മലപ്പുറം:ആണവക്കരാറിന്റെ ദൂഷ്യവശങ്ങള്‍ ജനങ്ങളിലെത്തിക്കാനായി ശാസ്‌ത്ര സാഹിത്യപരിഷത്ത്‌ ജില്ലയില്‍ വാഹനജാഥകള്‍ സംഘടിപ്പിക്കുന്നു. രണ്ട്‌ ജാഥകളാണ്‌ ജില്ലയില്‍ പര്യടനം നടത്തുകയെന്ന്‌ ഭാരവാഹികള്‍ പത്രസമ്മേളനത്തില്‍ അറിയിച്ചു.
ജില്ലാ പ്രസിഡന്റ്‌ കെ. വിജയനാണ്‌ ഒരുജാഥയുടെ ക്യാപ്‌റ്റന്‍. ജില്ലാ സെക്രട്ടറി പി. രമേഷ്‌കുമാര്‍ രണ്ടാമത്തെ ജാഥ നയിക്കും. 28ന്‌ വൈകീട്ട്‌ നാലുമണിക്ക്‌ മലപ്പുറം കെ.എസ്‌.ആര്‍.ടി.സി. സ്റ്റേഷന്‍ പരിസരത്ത്‌ രണ്ടുജാഥകളും ഡോ. കെ.ടി. ജലീല്‍ എം.എല്‍.എ. ഉദ്‌ഘാടനം ചെയ്യും. ഡോ. ബി. ഇക്‌ബാല്‍ മുഖ്യപ്രഭാഷണം നടത്തും.
29, 30 തീയതികളില്‍ ജാഥ പര്യടനം പൂര്‍ത്തിയാക്കും. 29നാണ്‌ ജാഥകള്‍ പുറപ്പെടുക. ഒന്നാം ജാഥ പറപ്പൂര്‍ പാറയില്‍ തുടങ്ങി 30ന്‌ പാണ്ടിക്കാട്‌ സമാപിക്കും. രണ്ടാം ജാഥ എടവണ്ണപ്പാറയില്‍ തുടങ്ങി അങ്ങാടിപ്പുറത്ത്‌ സമാപിക്കും.
ആണവക്കരാര്‍ ഇന്ത്യയുടെ ഭാവി ഊര്‍ജപ്രതിസന്ധി പരിഹരിക്കാന്‍ പര്യാപ്‌തമല്ലെന്ന്‌ പരിഷത്ത് സംസ്ഥാന മുന്‍ ജനറല്‍ സെക്രട്ടറി കെ.കെ. ജനാര്‍ദ്ദനന്‍ പറഞ്ഞു. ആണവോര്‍ജം സുരക്ഷിതമാണെന്ന വാദം ശാസ്‌ത്ര വിരുദ്ധമാണ്‌. ഈ കാര്യങ്ങള്‍ ചര്‍ച്ചയായി ഉയര്‍ത്തിക്കൊണ്ടുവരാനാണ്‌ ജാഥകള്‍ സംഘടിപ്പിക്കുന്നത്‌.
ജില്ലാ പ്രസിഡന്റ്‌ കെ.വിജയന്‍, എ. ശ്രീധരന്‍, ടി.കെ. വിമല എന്നിവരും പത്രസമ്മേളനത്തില്‍ പങ്കെടുത്തു.
No comments:
Post a Comment
ഈ ബ്ലോഗിനെ കുറിച്ചും,പരിപാടികളേ കുറിച്ചുമുള്ള നിങ്ങളുടെ അഭിപ്രായങ്ങളും നിര്‍ദേശങ്ങളും അറീക്കുക