Monday, April 28, 2008

ജില്ലാതല പ്രചാരണജാഥ

എടപ്പാള്‍: പ്രതിലോമ ശക്തികളുടെ കടന്നുകയറ്റത്തെ ചെറുത്തുകൊണ്ട്‌ പൊതുവിദ്യാഭ്യാസത്തെ രക്ഷിക്കാന്‍ സമൂഹമൊന്നാകെ സജ്ജരാകേണ്ട കാലം അതിക്രമിച്ചിരിക്കുകയാണെന്ന്‌ സാഹിത്യകാരന്‍ ആലങ്കോട്‌ ലീലാകൃഷ്‌ണന്‍ പറഞ്ഞു. കേരള ശാസ്‌ത്രസാഹിത്യ പരിഷത്ത്‌ മലപ്പുറം ജില്ലാ കമ്മിറ്റി സംഘടിപ്പിച്ച ജില്ലാതല പ്രചാരണജാഥയുടെ ഉദ്‌ഘാടനം എടപ്പാളില്‍ നിര്‍വഹിച്ച്‌ സംസാരിക്കുകയായിരുന്നു അദ്ദേഹം. ജനപക്ഷ വിദ്യാഭ്യാസം നേരിടുന്ന വെല്ലുവിളികള്‍ എന്ന വിഷയത്തില്‍ നടന്ന സെമിനാറില്‍ ജന. സെക്രട്ടറി വി. വിനോദ്‌ വിഷയമവതരിപ്പിച്ചു. ജില്ലാ പ്രസിഡന്റ്‌ കെ. വിജയന്‍ അധ്യക്ഷത വഹിച്ചു. സെക്രട്ടറി പി. രമേഷ്‌കുമാര്‍, വിവിധ സംഘടനാ പ്രതിനിധികളായ അടാട്ട്‌ വാസുദേവന്‍, പി.വി. സേതുമാധവന്‍, ജിജി വര്‍ഗീസ്‌ എന്നിവര്‍ പ്രസംഗിച്ചു. പൊതുവിദ്യാലയം സംരക്ഷിക്കുക, കെ.ഇ.ആര്‍. ശുപാര്‍ശകള്‍ എല്ലാ വിദ്യാലയങ്ങള്‍ക്കും ബാധകമാക്കുക, തുടങ്ങിയ ആവശ്യങ്ങളുമായാണ്‌ ജാഥ.

No comments:

Post a Comment

ഈ ബ്ലോഗിനെ കുറിച്ചും,പരിപാടികളേ കുറിച്ചുമുള്ള നിങ്ങളുടെ അഭിപ്രായങ്ങളും നിര്‍ദേശങ്ങളും അറീക്കുക