യുവസംഗമം തുടങ്ങി

കടന്നപ്പള്ളി: ശാസ്‌ത്ര സാംസ്‌കാരികോത്സവത്തിന്റെ ഭാഗമായി കേരള ശാസ്‌ത്രസാഹിത്യ പരിഷത്ത്‌ സംഘടിപ്പിക്കുന്ന യുവസംഗമം കടന്നപ്പള്ളിയില്‍ തുടങ്ങി. ക്യാമ്പംഗങ്ങളായ എന്‍.ജസ്‌ന, ശ്രീലജ്‌ എന്നിവര്‍ ചേര്‍ന്ന്‌ യുവസംഗമം ഉദ്‌ഘാടനം ചെയ്‌തു. പി.കെ.രജീഷ്‌ അധ്യക്ഷനായി. കടന്നപ്പള്ളി-പാണപ്പുഴ പഞ്ചായത്ത്‌ പ്രസിഡന്റ്‌ കെ.പദ്‌മനാഭന്‍ മുഖ്യാതിഥിയായി. പ്രൊഫ. കെ.ബാലന്‍, പ്രഭാകരന്‍ കോവൂര്‍ എന്നിവര്‍ ക്ലാസെടുത്തു. എ.ശ്രീകാന്ത്‌ സ്വാഗതവും കെ.സൂരജ്‌ നന്ദിയും പറഞ്ഞു. യുവസംഗമം ഞായറാഴ്‌ച സമാപിക്കും.

പരിശീലനം ഇന്നുമുതല്‍

കണ്ണൂര്‍: ശാസ്‌ത്രസാഹിത്യ പരിഷത്ത്‌ യുവസംഗമം ജില്ലാ പരിശീലനം 11നും 12നും കടന്നപ്പള്ളിയില്‍ നടക്കും. 11ന്‌ നാല്‌ മണിക്ക്‌ തുടങ്ങുന്ന പരിശീലനത്തില്‍ 14 മേഖലകളിലെ 50 പേര്‍ പങ്കെടുക്കും.