ട്, മുന്‍ ജനറല്‍ സെക്രട്ടറി എന്നീ നിലകളില്‍ പ്രവര്‍ത്തിച്ചിട്ടുള്ളതും, പ്രശസ്ത ശാസ്ത്രസാഹിത്യകാരനും ഇപ്പോള്‍ ഭാരത് ജ്ഞാന്‍ വിജ്ഞാന്‍ സമിതിയുടെ അദ്ധ്യക്ഷനുമായ ശ്രീ. കെ.കെ.കൃഷ്ണകുമാര്‍ ആണ് ഈ വര്‍ഷം മാതൃസംഘടനയെ പ്രതിനിധീകരിച്ച് വാര്‍ഷികത്തില്‍ പങ്കെടുക്കുന്നത്.
വിവിധ എമിരേറ്റ്സുളില്‍നിന്നായി നൂറോളം പ്രതിനിധികള്‍ പങ്കെടുക്കുന്ന സമ്മേളനത്തിന്റെയും , അനുബന്ധപരിപാടികളുടെയും വിജയകരമായ നടത്തിപ്പിന് താങ്കളുടെയും സുഹൃത്തുക്കളുടെയും സഹായ സഹകരണങ്ങള്‍ അഭ്യര്‍ത്ഥിക്കുന്നു.

പാരിഷത്തികാഭിവാദനങ്ങളോടെ,
അഡ്വഃ മാത്യു ആന്റണി.
പ്രസിഡണ്ട്,
050-63 61 285

ഐ.പി.മുരളി.
കോ-ഓഡിനേറ്റര്‍,
050-67 64 556

സമ്മേളനത്തിന്റെ അനുബന്ധപരിപാടികളായി അബുദാബി, ദുബായ്, ഷാര്‍ജ എമിരേറ്റ്സുളില്‍ വിവിധ പരിപാടികള്‍ നടക്കുന്നുണ്ട്.
ജൂണ്‍ 5 -ന് വൈകീട്ട് ഷാര്‍ജയില്‍ ബാലവേദി
ജൂണ്‍ 5 -ന് വൈകീട്ട് ദുബായില്‍ സെമിനാര്‍
ജൂണ്‍ 6 -ന് വൈകീട്ട് അബുദാബി കെ.എസ്.സി. യില്‍

2009-05-18T20:40:00.000+05:30

ശാസ്ത്രവര്‍ഷം 2009 സ്വാഗതസംഘം രൂപീകരിച്ചു

ചാള്‍സ് ഡാര്‍വ്വിന്റെ ഇരുന്നൂറാം ജന്മവാര്‍ഷികവും ഗലീലിയോ ടെലിസ്കോപ്പ് ആകാശത്തേക്ക് ചൂണ്ടിയതിന്റെ 400 വാര്‍ഷികവും ആചരിക്കുന്നതിന്റെ ഭാഗമായി സംഘടിപ്പിക്കുന്ന ശാസ്ത്രവര്‍ഷം 2009 പരിപാടിയുടെ സ്വാഗതസംഘം രൂപീകരണം 18-05-2009 തിങ്കളാഴ്ച ടെല്‍ക്ക് എംപ്ലോയീസ് ഹാളില്‍ നടന്നു.
മെയ് 30,31 തീയതികളില്‍ തിങ്കളാഴ്ച ടെല്‍ക്ക് എംപ്ലോയീസ് ഹാളില്‍ വിവിധ ക്ലാസുകളും, വാനനിരീക്ഷണവും ഉള്‍പ്പടെ വിപുലമായ പരിപാടികളോടെ ശാസ്ത്രവര്‍ഷാചരണം നടത്താന്‍ തീരുമാനിച്ചു. ശ്രീ. എം.ജി നാരായണന്‍ അദ്ധ്യക്ഷത വഹിച്ച യോഗത്തില്‍ അങ്കമാലി എം.എല്‍.എ ശ്രീ ജോസ് തെറ്റയില്‍ മുന്‍സിപ്പല്‍ ചെയര്‍പേഴ്സണ്‍ ശ്രീ. താണ്ടു ടീച്ചര്‍ എന്നിവരെ രക്ഷാധികാരികളായി തീരുമാനിച്ചു.

സ്വാഗതസംഘം

ചെയര്‍മാന്‍ : പ്രൊ.എം.കെ. രാമചന്ദ്രന്‍ (പ്രിന്‍സിപ്പല്‍, ശ്രീ ശങ്കര കോളേജ് കാലടി)

വൈ. ചെയര്‍മാന്‍ : ഇ.വി. കമലാക്ഷന്‍
കണ്‍വീനര്‍ : ടി. എല്യാസ്
ജോ.കണ്‍വീനര്‍ : പി.സി സോമസുന്ദരം

കേരള ശാസ്ത്രസാഹിത്യ പരിഷത്ത് കേന്ദ്രനിര്‍വ്വാഹക സമിതി അംഗം ശ്രീ. എസ്.എസ് മധു, കേരള ശാസ്ത്രസാഹിത്യ പരിഷത്ത് അങ്കമാലി മേഖല പ്രസിഡന്റ് ശ്രീ. ഇ.ടി രാജന്‍, മുന്‍സിപ്പല്‍ കൌണ്‍സിലര്‍മാരായ ശ്രീ. കെ.കെ സലി, ശ്രീ. പുഷ്പ മോഹനന്‍ തുടങ്ങിയവര്‍ യോഗത്തില്‍ പങ്കെടുത്തു.

ശാസ്ത്ര വര്ഷം 2009

2009-05-14T15:01:00.000+05:30

imkv{XhÀjw:- ]cnioe\w XpS§n

ae¸pdw-:- BImi¯nsâ AXncpIÄ¡¸pdt¯¡v hnkvabbm{Xsbmcp¡n imkv{XhÀjmNcW¯nsâ kwØm\ inð¸ime XpS§n. tPymXnimkv{XcwK¯v bpK]cnhÀ¯\¯n\v XpS¡wIpdn¨ Keoentbm KeoenbpsS sSekvtIm¸v \nco£W¯nsâ \m\qdmw hÀjw, ]cnWma kn²m´¯nsâ \qänA¼Xmw hmÀjnIw Fónh {]amWn¨v Cu hÀjw imkv{XhÀjambn ]cnj¯v BNcn¡póp. 10,000 imkv{X¢mkpIÄ \S¯póXn\mbn dntkmgvkv t]gvkamÀ¡pÅ kwØm\ ]cnioe\amWv ae¸pdw sIankväv`h\nð XpS§nbXv s{]m^. ]m¸p«n DZvLmS\w sNbvXp. inð¸imebnð tUm. F³ jmPn s{]m^. ]n BÀ cmLh³, s{]m^. ]n Fkv tim`³, KwKm[c³amkväÀ ]¿óqÀ, Fw]nkn \¼ymÀ, N{µtaml³, hn hnt\mZv, Sn sI tZhcmP³, kn ]n kptcjv_m_p FónhÀ ]s¦Sp¯p. tPymXnimkv{Xw- h-fÀ-¨-bp-sS- ]-S-hp-IÄ- þ-s{]m-^.- ]m-¸p-«n-,- \-£-{X- ]-cn-Wm-aw- þ-tUm.- F-³ jm-Pn,- B-Im-i- Zr-iy-§Ä- þ-s{]m-^.- ]n- F-kv- tim-`-³,- hm-\-\n-co-£-Ww- F-§-s\-þ Kw-Km-[-c-³,- sS-e-kv-tIm-¸n-sâ- N-cn-{Xw- þ-s{]m-^.- ]n- BÀ- cm-L-h-³,- ku-c-bq-Yw- þ-]n- BÀ- N-{µ-tam-l--³ F-ón-hÀ- ¢m-sk-Sp-¯p.- tPym-Xn-im-kv-{X-hp-am-bn- _-Ô-s¸-«- ]-co-£-W-§Ä- {io-\n-hm-k-³ IÀ-¯m-bp-sS- t\-Xr-Xz-¯nð- \-S-óp.-

ശാസ്ത്ര വര്‍ഷം-വിളംബര ജാഥകള്‍ 19 മുതല്‍.

2009-05-14T14:56:00.000+05:30

ശാസ്ത്ര വര്‍ഷത്തിന്റെ വിളംബരമായി കേരള ശാസ്ത്ര സാഹിത്യ പരിഷത്ത് വിളംബര ജാഥ സംക്ഖടിപ്പിക്കുന്നു.ഗലീലിയോ ഗലീലിയുടെ ടെലസ്കോപ്പ് നിരീക്ഷണത്തിന്റെ നാനൂറാം വാര്‍ഷികവും ചാള്‍സ് ഡാര്‍വിന്റെ ഒറിജിന്‍ ഓഫ് സ്പീഷീസ് എന്ന പുസ്തകത്തിന്റെ നൂറ്റമ്പതാം വാര്‍ഷികവും ഹോമി ജെ ഭാഭയുടെ ജന്മശദാബ്ദി വര്‍ഷവുമായ 2009 ആണ് ശാസ്ത്രവര്‍ഷമായി ആചരിക്കുന്നത്.വര്‍ഷാചരണത്തിന്റെ ഭാഗമായി വിവിധ അനുബന്ധ പരിപാടികളും നടക്കും. വിളംബരമായി രണ്ട് വാഹനജാഥകള്‍ പ്രയാണം നടത്തും.19ന് കണ്ണൂര്‍ സ്റ്റേഡിയം കോര്‍ണറില്‍ പരിഷത്ത് മുന്‍ സംസ്ഥാന ജനറല്‍ സെക്രട്ടറി കെ.യു.രാധാകൃഷ്ണന്‍ ഉല്‍ക്ഖാടനം ചെയ്യും.വടക്കന്‍ ജാഥ 20ന് രാവിലെ 10മണിക്ക് പുതിയ തെരുവില്‍ നിന്ന് ആരംഭിച്ച് 23ന് വൈകിട്ട് കണ്ണാടിപറമ്പില്‍ സമാപിക്കും.തെക്കന്‍ ജാഥ 20ന് രാവിലെ 10 മണിക്ക് മുഴുപ്പിലങ്ങാട് നിന്ന് ആരംഭിച്ച് 23ന് വൈകീട്ട് ബ്ലാത്തൂരില്‍ സമാപിക്കും.വര്‍ഷാചരണത്തിന്റെ ഭാഗമായി ആരിരം ശാസ്ത്രക്ലാസ്സുകളും സംക്ഖടിപ്പിക്കും.

മാധവന്‍ മാഷ് വിടപറഞ്ഞു

2009-04-27T12:59:00.000+05:30

26 ഏപ്രില്‍ 2009 ഞായര്‍ : ഞങ്ങളുടെ പ്രിയപ്പെട്ട മാധവന്‍ മാഷ് വിടപറഞ്ഞു....അര്‍പ്പണബോധമുള്ള ഒരു മാതൃകാ അദ്ധ്യാപകനെ കൂടി നമുക്ക് നഷ്ടമായിരിക്കുന്നു. കേരള ശാസ്ത്ര സാഹിത്യ പരിഷത്തിന്റെ സജീവ പ്രവര്‍ത്തകനായ അദ്ദേഹം സര്‍വശിക്ഷാ അഭിയാന്‍ കണ്ണൂര്‍ ജില്ലാ പ്രോജക്ട്‌ ഓഫീസറായിരുന്നു.

പാലയാട്‌ ഡയറ്റില്‍ പ്രിന്‍സിപ്പാളായിരുന്ന മാധവന്‍ മാഷ് രണ്ടരവര്‍ഷം മുമ്പാണ്‌ എസ്‌.എസ്‌.എ. പ്രോജക്ട്‌ ഓഫീസറായി ചുമതലയേറ്റത്‌. കണ്ണൂര്‍ ജില്ലയിലെ ശ്രീകണ്ഠാപുരത്തിനടുത്ത പെരുങ്കോന്നിലെ വീട്ടില്‍ വച്ചായിരുന്നു അന്ത്യം. പെരുങ്കോന്നിലെ എ.വി.പരമേശ്വരന്‍ നമ്പീശന്റെയും എം.ലക്ഷ്‌മിക്കുട്ടിയുടെയും മകനാണ്‌. ഭാര്യ ഇന്ദിര (അധ്യാപിക, ചുഴലി ഗവ. ഹയര്‍ സെക്കന്‍ഡറി സ്‌കൂള്, ചുഴലി‍). മക്കള്‍: അപര്‍ണ, അര്‍ച്ചന (ഇരുവരും സ്‌കൂള്‍ വിദ്യാര്‍ഥികള്‍). സഹോദരങ്ങള്‍: രാധാമണി, ഗണേശന്‍(മലബാര്‍ ഓഫ്‌സെറ്റ്‌ പ്രസ്‌, ശ്രീകണുപുരം), പ്രസന്ന.

മാഷിന് പരിഷത്ത് സുഹൃത്തുക്കളുടെ ആദരാഞ്ജലികള്‍......

ജില്ലാതല നക്ഷത്ര നിരീക്ഷണ പരിശീലന ക്യാമ്പ്‌

2009-04-26T13:45:00.000+05:30

ശാസ്ത്ര വര്ഷാചരണത്തിന്റെ ഭാഗമായി ശാസ്ത്ര സാഹിത്യ പരിഷത്തിന്റെ നേതൃത്വത്തില്‍ ജില്ലാതല നക്ഷത്ര നിരീക്ഷണ പരിശീലന ക്യാമ്പ് ഏപ്രില്‍ 25 ശനിയാഴ്ച രാവിലെ 10 മുതല്‍ രാത്രി 2 മണി വരെ വെളിയമ്പ്ര പഴശ്ശി ഡാം സൈറ്റില്‍ നടന്നു. പരിഷത്ത് ജില്ലാ പ്രസിഡന്റ് പ്രൊഫ. എന്‍.കെ.ഗോവിന്ദന്‍ ഉദ്ഘാടനം ചെയ്തു.

മേഖലാ വിജ്ഞാനോത്സവം

2009-03-30T12:52:00.000+05:30

പയ്യന്നൂര്‍: സ്‌കൂള്‍തല വിജ്ഞാനോത്സവ വിജയികളെ പങ്കെടുപ്പിച്ച്‌ ശാസ്‌ത്ര സാഹിത്യപരിഷത്തിന്റെ പയ്യന്നൂര്‍ മേഖലാ വിജ്ഞാനോത്സവം ഏപ്രില്‍ ആറിന്‌ നടക്കും. കരിവെള്ളൂര്‍- പെരളം, കുഞ്ഞമംഗലം, രാമന്തളി. പെരിങ്ങോം-വയക്കര, ചെറുപുഴ പഞ്ചായത്തുകളിലെയും നഗരസഭാ പ്രദേശങ്ങളിലെയും സ്‌കൂളുകളിലെ എല്‍.പി., യു.പി., ഹൈസ്‌കൂള്‍ വിഭാഗങ്ങളില്‍ നിന്ന്‌ മൂന്ന്‌ വീതം കുട്ടികള്‍ക്ക്‌ പങ്കെടുക്കാം. ഫോണ്‍: 9946554854, 9947166992

നാട്ടിന്‍പുറങ്ങളിലെ നക്ഷത്രനിരീക്ഷണം കൗതുകമാവുന്നു

2009-03-09T14:26:00.000+05:30

പൂക്കോട്ടുംപാടം: ഗലീലിയോ ഗലീലി ടെലസ്‌കോപ്പിലൂടെ വാനനിരീക്ഷണം നടത്തിയതിന്റെ 400-ാം വാര്‍ഷികം പ്രമാണിച്ച്‌ കേരള ശാസ്‌ത്രസാഹിത്യപരിഷത്ത്‌ പ്രവര്‍ത്തകരും മാര്‍സ്‌ പ്രവര്‍ത്തകരും ചേര്‍ന്ന്‌ നാട്ടിന്‍പുറങ്ങളിലെ വഴിയോരങ്ങളില്‍ സ്ഥാപിച്ച ടെലസ്‌കോപ്പ്‌ കൗതുകമാവുന്നു. അമരമ്പലം പഞ്ചായത്തിലെ ചേലോട്‌ സ്ഥാപിച്ച ടെലസ്‌കോപ്പിലൂടെ ശനിയുടെ വലയം കാണുന്നതിനും മോതിരത്തിന്റെ രൂപത്തില്‍ ഉള്ള ശുക്രനെ കാണുന്നതിനും സ്‌ത്രീകളും കുട്ടികളും ഉള്‍പ്പെടെയുള്ള ഗ്രാമീണരുടെ വന്‍ തിരക്കാണനുഭവപ്പെടുന്നത്‌. ശാസ്‌ത്രവര്‍ഷത്തിന്റെ ഭാഗമായി ചേലോട്‌ പാടശേഖരത്തില്‍ ഇപ്പോള്‍ സ്ഥാപിച്ചിട്ടുള്ള ടെലസ്‌കോപ്പ്‌ നാട്ടുകൂട്ടങ്ങള്‍ തുടങ്ങി പഞ്ചായത്തിന്റെ വിവിധഭാഗങ്ങളില്‍ സ്ഥാപിക്കും. പരിഷത്ത്‌ പ്രവര്‍ത്തകരായ കെ. രാജേന്ദ്രന്‍, കെ.വി. ദിവാകരന്‍, പി. സജിന്‍, ഹബീദ്‌ എന്നിവരും മലപ്പുറത്തുനിന്നെത്തിയ മാര്‍സ്‌ പ്രവര്‍ത്തകരായ ടി.വി. ബെന്നി, ബാലഭാസ്‌കരന്‍ പള്ളിക്കുത്ത്‌ എന്നിവരും പ്രവര്‍ത്തനങ്ങള്‍ക്ക്‌ നേതൃത്വം നല്‍കി.

പരിഷത്ത് വിശേഷങ്ങള്‍

ദുബായിയിൽ ബാലശാസ്ത്ര കോൺഗ്രസ്സ്

ഒറ്റയല്ലഒറ്റയല്ല ഒറ്റയല്ല

രസതന്ത്രയാത്രയെത്തി

കേരളത്തിന്റെ വികസനം

പരിഷത്ത് സംസ്ഥാന പ്രവര്‍ത്തക ക്യാമ്പ് സമാപിച്ചു

അന്താരാഷ്ട്ര രസതന്ത്ര വര്‍ഷം 2011

ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത് ഏഴാം വാർഷികം

ഷാർജ ചാപ്റ്റർ വാർഷികം

വിദ്യാഭ്യാസ സെമിനാര്‍

അബുദാബി ചങ്ങാതിക്കൂട്ടം -2011 ഫെബ്രുവരി 25 ന്

പെണ്‍ പിറവി നാടകയാത്ര - 2011

ദുബായ് ചങ്ങാതിക്കൂട്ടം 2010

പരിഷദ് പ്രസിദ്ധീകരണങ്ങള്‍ക്ക് ....

മാനം മഹാത്ഭുതം മരുഭൂമി മനോഹരം

കാല്‍നട പ്രചാരണ ജാഥ തുടങ്ങി.

അബുദാബിയില്‍ ഫ്രണ്ട്സ് ഓഫ് കെ.എസ്.എസ്.പി.യുടെ ആഭിമുഖ്യത്തില്‍ ഐ.ടി.ശില്പശാല

ദേശീയപാത സ്വകാര്യവല്‍ക്കരണത്തെ ചെറുത്ത് തോല്‍പ്പിക്കുക - പ്രതിഷേധ ജാഥ തളിപ്പറമ്പില്‍

പരിഷത്ത് ചരിത്രം ശേഖരിക്കുന്നു

ചങ്ങാതിക്കൂട്ടം 2010 - സമാപിച്ചു

ഷാര്‍ജ ചങ്ങാതിക്കൂട്ടം 2010

കിനാ­ലൂര്‍ നി­രീ­ക്ഷ­ണ­ങ്ങളും നിര്‍­ദ്ദേ­ശ­ങ്ങ­ളും-ശാ­സ്­ത്ര­സാ­ഹി­ത്യപ­രിഷ­ത്

ജൂണ്‍ 5 ലോക പരിസ്ഥിതി ദിനം

ബാലവേദി പ്രവര്‍ത്തനങ്ങള്‍ - കവി പി.കെ.ഗോപി ഉല്‍ഘാടനം ചെയ്യും.

ഭൂമി പൊതുസ്വത്ത് - സെമിനാര്‍

ആറാം വാര്‍ഷികം

ആറാം വാര്‍ഷികം

ഫ്രണ്ട്സ് ഓഫ് കെ.എസ്.എസ്.പി (യു..എ.ഇ)യുടെ ആറാം വാര്‍ഷികം

ജില്ലാ വിജ്ഞാനോത്സവം-മലപ്പുറം

ഫ്രണ്ട്സ് ഓഫ് കെ.എസ്.എസ്.പി യുടെ ദുബായ് ചാപ്റ്റര്‍ വാര്‍ഷികം

ഗണിതശാസ്ത്ര മാമാങ്കം

കേരളം ശാസ്ത്രകാരന്മാരെ മറക്കുന്നു-ഡോ. ബി. ഇക്ബാല്‍

ചങ്ങാതിക്കൂട്ടം അബുദാബി - 2010

എന്തേ നമ്മൾ മലയാളികൾ ഇങ്ങിനെ ?

ഭൂമി പൊതുസ്വത്തായി പ്രഖ്യാപിക്കണം

ജനകീയ ശാസ്ത്ര പ്രവർത്തകർ മലപ്പുറത്തിന്റെ മണ്ണിൽ ഒത്തുചേർന്നപ്പോൾ

സ്കൂൾ മേളകൾ പുനരാവിഷ്ക്കരിക്കുക-പരിഷത്ത്

സ്ത്രീകള്‍ ആഗോളീകരണത്തിന്റെ ഇരകള്‍

മാന്ത്രിക മരുന്നുകളും പരസ്യങ്ങളും

ശാസ്ത്രസാഹിത്യ പരിഷത്തിന്റെ ആരോഗ്യ സംവാദ യാത്ര തുടങ്ങി

ആരോഗ്യ സംവാദയാത്ര

'സ്ത്രീകളും അധികാരവും'

മലപ്പുറത്തിന്റെ മണ്ണും മനസ്സും

ഗ്രഹണം, അത്ഭുതഭരിതം...

വലയ സൂര്യഗ്രഹണത്തെ വരവേല്‍ക്കാന്‍ ജില്ല ഒരുങ്ങി

സൂര്യഗ്രഹണം നിരീക്ഷിക്കാന്‍ വിപുലമായ ഒരുക്കങ്ങള്

വിജ്ഞാനോത്സവ വാർത്തകൾ

മേഖലാ യുറീക്ക വിജ്ഞാനോത്സവം നാളെ തുടങ്ങും

അധ്യാപക ശില്‌പശാല

പരിസ്ഥിതി-വികസന സെമിനാര്‍.

'നെല്‍വയല്‍-നീര്‍ത്തട സംരക്ഷണ നിയമം ഫലപ്രദമായി നടപ്പാക്കണം'

സാംസ്‌കാരിക മുന്നണി കെട്ടിപ്പടുക്കണം

ഇന്നത്തെ വിദ്യാഭ്യാസം സാമൂഹിക ലക്ഷ്യങ്ങളെ അവഗണിക്കുന്നു-ആര്‍.വി.ജി. മേനോന്‍

വിദ്യാഭ്യാസം-പുതിയ നയസമീപനങ്ങളും കേരളവും.

ദൈവരാജ്യം ഇല്ല എന്നാണല്ലോ ഇയാള്‍ പറഞ്ഞു കൊണ്ടുവരുന്നത്?

ടെലിസേ്കാപ്പ് നിര്‍മാണ പരിശീലനവും ശാസ്ത്രക്ലാസും

ഗലീലിയോ

അധ്യാപകര്‍ക്കും വിദ്യാര്‍ഥികള്‍ക്കുമായി ശില്പശാല

ഡോ. സി.ആര്‍. സോമന്‍ അന്തരിച്ചു

ഗലീലിയോ നാടകയാത്ര

ശാസ്ത്രവണ്ടി കണ്ടോ നിങ്ങൾ?

ശാസ്ത്രവണ്ടി കണ്ടോ നിങ്ങൾ?

അനുസരിക്കുന്ന പന്ത്

സ്‍നേഹപൂര്‍വ്വം ഭൂമി

കരുനാഗപ്പള്ളി മേഖല മാസിക ക്യാമ്പൈനില്‍ ചരിത്രം ആവര്‍ത്തിക്കുന്നു....

അബുദാബിയില്‍ യുദ്ധവിരുദ്ധ സെമിനാര്‍ നടന്നു.

യുദ്ധ വിരുദ്ധ സെമിനാര്‍ - അബൂദാബിയില്‍

ബാലവേദി പ്രവര്‍ത്തക ക്യാമ്പ് - ഷാര്‍ജ.

ബാലവേദി പ്രവര്‍ത്തക ക്യാമ്പ്

ഷാര്‍ജ ചങ്ങാതിക്കൂട്ടം 2009

ഭാസ്കരന്‍ മാസ്റ്റര്‍ക്ക് ആദരാഞ്ജലികള്‍

ശാസ്‌ത്രവര്‍ഷ പഠനക്കളരി

ഷാര്‍ജ ചങ്ങാതിക്കൂട്ടത്തിലേക്ക് എല്ലാവര്‍ക്കും സ്വാഗതം

ജൂണ്‍ 5 ലോക പരിസരദിനം

അഞ്ചാം വാര്‍ഷിക റിപ്പോര്‍ട്ടിന്റെ ആമുഖം

കുട്ടികളെ പൊതു വിദ്യാലയങ്ങളില്‍ ചേര്‍ക്കണം - പരിഷത്ത്‌

ഫ്രണ്ട്സ് ഓഫ് കെ.എസ്.എസ്.പി, യു.എ.ഇ. ചാപ്റ്ററിന്റെ അഞ്ചാം വാര്‍ഷികം

ശാസ്ത്ര വര്ഷം 2009

ശാസ്ത്ര വര്‍ഷം-വിളംബര ജാഥകള്‍ 19 മുതല്‍.

മാധവന്‍ മാഷ് വിടപറഞ്ഞു

കിനാലൂര്‍ നിരീക്ഷണങ്ങളും നിര്‍ദ്ദേശങ്ങളും-ശാസ്ത്രസാഹിത്യപരിഷത്