തേഞ്ഞിപ്പലം: ജീവിതത്തിന്റെ മൂല്യങ്ങളില്‍നിന്ന്‌ ദിനംപ്രതി അകന്നുകൊണ്ടിരിക്കുന്ന മലയാളിക്ക്‌ സ്വത്വം നഷ്ടപ്പെട്ടുകൊണ്ടിരിക്കുകയാണെന്ന്‌ പ്രൊഫ. എം.എന്‍. കാരശ്ശേരി പറഞ്ഞു.
കാലിക്കറ്റ്‌ സര്‍വകലാശാലയില്‍ കേരള ശാസ്‌ത്രസാഹിത്യപരിഷത്ത്‌ സംഘടിപ്പിച്ച ശാസ്‌ത്ര സാംസ്‌കാരികോത്സവം ഉദ്‌ഘാടനം ചെയ്യുകയായിരുന്നു അദ്ദേഹം.
കേരളീയസംസ്‌കാരത്തിന്‌ ഭീഷണിയാകുന്നത്‌ പൗരോഹിത്യരാഷ്ട്രീയമാണ്‌. മലയാളി മലയാളിയെ സ്‌നേഹിക്കുന്നതുകൊണ്ട്‌ മറ്റുള്ളവരെ വെറുക്കരുത്‌. എല്ലാതരത്തിലുള്ള തീവ്രവാദങ്ങളും ഏത്‌ സമുദായത്തിന്റെ പേരിലാണോ നടക്കുന്നത്‌ അത്‌ ആ സമുദായത്തിനെതിരാണ്‌അദ്ദേഹം പറഞ്ഞു.
ചടങ്ങില്‍ തേഞ്ഞിപ്പലം ഗ്രാമപ്പഞ്ചായത്ത്‌ പ്രസിഡന്റ്‌ എം. പങ്കജാക്ഷി അധ്യക്ഷതവഹിച്ചു. ശാസ്‌ത്രസാഹിത്യ പരിഷത്ത് സംസ്ഥാന സെക്രട്ടറി വി. വിനോദ്‌, കൃഷ്‌ണന്‍ കാരങ്ങാട്‌, സുനില്‍ എന്നിവര്‍ പ്രസംഗിച്ചു. ശാസ്‌ത്രസാംസ്‌കാരികോത്സവത്തിന്റെ ഭാഗമായി ചിത്രകാരന്മാര്‍ ഒന്നിച്ചണിനിരന്ന ചിത്രരചനയും നടന്നു
ഒരു വിളക്കുമായി വഴികാട്ടി നിങ്ങളിലേക്ക്‌
ReplyDeleteസ്വീകരിച്ചാലും
http://vazhikaatti.blogspot.com/