ആലപ്പുഴ: മഴ കുറയാനുള്ള കാരണം ആഗോളതാപനം മൂലമാണെന്ന്‌ കരുതാനാവില്ലെന്ന്‌ പരിസ്ഥിതിപ്രവര്‍ത്തകനും ഇന്‍ഫര്‍മേഷന്‍ കേരള മിഷന്‍ (ഐ.കെ.എം.) ഡയറക്ടറുമായ പ്രൊഫ. എം.കെ. പ്രസാദ്‌ അഭിപ്രായപ്പെട്ടു. ആലപ്പുഴ സെന്റ്‌ ജോസഫ്‌സ്‌ കോളേജില്‍ സംഘടിപ്പിച്ച 'ആഗോളതാപനം' എന്ന സെമിനാര്‍ ഉദ്‌ഘാടനംചെയ്‌ത്‌ പ്രസംഗിക്കുകയായിരുന്നു അദ്ദേഹം.
ആണവ വൈദ്യുതി ഉത്‌പാദനം ആഗോളതാപനത്തിന്റെ ആക്കം കൂട്ടും. ഊര്‍ജചോര്‍ച്ചയും ഉത്‌പാദന പ്രക്രിയയിലൂടെ വരുന്ന മാലിന്യങ്ങള്‍ ഇല്ലാതാക്കാന്‍ യാതൊരു സംവിധാനവും ഇല്ലാത്തതുതന്നെ അതിന്‌ കാരണമെന്നും അദ്ദേഹം പറഞ്ഞു.
കോളേജിലെ നാഷണല്‍ സര്‍വീസ്‌ സ്‌കീമും കൊമേഴ്‌സ്‌ വിഭാഗവും ചേര്‍ന്ന്‌ ശാസ്‌ത്രസാഹിത്യപരിഷത്തിന്റെ സഹകരണത്തോടെയാണ്‌ സെമിനാര്‍ സംഘടിപ്പിച്ചത്‌. എം.ആര്‍. ബാലകൃഷ്‌ണന്‍, പ്രൊഫ. ജ്യോതിലക്ഷ്‌മി, ശാസ്‌ത്രസാഹിത്യപരിഷത്ത്‌ ജില്ലാ സെക്രട്ടറി ജയരാജ്‌, വിനോദ്‌, രഞ്‌ജിത്ത്‌, മുഹമ്മദ്‌ അസ്‌ലം തുടങ്ങിയവര്‍ പ്രസംഗിച്ചു.
No comments:
Post a Comment
ഈ ബ്ലോഗിനെ കുറിച്ചും,പരിപാടികളേ കുറിച്ചുമുള്ള നിങ്ങളുടെ അഭിപ്രായങ്ങളും നിര്‍ദേശങ്ങളും അറീക്കുക